- Gujarati News
- Utility
- Automobile
- Hyundai Venue N Line 2025 Launch November 4 Safety Features SUV Price
2025 હ્યુન્ડાઇ વેન્યૂ એન લાઇન 4 નવેમ્બરે લોન્ચ થશે:70થી વધુ એડવાન્સ્ડ સેફ્ટી ફીચર્સ સુવિધાઓ સાથેની સ્પોર્ટી SUV; એક્સ્પેક્ટેડ પ્રાઇઝ ₹11.5 લાખ
- કૉપી લિંક

હ્યુન્ડાઇ મોટર ઇન્ડિયાએ 2025 વેન્યૂ એન-લાઇન રજૂ કરી છે, જે તેની લોકપ્રિય સબ-4 મીટર SUV, વેન્યુનું સ્પોર્ટી વર્ઝન છે. કંપની તેને 4 નવેમ્બરના રોજ સ્ટાન્ડર્ડ વેન્યૂ ફેસલિફ્ટ સાથે લોન્ચ કરશે. નવી હ્યુન્ડાઇ વેન્યુ એનમાં સ્ટાન્ડર્ડ મોડેલથી અલગ પાડવા માટે ઘણા કોસ્મેટિક ફેરફારો કરવામાં આવ્યા છે.
ફેરફારોમાં લાલ બ્રેક કેલિપર્સ સાથે કોન્ટ્રાસ્ટ રેડ હાઇલાઇટ્સ, ડાર્ક ક્રોમ ગ્રિલ ઇન્સર્ટ અને ડ્યુઅલ-ટિપ એક્ઝોસ્ટનો સમાવેશ થાય છે. કેબિનમાં N લાઇન-વિશિષ્ટ સ્ટીયરિંગ વ્હીલ પર રેડ ડિટેલિંગ સાથે સંપૂર્ણ કાળા રંગની થીમ, લેધર્ડ સીટ અપહોલ્સ્ટરી અને રેડ એમ્બિયન્ટ લાઇટિંગનો સમાવેશ થાય છે.
સેફ્ટિ માટે, વેન્યુ એન-લાઇનમાં છ એરબેગ્સ અને લેવલ-2 ADAS છે. તે બે વેરિઅન્ટમાં ઓફર કરવામાં આવશે: N6 અને N10. ₹25,000 ની ટોકન રકમથી બુકિંગ ખૂલી ગયું છે.
2025 હ્યુન્ડાઇ વેન્યૂ એન લાઇનની કિંમત ₹11.5 લાખ (એક્સ-શોરૂમ) રહેવાની ધારણા છે. તે મારુતિ બ્રેઝા, કિયા સોનેટ, કિયા સિટ્રોસ, ટાટા નેક્સન, મહિન્દ્રા XUV 3XO, નિસાન મેગ્નાઇટ અને સ્કોડા ક્યાલક જેવી સબ-4-મીટર SUV સાથે સ્પર્ધા કરશે.

એક્સટીરિયર: ડાર્ક ક્રોમ ઇન્સર્ટ્સ અને 8 કલર વિકલ્પો સાથે નવી પેટર્ન ગ્રિલ
વેન્યૂ એન-લાઇન સ્ટાન્ડર્ડ વેન્યૂ જેવો જ દેખાવ જાળવી રાખે છે, પરંતુ સ્પોર્ટી એલિમેન્ટ સાથે. આ કાર પાંચ મોનોટોન અને ત્રણ ડ્યુઅલ-ટોન કલર વિકલ્પોમાં ઉપલબ્ધ હશે: હેઝલ બ્લુ, ડ્રેગન રેડ, એબિસ બ્લેક, ટાઇટન ગ્રે, એટલાસ વ્હાઇટ, હેઝલ બ્લુ + એબિસ બ્લેક, એબિસ બ્લેક + એબિસ બ્લેક, અને ડ્રેગન રેડ + એબિસ બ્લેક. સ્ટાન્ડર્ડ વેન્યૂમાં એક નવો મિસ્ટિક સેફાયર શેડ પણ મળે છે, જે વેન્યૂ એન-લાઇનના કલર પેલેટમાં શામેલ નથી.
- ફ્રંટ: કનેક્ટેડ LED લાઇટબાર, શાર્પ અને કોણીય C-આકારના LED DRL અને બે વર્ટિકલ ક્વાડ LED હેડલેમ્પ્સ ધરાવે છે. મધ્યમાં ડાર્ક ક્રોમ ઇન્સર્ટ્સ સાથે એક નવી ગ્રિલ પેટર્ન, જેમાં N-લાઇન બેજ પણ છે, તેમાં બાજુઓ પર એર ઇન્ટેક અને બમ્પર પર સિલ્વર સ્કિડ પ્લેટ છે. તળિયે લાલ હાઇલાઇટ્સ સ્પોર્ટી કોન્ટ્રાસ્ટ પ્રદાન કરે છે.
- બાજુ: રિલ્વર રૂપ રેલ્સ, બોડી-કલર ડોર હેન્ડલ્સ અને કાળા ORVM અહીં આપવામાં આવ્યા છે. તેમાં ફેંડર્સ પર N-લાઇન બેજિંગ અને તળિયે વાહનની સમગ્ર પહોળાઈ પર લાલ હાઇલાઇટ્સ પણ છે. કારમાં 17-ઇંચના ડ્યુઅલ-ટોન એલોય વ્હીલ્સ હશે, પરંતુ વ્હીલ કમાનોની આસપાસ કોઈ બોડી ક્લેડીંગ નથી. વ્હીલ્સની અંદર લાલ બ્રેક કેલિપર્સ છે.
- પાછળ: સ્ટાન્ડર્ડ વેન્યૂની તુલનામાં, તેમાં પહોળી વિંગ-ટાઇપ રૂફ સ્પોઇલર છે. કનેક્ટેડ LED ટેલલેમ્પ્સ ગ્લોસ બ્લેક પેનલમાં રાખવામાં આવ્યા છે અને 'વેન્યૂ' બેજિંગ ધરાવે છે. SUVમાં પાછળના ભાગમાં ડ્યુઅલ-ટીપ એક્ઝોસ્ટ પણ છે.

ઇન્ટીરિયર: સંપૂર્ણ કાળા રંગની થીમ અને ટ્રેક્શન નિયંત્રણ અને ડ્રાઇવ મોડ્સ.
ઇન્ટીરિયર રેડ કોન્ટ્રાસ્ટિંગ હાઇલાઇટ્સ અને સ્ટીચિંગ સાથે સંપૂર્ણ બ્લેક કલર થીમ છે. ડેશબોર્ડ લેઆઉટ સ્ટાન્ડર્ડ મોડેલ જેવું જ છે. N-લાઇન-વિશિષ્ટ સ્ટીયરિંગ વ્હીલમાં 'N' લોગો અને ટ્રેક્શન કંટ્રોલ અને ડ્રાઇવ મોડ સ્વિચ છે. વાહનમાં ટ્રેક્શન કંટ્રોલ અને ડ્રાઇવ મોડ માટે બે સ્વિચ છે.
સેન્ટર કન્સોલમાં લાલ રંગની એમ્બિયન્ટ લાઇટ સ્ટ્રીપ અને ગિયર લીવર પર N-એમ્બ્લેમ છે. લાલ રંગની ડિટેલિંગ અને 'N' બેજિંગ સાથે ઓલ બ્લેક લેધરેટ સીટ અપહોલ્સ્ટરી પણ આપવામાં આવી છે. ફ્રંટ અને રિયર પેસેન્જર આરામ માટે, સેન્ટર આર્મરેસ્ટ અને કપહોલ્ડર્સ પણ આપવામાં આવ્યા છે.

સુવિધાઓ અને સલામતી: 12.3-ઇંચ ડ્યુઅલ ડિસ્પ્લે અને લેવલ-2 ADAS
વેન્યૂ એન લાઇનમાં મોટાભાગે સ્ટાન્ડર્ડ વેન્યૂનું પ્રતિબિંબ પડે છે, જેમાં 12.3-ઇંચ ડ્યુઅલ ડિસ્પ્લે (ઇન્ફોટેનમેન્ટ ટચસ્ક્રીન અને ડિજિટલ ડ્રાઇવર ડિસ્પ્લે), વેન્ટિલેટેડ ફ્રન્ટ સીટ્સ, પાછળના વેન્ટ્સ સાથે ઓટો એસી, 8-સ્પીકર બોસ સાઉન્ડ સિસ્ટમ, એમ્બિયન્ટ લાઇટિંગ, સિંગલ-પેન સનરૂફ, વાયરલેસ ફોન ચાર્જર અને મલ્ટી-ડ્રાઇવ મોડ્સ જેવી સુવિધાઓ છે.
સલામતી માટે, કારમાં 6 એરબેગ્સ, ઇલેક્ટ્રોનિક સ્ટેબિલિટી કંટ્રોલ (ESC), ટ્રેક્શન કંટ્રોલ, ઓલ-વ્હીલ ડિસ્ક બ્રેક્સ, ટાયર પ્રેશર મોનિટરિંગ સિસ્ટમ (TPMS), 360-ડિગ્રી કેમેરા, આગળ અને પાછળના પાર્કિંગ સેન્સર અને લેવલ-2 એડવાન્સ્ડ ડ્રાઇવર આસિસ્ટન્સ સિસ્ટમ (ADAS) જેવી સુવિધાઓ છે.

એન્જિન અને પરફોર્મન્સ: ૧-લિટર ટર્બો-પેટ્રોલ એન્જિન
વેન્યૂ એન-લાઇન એક જ 1-લિટર ટર્બો-પેટ્રોલ એન્જિન સાથે લોન્ચ કરવામાં આવશે જે 120PS પાવર અને 172Nm ટોર્ક ઉત્પન્ન કરે છે. ટ્રાન્સમિશન વિકલ્પોમાં 6-સ્પીડ મેન્યુઅલ અથવા 7-સ્પીડ DCT ઓટોમેટિક ગિયરબોક્સનો સમાવેશ થાય છે.
આ કાર ફ્રન્ટ-વ્હીલ ડ્રાઇવ (FWD) સાથે આવે છે. પર્ફોર્મન્સ ટ્યુનિંગ માટે મલ્ટિ -ડ્રાઇવ મોડ્સ ઉપલબ્ધ છે. સ્ટાન્ડર્ડ વેન્યૂ કરતાં વધારાના વિકલ્પો તરીકે નેચરલી એસ્પિરેટેડ પેટ્રોલ અને ડીઝલ વિકલ્પો ઉપલબ્ધ છે.
















