Mon, Nov 16, 2026Updated 02:35 PM IST
Google Preferred Source CTA

ક્રિકેટર શેફાલી વર્માએ ₹75 લાખની MG સાયબરસ્ટર ખરીદી:ક્રિકેટ ગ્રાઉન્ડ પર જ ડિલિવરી ઇવેન્ટ યોજાઈ; જાણો 3.2 સેકન્ડમાં 0-100kmphની સ્પીડ આપતી કારના ફીચર્સ અને સ્પેક્સ

નવી દિલ્હી1 વર્ષ પેહલા
  • કૉપી લિંક

2025 વનડે વર્લ્ડ કપ ફાઇનલમાં ભારતને ઐતિહાસિક જીત અપાવનાર સ્ટાર ખેલાડી શેફાલી વર્માએ ઇલેક્ટ્રિક સ્પોર્ટ્સ કાર MG સાયબરસ્ટર ખરીદી છે. શેફાલીએ સાયબરસ્ટરનો 'એન્ડીઝ ગ્રે' કલર પસંદ કર્યો છે, જે લાલ કલરની કન્વર્ટિબલ રૂફ સાથે આવે છે.

ઇલેક્ટ્રિક રોડસ્ટરની કિંમત 75 લાખ રૂપિયા (એક્સ-શોરૂમ કિંમત, પાન ઇન્ડિયા) છે. આ ભારતની પ્રથમ ઇલેક્ટ્રિક સ્પોર્ટ્સ કાર છે, જે ફુલ ચાર્જમાં 520km ચાલે છે. કંપનીનો દાવો છે કે સાયબરસ્ટર 3.2 સેકન્ડમાં 0-100kmphની ઝડપ પકડી શકે છે.

ક્રિકેટ ગ્રાઉન્ડ પર ડિલિવરી ઇવેન્ટ યોજાયો હતો, જ્યાં શેફાલીએ રેડ કાર્પેટ પર રિબન કાપીને કાર મેળવી હતી. MG ઇન્ડિયાએ સોશિયલ મીડિયા પર વીડિયો શેર કર્યો, જેમાં શેફાલી કારના કેબિનને એક્સપ્લોર કરતી જોવા મળી રહી છે.

શેફાલીએ સાયબરસ્ટરનો 'એન્ડીઝ ગ્રે' કલર પસંદ કર્યો છે
શેફાલીએ સાયબરસ્ટરનો 'એન્ડીઝ ગ્રે' કલર પસંદ કર્યો છે
કંપનીએ સાયબરસ્ટરને માર્ચ 2024માં મુંબઈમાં યોજાયેલા એક ઇવેન્ટમાં પ્રથમ વખત રજૂ કર્યો હતો.
કંપનીએ સાયબરસ્ટરને માર્ચ 2024માં મુંબઈમાં યોજાયેલા એક ઇવેન્ટમાં પ્રથમ વખત રજૂ કર્યો હતો.

ડિઝાઇન : સિઝર ડોરવાળી ભારતમાં સૌથી સસ્તી કાર

એમજી સાયબરસ્ટર તેના સ્પોર્ટી કન્વર્ટિબલ અને લો સ્લંગ ડિઝાઇનને કારણે ખૂબ જ અલગ દેખાય છે. તેમાં સિઝર ડોર (ઉપર તરફ ખૂલતા દરવાજા) છે, તે ભારતમાં આવા અનોખા દરવાજા ધરાવતી સૌથી સસ્તી કાર છે.

  • ફ્રન્ટ પ્રોફાઇલ: તેમાં પાતળા LED હેડલેમ્પ્સ અને પાંખડી આકારના LED DRL છે, જે તેને શાર્પ લુક આપે છે. ફ્રન્ટ બમ્પરમાં સ્પ્લિટ ડિઝાઇન અને એર ડક્ટ્સ છે, જે એરફ્લોને મેનેજ કરે છે.
  • સાઇડ પ્રોફાઇલ: 20-ઇંચના ડ્યુઅલ-ટોન એલોય વ્હીલ્સ છે. સિઝર ડોર પ્રવેશ અને બહાર નીકળવાનું સરળ બનાવે છે. કારનો પાછળનો ભાગ થોડો ઢાળવાળો આકાર ધરાવે છે.
  • રિયર પ્રોફાઇલ: કનેક્ટેડ એરો-આકારના LED ટેલલેમ્પ્સ છે, જે રિટ્રેક્ટેબલ છત સાથે આવે છે અને પાછળના બમ્પરમાં કાળા રંગનું ક્લેડીંગ છે, જે ઓપન-ટોપ સ્ટાઇલને સપોર્ટ કરે છે.

આ કાર 4 ડ્યુઅલ ટોન કલર વિકલ્પોમાં આવશે - ફ્લેર રેડ, ન્યુક્લિયર યલો, એન્ડીસ ગ્રે અને મોર્ડન બેજ. તેમાં ફ્લેર રેડ અને ન્યુક્લિયર યલો કલર સાથે બ્લેક રૂફ હશે, જ્યારે એન્ડીસ ગ્રે અને મોર્ડન બેજ કલર વિકલ્પોમાં રેડ રૂફટોપ મળે છે.

ઇન્ટિરિયર ડિઝાઇન: ફાઇટર જેટ કોકપીટ જેવી ડેશબોર્ડ ડિઝાઇન

સાયબરસ્ટરમાં ત્રણ-સ્પોક ફ્લેટ બોટમ સ્ટીયરિંગ વ્હીલ સાથે ફાઇટર જેટ કોકપીટ જેવું ડેશબોર્ડ ડિઝાઇન છે. અહીં એક કર્વ્ડ ડિસ્પ્લે છે, જે ડિજિટલ ઇન્સ્ટ્રુમેન્ટ ક્લસ્ટર અને ઇન્ફોટેનમેન્ટ સ્ક્રીનને એકસાથે જોડે છે. સેન્ટર કન્સોલમાં મોટા ગિયર સિલેક્ટર બટનો છે, જે વર્ટિકલ ડિસ્પ્લેની બાજુમાં છે અને ટચ-સેન્સિટિવ ક્લાઇમેટ કંટ્રોલ બટનો ડ્રાઇવર તરફ સહેજ નમેલા છે.

કારમાં Y-આકારની સ્પોર્ટ્સ સીટો છે જે છ-માર્ગી ઇલેક્ટ્રિકલી એડજસ્ટેબલ છે અને હીટિંગ અને મેમરી ફંક્શન સાથે આવે છે. તેના પર ચામડા અને સ્યુડનો ઉપયોગ કરવામાં આવ્યો છે. બટરફ્લાય દરવાજા અને ફોલ્ડિંગ છત માટે અલગ બટનો છે, જે કન્સોલમાં આપવામાં આવ્યા છે.

ઇન્ટીરિયર પાર્ટમાં બર્ગન્ડી અથવા લાલ રંગની થીમ છે જેમાં બ્લેક રૂફ અને થાંભલાઓ છે. કેબિનમાં કપ હોલ્ડર્સ અને ઇલેક્ટ્રોનિક પાર્કિંગ બ્રેક છે, પરંતુ સ્ટોરેજ સ્પેસ મર્યાદિત છે અને વ્યવહારુ ઉપયોગ સમસ્યારૂપ બની શકે છે.

પર્ફોર્મન્સ: ટોપ સ્પીડ 200kmph અને 580kmની રેન્જ

પરફોર્મન્સ માટે, સાયબરસ્ટરમાં ડ્યુઅલ ઇલેક્ટ્રિક મોટર્સ (બંને એક્સેલ પર) આપવામાં આવી છે. આ બંને મળીને 510ps પાવર અને 725Nm ટોર્ક જનરેટ કરે છે.

તે ઓલ વ્હીલ ડ્રાઇવ વિકલ્પ સાથે આવે છે, જે હેન્ડલિંગને સુધારે છે. કંપનીનો દાવો છે કે આ કાર માત્ર 3.2 સેકન્ડમાં 0 થી 100 કિમી પ્રતિ કલાકની ઝડપે પહોંચી જાય છે. તેની ટોપ સ્પીડ 200 કિમી પ્રતિ કલાક છે.

મોટરને પાવર આપવા માટે, કારમાં 77kWh બેટરી પેક છે, જે કંપનીના જણાવ્યા મુજબ, ફુલ ચાર્જ પર 580 કિમીની રેન્જ આપે છે. વાસ્તવિક દુનિયામાં, આ હવામાન અને ડ્રાઇવિંગ શૈલી પર આધાર રાખે છે.

10.25-ઇંચ સ્ક્રીન અને લેવલ-2 ADAS જેવા સેફ્ટી ફીચર્સ

એમજી સાયબરસ્ટર ગાડીમાં ડેશબોર્ડ પર ટ્રાય-સ્ક્રીન સેટઅપ આપવામાં આવ્યું છે જેમાં ડ્રાઇવર ડિસ્પ્લે માટે 10.25-ઇંચ સ્ક્રીન, 7-ઇંચ ટચસ્ક્રીન ઇન્ફોટેનમેન્ટ સિસ્ટમ અને ગાડી સાથે જોડાયેલા જરૂરી આંકડા જોવા માટે સેન્ટર કન્સોલ પર એક એડિશનલ 7-ઇંચ સ્ક્રીન શામેલ છે.

આમાં એસી કંટ્રોલ માટે એક ડેડિકેટેડ ચોથી સ્ક્રીન પણ આપવામાં આવી છે. આમાં ઇલેક્ટ્રિક રીતે ખુલતી અને ફોલ્ડ થતી રૂફ, 8-સ્પીકરવાળી બોસ સાઉન્ડ સિસ્ટમ અને મલ્ટી-ડ્રાઇવ મોડ પણ આપવામાં આવ્યો છે.

સલામતી માટે આમાં 6 એરબેગ્સ, ઇલેક્ટ્રોનિક સ્ટેબિલિટી કંટ્રોલ (ESC), ટાયર પ્રેશર મોનિટરિંગ સિસ્ટમ (TPMS), 360 ડિગ્રી કેમેરા, ફ્રન્ટ અને રિયર પાર્કિંગ સેન્સર આપવામાં આવ્યા છે. આમાં લેવલ-2 એડવાન્સ ડ્રાઈવર આસિસ્ટન્સ સિસ્ટમ (ADAS) પણ આપવામાં આવી છે, જેના હેઠળ લેન કીપ આસિસ્ટ અને એક્ટિવ ઇમરજન્સી બ્રેકિંગનો સમાવેશ થાય છે.

2025 વનડે વર્લ્ડ કપમાં શેફાલીનું પ્રદર્શન

2025 ICC વિમેન્સ ODI વર્લ્ડ કપમાં શેફાલી વર્માએ નાટકીય કમબેક કર્યું. શરૂઆતમાં તે સ્ક્વોડમાંથી બહાર હતી, પરંતુ સેમિફાઇનલ પહેલાં પ્રતિકા રાવલની ઈજાને કારણે રિપ્લેસમેન્ટ તરીકે સામેલ થઈ. સેમિફાઇનલમાં ઓસ્ટ્રેલિયા સામે તેણે ફિફ્ટી ફટકારી, જે ભારતની જીતનો આધાર બની.

ફાઇનલમાં સાઉથ આફ્રિકા સામે 78 બોલમાં 111ના સ્ટ્રાઈક રેટથી 87 રન બનાવ્યા. ઓપનિંગમાં સ્મૃતિ મંધાના (45) સાથે 132 રનની ભાગીદારી કરી, ભારતને 298/7ના મજબૂત સ્કોર સુધી પહોંચાડ્યું. આ ભારતનો મહિલા ODI વર્લ્ડ કપ ફાઇનલમાં સૌથી વધુ ઓપનિંગ સ્કોર હતો.

બોલિંગમાં 7 ઓવરમાં 36 રન આપીને 2 મહત્વપૂર્ણ વિકેટ (સુને લુસ અને મરિઝાન કેપ) લીધી. ઓલરાઉન્ડ પ્રદર્શન માટે પ્લેયર ઓફ ધ મેચ બની. આ સાથે જ 21 વર્ષની ઉંમરે વર્લ્ડ કપ ફાઇનલમાં ફિફ્ટી ફટકારનાર સૌથી યુવા ખેલાડી બની અને વીરેન્દ્ર સેહવાગનો રેકોર્ડ તોડ્યો.

.

    Local News

    Today Weather Update

    Our Group Site Links