- Gujarati News
- Local
- Gujarat
- Chhota udaipur
- Nasvadi
- 4 Masked Men Arrived At Shishu Vihar Society Early In The Morning To Break The Locks
શિશુવિહાર સોસાયટીમાં વહેલી સવારે 4 બુકાનીધારી શખ્સો તાળાં તોડવા પહોંચ્યા:નસવાડીમાં પોલીસના વેશનો ભ્રમ ઊભો કરી તસ્કરોનો સોસા.માં ઘૂસવાનો પ્રયાસ
- કૉપી લિંક
નસવાડી ટાઉનની શિશુવિહાર સોસાયટીમાં વહેલી સવારે કારમાં આવેલા ચાર બુકાનીધારી શખ્સોએ ચોરીનો પ્રયાસ કરતાં રહીશોમાં ફફડાટ ફેલાયો છે. તસ્કરો પૈકી એક શખ્સે ખાખી પેન્ટ પહેરી પોલીસકર્મી હોવાનો ભ્રમ ઊભો કરવાનો પ્રયાસ કર્યો હોવાનું સીસીટીવી દૃશ્યોમાં જોવા મળ્યુ
પ્રાપ્ત માહિતી મુજબ, વહેલી સવારે ચાર બુકાનીધારી શખ્સો કારમાં સોસાયટીમાં આવ્યા હતા. તેમણે સોસાયટીના એક-બે બંધ મકાનોને નિશાન બનાવી દરવાજાના નકૂચા તોડવાનો પ્રયાસ કર્યો હતો. સીસીટીવીમાં એક શખ્સ ખાખી પેન્ટ પહેરેલો સ્પષ્ટ દેખાઈ રહ્યો છે. આ રીતે પોલીસનો ભ્રમ ઊભો કરીને કોઈને શંકા ન જાય તેવી તરકીબ અપનાવી હોવાનું મનાઈ રહ્યું છે.
ઘટના બાદ શિશુવિહાર સહિત આસપાસની સોસાયટીઓમાં ભયનો માહોલ છે. ખાસ કરીને દિવાળીના તહેવારોમાં લોકો મકાનો બંધ રાખીને વતન જતા હોવાથી ચોરીની આશંકા વધી છે.
તસ્કરો હથિયારો સાથે આવતા હોવાની ભીતિ પણ રહીશોને સતાવી રહી છે. આથી રાત્રિ દરમિયાન પોલીસ પેટ્રોલિંગ વધારવામાં આવે. સીસીટીવી ફૂટેજના આધારે તસ્કરોને ઝડપી પાડવામાં આવે. એવી લોકમાગ ઊઠી છે.
ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















