Mon, Nov 16, 2026Updated 02:33 PM IST
Google Preferred Source CTA

વેલકમ 2026
5 રાજ્યમાં ચૂંટણી, 3માં BJP ક્યારેય નથી જીતી:આ વર્ષે દેશની 17% વસતિ નવી સરકાર પસંદ કરશે; વિશ્વભરના 36 દેશમાં પણ ઇલેક્શન

10 મહિનો પેહલા
Loading advertisement...
દિવ્ય ભાસ્કર વાંચવા માટે...
બ્રાઉઝરમાં જ

આ વર્ષે દેશના 5 રાજ્યોમાં ચૂંટણી થવાની છે, જ્યાં દેશની 17% વસતિ પોતાના માટે નવી સરકાર પસંદ કરશે. પશ્ચિમ બંગાળ, તામિલનાડુ અને કેરળમાં BJP ક્યારેય ચૂંટણી જીતી શકી નથી. જ્યારે, આસામમાં ત્રીજી વખત અને પુડુચેરીમાં બીજી વખત સત્તામાં આવવાનો પ્રયાસ કરી રહી છે.

Loading advertisement...

બાંગ્લાદેશ, નેપાળ સહિત દુનિયાના 36 દેશોમાં પણ સામાન્ય ચૂંટણીઓ થવાની છે. 2 વર્ષથી વધુ સમયથી પેલેસ્ટાઈન-ગાઝા જંગમાં ફસાયેલા ઈઝરાયેલી પીએમ નેતન્યાહુની કિસ્મત પણ આ વર્ષે નક્કી થશે.

પશ્ચિમ બંગાળ: મમતા ચોથી વખત સીએમ બનશે તો રેકોર્ડ થશે 14 વર્ષથી CM મમતા સામે BJP મુખ્ય પડકાર છે. 2026ની ચૂંટણીમાં ટીએમસી (TMC) જીતશે તો મમતા બેનર્જી સતત ચોથી વખત મુખ્યમંત્રી બનશે. તેઓ આવું કરનાર દેશના પ્રથમ મહિલા બનશે. આ પહેલા જયલલિતાના નામે 5 વખત તમિલનાડુના મુખ્યમંત્રી બનવાનો રેકોર્ડ છે. પરંતુ તેઓ 1991થી 2016 સુધી અલગ-અલગ કાર્યકાળ (સતત નહીં)માં મુખ્યમંત્રી પદ પર રહ્યા હતા.

Loading advertisement...

આસામ: ભાજપ સામે કોંગ્રેસનું 8 પાર્ટીઓ સાથે ગઠબંધન આસામમાં 10 વર્ષથી ભાજપની સરકાર છે. પાર્ટી ત્રીજી ચૂંટણીની તૈયારીઓમાં વ્યસ્ત છે. પીએમ મોદી 6 મહિનામાં 3 વખત રાજ્યની મુલાકાત લઈ ચૂક્યા છે. અહીં પાર્ટીએ 126 બેઠકોમાંથી 100+ બેઠકો જીતવાનું લક્ષ્ય રાખ્યું છે. આસામમાં બાંગ્લાદેશ, ઘૂસણખોરો/સરહદ સુરક્ષા, આસામી ઓળખ જેવા મુદ્દાઓ છે. ભાજપને રોકવા માટે કોંગ્રેસે 10 પાર્ટીઓ સાથે ગઠબંધન કર્યું છે. જેમાં ડાબેરી અને પ્રાદેશિક પક્ષો સામેલ છે.

તામિલનાડુ: 60 વર્ષથી કોંગ્રેસ-ભાજપ સરકારમાં નથી તમિલનાડુ એકમાત્ર એવું રાજ્ય છે જ્યાં છેલ્લા 60 વર્ષથી BJP કે કોંગ્રેસની સરકાર બની નથી. BJP જયલલિતાની પાર્ટી AIADMK સાથે ગઠબંધન કરી શકે છે. બીજી તરફ સુપરસ્ટાર વિજયની પાર્ટી TVK પણ મેદાનમાં છે.

કેરળ: એકમાત્ર રાજ્ય જ્યાં લેફ્ટ સત્તામાં છે કેરળ દેશનું એકમાત્ર રાજ્ય છે, જ્યાં હજુ પણ લેફ્ટ (ડાબેરીઓ) સત્તામાં છે. અહીં સત્તા બદલવાની પરંપરા રહી છે, પરંતુ 2021માં ડાબેરી મોરચા (LDF) એ આ ટ્રેન્ડ તોડીને સતત બીજી વખત સરકાર બનાવી. કોંગ્રેસ ગઠબંધનનો પ્રયાસ આ વખતે એન્ટી-ઈન્કમ્બન્સીને કેશ કરવાનો રહેશે.

સાથે જ, BJP અત્યાર સુધી કેરળમાં એક પણ વિધાનસભા બેઠક જીતી શકી નથી. છેલ્લી લોકસભા ચૂંટણીમાં અહીં તેણે ત્રિશૂર લોકસભા બેઠક જીતી હતી. આ ઉપરાંત ડિસેમ્બર 2025માં પણ BJPએ પહેલીવાર ત્રિવેન્દ્રમ (તિરુવનંતપુરમ) મ્યુનિસિપલ કોર્પોરેશનની ચૂંટણી જીતી.

પુડુચેરી: દેશની સૌથી ઓછી બેઠકો વાળી વિધાનસભા 2021માં કોંગ્રેસ સરકાર પડ્યા બાદ AINRC-BJP ગઠબંધને સત્તા મેળવી અને એન. રંગાસામી ફરી એકવાર મુખ્યમંત્રી બન્યા. આ પહેલીવાર હતું જ્યારે BJP સત્તામાં સીધી રીતે ભાગીદાર બની. આ વખતે કોંગ્રેસ DMK સાથે ગઠબંધનમાં વાપસીનો પ્રયાસ કરી રહી છે અને સરકાર પડવાના મુદ્દાને એન્ટી-ઈન્કમ્બન્સીમાં બદલવા માંગે છે.

દુનિયાના 36થી વધુ દેશોમાં ચૂંટણી વર્ષ 2026માં દુનિયાના 36થી વધુ દેશોમાં સામાન્ય ચૂંટણીઓ થવાની છે. આમાં બાંગ્લાદેશ, નેપાળ, ઈઝરાયેલ જેવા દેશો મુખ્ય છે.

બાંગ્લાદેશ: 35 વર્ષ પછી નવા PM મળશે શેખ હસીનાના તખ્તાપલટ પછી દેશમાં પ્રથમ વખત ચૂંટણી થઈ રહી છે. શેખ હસીના ભારત ભાગી આવ્યા છે અને તેમની પાર્ટી અવામી લીગના ચૂંટણી લડવા પર પ્રતિબંધ મૂકવામાં આવ્યો છે.

વિપક્ષી બાંગ્લાદેશ નેશનાલિસ્ટ પાર્ટી (BNP)ના નેતા ખાલિદા ઝિયાનું અવસાન થયું છે. તેમની પાર્ટી BNPની ચૂંટણી જીતવાની શક્યતા સૌથી વધુ છે.

એવું માનવામાં આવે છે કે ખાલિદા ઝિયાના પુત્ર તારિક રહેમાન દેશના આગામી PM બનશે. જો આવું થશે તો દેશને 35 વર્ષ પછી નવા પીએમ મળશે. 1990 પછી શેખ હસીના અને ખાલિદા ઝિયા જ વડાપ્રધાન બનતા રહ્યા છે.

નેપાળ: જેન-ઝી આંદોલન પછી આ પ્રથમ ચૂંટણી નેપાળમાં 5 માર્ચે મતદાન થશે. જેન-ઝી (Gen-Z) આંદોલનના તખ્તાપલટ પછી આ પ્રથમ ચૂંટણી હશે. આંદોલન પછી દેશમાં 10 કમ્યુનિસ્ટ પાર્ટીઓએ એકજૂથ થઈને નવી નેપાળ કમ્યુનિસ્ટ પાર્ટીની રચના કરી છે. આ વખતે તેઓ ચૂંટણી જીતવા માટે સૌથી મોટા દાવેદાર છે.

ઈઝરાયેલ: ગાઝા જંગ રોકાયા પછી પ્રથમ ચૂંટણી ગાઝામાં પેલેસ્ટાઈન અને ઈઝરાયેલ જંગ પછી આ પ્રથમ સામાન્ય ચૂંટણી હશે. ગત કેટલીક ચૂંટણીઓથી કોઈ પણ પક્ષ એકલા હાથે બહુમતી લાવી શક્યો નથી. આ વખતે પણ ગઠબંધન સરકાર બનવી લગભગ નિશ્ચિત માનવામાં આવે છે. બેન્જામિન નેતન્યાહુ ઈઝરાયેલના સૌથી લાંબા સમય સુધી સત્તામાં રહેલા વડાપ્રધાન છે.

.
Loading advertisement...