- Gujarati News
- Local
- Gujarat
- Chhota udaipur
- Kavant
- Kawant Accident Update: Youth Dies After Bike Car Collision | Vadodara
કવાંટ પાસે બાઈક-કારની ટક્કરમાં યુવકનું સારવાર દરમિયાન મોત:31 ઓક્ટોબરે ધનીવાડી પાસે અકસ્માત સર્જીને કારચાલક ફરાર; અન્ય યુવાન હોસ્પિટલમાં સારવાર હેઠળ
- કૉપી લિંક

કવાંટ તાલુકાના ધનીવાડી ગામ પાસે 31 ઓક્ટોબર 2026ની સાંજે બાઈક અને કાર વચ્ચે ટક્કર થઈ હતી. અકસ્માતમાં ઘવાયેલા 18 વર્ષના યુવાનનું 6 નવેમ્બરે વડોદરાની એસ.એસ.જી. હોસ્પિટલમાં સારવાર દરમિયાન મોત થયું હતું.

મળતી માહિતી મુજબ, કારચાલકે સ્ટિયરિંગ પરથી કાબૂ ગુમાવ્યો હતો. કાર સામે આવી રહેલી બાઈક સાથે અથડાઈ હતી. બાઈક પર સવાર બંને યુવાનો રસ્તા પર ફંગોળાયા હતા.

આસપાસના લોકો બંનેને 108 એમ્બ્યુલન્સથી દવાખાને લઈ ગયા હતા. વધુ સારવાર માટે તેમને વડોદરાની એસ.એસ.જી. હોસ્પિટલમાં ખસેડાયા હતા. બીજો યુવાન હાલ પણ હોસ્પિટલમાં સારવાર હેઠળ છે.

મૃતકની ઓળખ અવિનાશભાઈ શૈલેષભાઈ રાઠવા (18), રહેવાસી મોટી ટીટોડ, તાલુકો કવાંટ, જિલ્લો છોટાઉદેપુર તરીકે થઈ છે. અકસ્માત બાદ કારચાલક ગાડી મૂકીને ફરાર થયો હતો. પોલીસે તેની શોધખોળ શરૂ કરી છે અને આગળની કાર્યવાહી હાથ ધરી છે.


ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















