Mon, Nov 16, 2026Updated 02:39 PM IST
Google Preferred Source CTA

લોકસભામાં વિપક્ષનો હોબાળો, સોમવાર સુધી સ્થગિત:કેન્દ્રીય મંત્રી બિટ્ટુએ કહ્યું- રાહુલ PMની પાઠશાળામાં ભણે તો તેઓ સફળ થશે; રાહુલે તેમને ગદ્દાર કહ્યા હતા

નવી દિલ્હી9 મહિનો પેહલા
  • કૉપી લિંક

લોકસભાની કાર્યવાહી શરૂ થતાં જ વિપક્ષના સાંસદોએ હોબાળો મચાવ્યો. આ પછી, લોકસભા અધ્યક્ષે કહ્યું, ગૃહની મર્યાદાનું ઉલ્લંઘન ન કરો. વિપક્ષના સૂત્રોચ્ચાર બંધ ન થતાં, કાર્યવાહી 12 વાગ્યા સુધી સ્થગિત કરવામાં આવી હતી.

બાદમાં લોકસભા બપોરે 12 વાગ્યે ફરી શરૂ થઈ, જેમાં સ્પીકર કૃષ્ણ પ્રસાદ તેન્નેટી અધ્યક્ષ સ્થાને હતા. વિપક્ષના સૂત્રોચ્ચાર ચાલુ રહ્યા. ત્યારબાદ ગૃહને સોમવાર, 9 ફેબ્રુઆરીના રોજ સવારે 11 વાગ્યા સુધી સ્થગિત કરવામાં આવ્યું.

કેન્દ્રીય મંત્રી રવનીત સિંહ બિટ્ટુએ રાહુલ ગાંધી પર કટાક્ષ કરતા કહ્યું- ગઈકાલે બધાએ રાહુલ ગાંધીને 'બાળક' કહ્યા હતા. આજે સવારે, પીએમની પાઠશાળા યોજાઈ હતી, જેમાં બાળકોને સફળ થવાનું શીખવવામાં આવ્યું હતું. જો રાહુલ ગાંધી પણ પીએમની પાઠશાળામાં જાય, તો તેઓ જીવનમાં સફળ થશે.

આ પહેલા, વિપક્ષના સાંસદો સંસદની બહાર વિરોધ પ્રદર્શન કરતા દેખાયા હતા, જેમાં તેમના હાથમાં ટ્રેડ ડીલને ટ્રેપ ડીલ ગણાવતા પોસ્ટરો હતા.

ગુરુવારે લોકસભા અને રાજ્યસભામાં રાષ્ટ્રપતિના અભિભાષણ પર આભાર પ્રસ્તાવ હોબાળા વચ્ચે પસાર કરવામાં આવ્યો. લોકસભામાં 2004 પછી પહેલીવાર આ પ્રસ્તાવ વડાપ્રધાનના ભાષણ વિના પસાર થયો છે. જ્યારે રાજ્યસભામાં પીએમ નરેન્દ્ર મોદીના ભાષણ પછી પ્રસ્તાવ પસાર થયો.

મોદીએ રાજ્યસભામાં 97 મિનિટનું ભાષણ આપ્યું. વિપક્ષના સાંસદોએ ભાષણની શરૂઆતમાં અહીં પણ હોબાળો કર્યો અને પછી વોકઆઉટ કરી ગયા. વિપક્ષ સતત 4 દિવસથી બંને ગૃહોમાં હોબાળો કરી રહ્યો છે.

તેમનો આરોપ છે કે લોકસભામાં વિપક્ષના નેતા રાહુલ ગાંધીને ભાષણ આપવા દેવામાં આવ્યું ન હતું. સાથે જ વિપક્ષના 8 સાંસદોને સસ્પેન્ડ કરવા સામે પણ વિરોધ થઈ રહ્યો છે. આજે પણ હોબાળાની શક્યતા છે.

.

અપડેટ્સ

07:39 AM6 ફેબ્રુઆરી 2026
  • કૉપી લિંક
રાજ્યસભા બે કલાક સુધી ચાલી, બપોરે 2 વાગ્યા સુધી સ્થગિત

જ્યારે લોકસભાની કાર્યવાહી બે વાર ફરી શરુ થઈ છતાં કોઈ કામકાજ હાથ ધરી શકી નહીં, ત્યારે રાજ્યસભા બે કલાક સુધી ચાલી અને બપોરે 2 વાગ્યા સુધી સ્થગિત કરવામાં આવી.

07:36 AM6 ફેબ્રુઆરી 2026
  • કૉપી લિંક
કોંગ્રેસના સાંસદે કહ્યું, "વડાપ્રધાનની 56 ઈંચની છાતી છે, તો નાટક કેમ કરી રહ્યા છે?"

સ્પીકર ઓમ બિરલાએ સુરક્ષા કારણોસર પીએમ મોદીને લોકસભામાં બોલવા ન કહેવા પર પ્રતિક્રિયા આપતા, કોંગ્રેસના સાંસદ મણિકમ ટાગોરે કહ્યું, "આપણે વિશ્વગુરુ છીએ."આપણા વડા પ્રધાન 56 ઇંચની છાતીવાળા નેતા છે અને પાકિસ્તાનીઓને તેમના ઘરમાં પણ મારી શકે છે. તો તેઓ આટલું નાટક કેમ કરી રહ્યા છે અને આવા જુઠ્ઠાણા કેમ ફેલાવી રહ્યા છે?

લોકસભા એ છે જ્યાં તેઓ ચૂંટાયા હતા. તેઓ તેના સભ્યોમાંથી એક છે. તેઓ સાંસદો પર આરોપો લગાવી રહ્યા છે.

06:52 AM6 ફેબ્રુઆરી 2026
  • કૉપી લિંક
શિવસેના સાંસદે કહ્યું - વિપક્ષ પોસ્ટરો બતાવીને હેડલાઇન્સમાં રહેવા માંગે છે

શિવસેનાના સાંસદ નરેશ મ્હસ્કેએ કહ્યું, "અમને લોકસભામાં આવવા અને અમારા વિચારો વ્યક્ત કરવા માટે ચૂંટવામાં આવ્યા છે, પરંતુ તેઓ (વિપક્ષ) ગૃહમાં બૂમો પાડે છે. તેઓ ફક્ત પોસ્ટરો બતાવીને હેડલાઇન્સમાં રહેવા માંગે છે."

06:50 AM6 ફેબ્રુઆરી 2026
  • કૉપી લિંક
લોકસભા ફરી સાત મિનિટ માટે ફરી શરૂ થઈ અને સોમવાર સુધી સ્થગિત કરવામાં આવી.

લોકસભા બપોરે 12 વાગ્યે ફરી શરૂ થઈ, જેમાં સ્પીકર કૃષ્ણ પ્રસાદ તેન્નેટી અધ્યક્ષ સ્થાને હતા. વિપક્ષના સૂત્રોચ્ચાર ચાલુ રહ્યા. ત્યારબાદ ગૃહને સોમવાર, 9 ફેબ્રુઆરીના રોજ સવારે 11 વાગ્યા સુધી સ્થગિત કરવામાં આવ્યું.

06:37 AM6 ફેબ્રુઆરી 2026
  • કૉપી લિંક
લોકસભાની કાર્યવાહી ફરી શરૂ થઈ, વિપક્ષનો હોબાળા
06:37 AM6 ફેબ્રુઆરી 2026
  • કૉપી લિંક
કોંગ્રેસના સાંસદે કહ્યું - પીએમએ બધા સાંસદોને અસુરક્ષિત હોવાનો અનુભવ કરાવ્યો

સ્પીકર ઓમ બિરલાએ સુરક્ષા કારણોસર પીએમ મોદીને લોકસભા ભાષણ છોડી દેવા કહ્યું હતું આ બાબતને ટાંકીને કોંગ્રેસના સાંસદ પ્રમોદ તિવારીએ કહ્યું, "લોકસભામાં અસુરક્ષિત અનુભવીને, તમે બધા સાંસદોને પણ અસુરક્ષિત અનુભવ કરાવી રહ્યા છો."

06:33 AM6 ફેબ્રુઆરી 2026
  • કૉપી લિંક
રાજ્યસભામાં શૂન્યકાળ: ખડગેએ કહ્યું-છેલ્લા 10 વર્ષમાં તેમણે કોંગ્રેસને ગાળો આપવા સિવાય કંઈ કર્યું નથી

મલ્લિકાર્જુન ખડગેએ કહ્યું, "અમે શીખ સમુદાયનું સન્માન કરીએ છીએ. મનમોહન સિંહ અમારી સરકારમાં નાણામંત્રી હતા. ભાજપ શીખ, દલિતો કે આદિવાસીઓનું સન્માન કરતું નથી. છેલ્લા 10 વર્ષમાં, તેમણે કોંગ્રેસને ગાળો આપવા સિવાય કંઈ કર્યું નથી."

ખડગેનું આ નિવેદન પીએમના રાજ્યસભાના ભાષણના જવાબમાં આવ્યું છે, જેમાં તેમણે કહ્યું હતું કે કોંગ્રેસ પાર્ટી શીખો પ્રત્યે નફરતથી ભરેલી છે.

06:20 AM6 ફેબ્રુઆરી 2026
  • કૉપી લિંક
આઠ સસ્પેન્ડેડ સાંસદોએ સંસદની બહાર વિરોધ અને સૂત્રોચ્ચાર કર્યા

સસ્પેન્ડેડ વિપક્ષી સાંસદોએ સંસદ સંકુલમાં અમેરિકા-ભારત ટ્રેડ ડીલને "ટ્રેપ ડીલ" ગણાવતા પોસ્ટર સાથે વિરોધ પ્રદર્શન કર્યું.

06:19 AM6 ફેબ્રુઆરી 2026
  • કૉપી લિંક
શિવસેના સાંસદે કહ્યું- નેહરુ અને ઇન્દિરા ગાંધીના યોગદાનને પણ સ્વીકારો

શિવસેના (UBT) સાંસદ પ્રિયંકા ચતુર્વેદીએ કહ્યું, "ભૂતપૂર્વ વડાપ્રધાનો વિશે કરવામાં આવેલી વ્યક્તિગત ટિપ્પણીઓ નિંદનીય છે.

મને આશા છે કે ભાજપ અને આરએસએસની વિચારધારા ધરાવતા લોકો પણ ભૂતપૂર્વ વડ પ્રધાનોના યોગદાનને સ્વીકારવાનું શીખશે.

06:17 AM6 ફેબ્રુઆરી 2026
  • કૉપી લિંક
બિટ્ટુએ કહ્યું- જો રાહુલ પીએમની પાઠશાળામાં જશે, તો તે સફળ થશે

કેન્દ્રીય મંત્રી રવનીત સિંહ બિટ્ટુએ કહ્યું, "ગઈકાલે બધાએ રાહુલ ગાંધીને 'બાળક' કહ્યા હતા. આજે સવારે, પીએમની પાઠશાળા યોજાઈ હતી, જેમાં બાળકોને સફળ થવાનું શીખવવામાં આવ્યું હતું."

જો રાહુલ ગાંધી પણ પીએમની પાઠશાળામાં જાય, તો તેઓ જીવનમાં સફળ થશે.

06:15 AM6 ફેબ્રુઆરી 2026
  • કૉપી લિંક
ભાજપના સાંસદે કહ્યું - રાહુલે બિટ્ટુને દેશદ્રોહી કહેવા બદલ માફી માંગવી જોઈએ

ભાજપના સાંસદ શશાંક મણિએ કહ્યું- 1984થી કોંગ્રેસે શીખ સમુદાયની અવગણના કરી છે. રાહુલ ગાંધીએ કેન્દ્રીય રાજ્ય મંત્રી રવનીત બિટ્ટુ સામે 'દેશદ્રોહી' શબ્દનો ઉપયોગ કરવા બદલ માફી માંગવી જોઈએ. ગઈકાલે વિપક્ષનો વોકઆઉટ નિંદનીય છે."

06:13 AM6 ફેબ્રુઆરી 2026
  • કૉપી લિંક
SPના સાંસદ રાજીવ રાયે કહ્યું- નેહરુ અને ઇન્દિરા ગાંધીના ચારિત્ર્ય પર સવાલ ઉઠાવવા દુર્ભાગ્યપૂર્ણ

સમાજવાદી પાર્ટીના સાંસદ રાજીવ રાયે કહ્યું, "ગૃહની અંદર બેઠા છીએ, આપણા દેશના ભૂતપૂર્વ વડાપ્રધાન ઇન્દિરા ગાંધી, જે હવે આ દુનિયામાં નથી, તેમના ચારિત્ર્ય પર સવાલ ઉઠાવવા અને નેહરુને 'દેશદ્રોહી' કહેવા એ આ દેશ માટે ખૂબ જ દુર્ભાગ્યપૂર્ણ છે."

05:48 AM6 ફેબ્રુઆરી 2026
  • કૉપી લિંક
લોકસભામાં વિપક્ષના સૂત્રોચ્ચાર, બપોરે 12 વાગ્યા સુધી સ્થગિત.

લોકસભાની કાર્યવાહી શરૂ થતાં જ વિપક્ષના સાંસદોએ હોબાળો મચાવ્યો. આ પછી, લોકસભા અધ્યક્ષે કહ્યું, "ગૃહની શિષ્ટાચારનું ઉલ્લંઘન ન કરો."

સૂત્રોચ્ચાર બંધ ન થતાં, કાર્યવાહી 12 વાગ્યા સુધી સ્થગિત કરવામાં આવી.

05:46 AM6 ફેબ્રુઆરી 2026
  • કૉપી લિંક
બજેટ સત્રની પાછલા દિવસની કાર્યવાહી વાંચો…

5 ફેબ્રુઆરી: લોકસભામાં PMના ભાષણ વિના આભાર પ્રસ્તાવ પસાર કરવામાં આવ્યો; PMએ રાજ્યસભામાં 97 મિનિટનું ભાષણ આપ્યું

બજેટ સત્રના સાતમા દિવસે ભારે હોબાળા વચ્ચે લોકસભાએ રાષ્ટ્રપતિના અભિભાષણ પર આભાર પ્રસ્તાવ પસાર કર્યો. 2004 પછી આ પહેલી વાર છે જ્યારે વડાપ્રધાનના ભાષણ વિના આ પ્રસ્તાવ પસાર કરવામાં આવ્યો છે. ગુરુવારે રાજ્યસભામાં આભાર પ્રસ્તાવ પર પ્રધાનમંત્રીએ લગભગ 97 મિનિટનું ભાષણ આપ્યું. ભાષણની શરૂઆતમાં વિપક્ષી સાંસદોએ હોબાળો મચાવ્યો અને પછી વોકઆઉટ કર્યું.

05:44 AM6 ફેબ્રુઆરી 2026
  • કૉપી લિંક
4 ફેબ્રુઆરી: સ્પીકરની ઓફિસમાં BJP અને વિપક્ષના સાંસદો વચ્ચે દલીલ, ભાજપના સાંસદે ગાંધી પરિવાર પર લખેલા પુસ્તકો બતાવ્યા

લોકસભામાં ભાજપના સાંસદ નિશિકાંત દુબેએ ગાંધી પરિવાર અને કોંગ્રેસ પર લખેલા પુસ્તકો અને નોટ્સ બતાવ્યા. તેમણે કહ્યું કે આ પુસ્તકોમાં ગાંધી પરિવાર અને કોંગ્રેસ પરિવારની કપટ, ગદ્દારી, ભ્રષ્ટાચાર અને ઐયાશીનો ઉલ્લેખ છે. લોકસભા સ્પીકર ઓમ બિરલાની ઓફિસમાં વિપક્ષ અને ભાજપના સાંસદો વચ્ચે પણ ચર્ચા થઈ. ઓફિસનો જે વીડિયો સામે આવ્યો છે, તેમાં વિપક્ષની મહિલા સાંસદ કેન્દ્રીય સંસદીય મંત્રી કિરણ રિજિજુને કંઈક કહેતા દેખાય છે.

05:43 AM6 ફેબ્રુઆરી 2026
  • કૉપી લિંક
બજેટ સત્રમાં આ બિલ પર ચર્ચા શક્ય

બજેટ સત્ર 65 દિવસમાં 30 બેઠકો સુધી ચાલશે. તે 2 એપ્રિલે સમાપ્ત થશે. 28 જાન્યુઆરીથી શરૂ થયેલો પ્રથમ તબક્કો 13 ફેબ્રુઆરીએ સમાપ્ત થશે. તે પછી બીજો તબક્કો 9 માર્ચે શરૂ થશે.

લોકસભામાં 9 બિલ પેન્ડિંગ છે, જેમાં વિકસિત ભારત શિક્ષણ અધિષ્ઠાન વિધેયક 2025, પ્રતિભૂતિ બજાર સંહિતા 2025 અને સંવિધાન (129મો સુધારો) બિલ 2024 સામેલ છે. આ બિલોની હાલમાં સંસદીય સ્થાયી અથવા પ્રવર સમિતિઓ તપાસ કરી રહી છે.

05:43 AM6 ફેબ્રુઆરી 2026
  • કૉપી લિંક
3 ફેબ્રુઆરી: રાહુલે કહ્યું- હું વિપક્ષનો નેતા છું, મને બોલવા દેવામાં આવતો નથી

લોકસભામાં રાહુલ ગાંધીએ કહ્યું, 'ગઈકાલે મેં આ આર્ટિકલ પર મારું ભાષણ શરૂ કર્યું હતું. સ્પીકર સરે કહ્યું હતું કે તેને ઓથેન્ટિકેટ કરો. હું આજે તેને ઓથેન્ટિકેટ કરી રહ્યો છું. રાહુલે જેવું કહ્યું - મેં ગઈકાલે કહ્યું હતું કે રાષ્ટ્રપતિના ભાષણમાં રાષ્ટ્રીય સુરક્ષાનો મહત્વપૂર્ણ મુદ્દો છે. તેવું જ હોબાળો થવા લાગ્યો. રાહુલ બોલ્યા - મને મંજુરી આપવામાં આવી રહી નથી. હું વિપક્ષનો નેતા છું.

05:43 AM6 ફેબ્રુઆરી 2026
  • કૉપી લિંક
2 ફેબ્રુઆરી: રાહુલ બોલ્યા- ચીની ટેન્ક લદ્દાખ બોર્ડર પહોંચ્યા, શાહ-રાજનાથે ટોક્યા, સ્પીકરે માઈક બંધ કરાવ્યું

લોકસભામાં સોમવારે રાહુલ ગાંધીના ભાષણ દરમિયાન ભારે હંગામો થયો. રાહુલે પૂર્વ આર્મી ચીફ જનરલ નરવણેની અનપબ્લિશ્ડ બુકનો હવાલો આપતા કહ્યું- 4 ચીની ટેન્ક લદ્દાખ બોર્ડર પાસે પહોંચી ગયા હતા. રાહુલના આવું કહેતા જ પહેલા રક્ષા મંત્રી રાજનાથ સિંહ અને પછી ગૃહ મંત્રી શાહે તેમને ટોક્યા. ત્યારબાદ સ્પીકરે નિયમોનો હવાલો આપતા તેમને રોક્યા.

05:42 AM6 ફેબ્રુઆરી 2026
  • કૉપી લિંક
1 ફેબ્રુઆરી: બજેટ 2026-27 રજૂ- ઓપરેશન સિંદૂર પછી સંરક્ષણ બજેટ 15% વધ્યું, ઇનકમ ટેક્સમાં કોઈ ફેરફાર નહીં

નાણા મંત્રી નિર્મલા સીતારમણે રવિવારે બજેટ રજૂ કર્યું. તેઓ સંસદમાં 85 મિનિટ બોલ્યા, પરંતુ સામાન્ય માણસ માટે કોઈ મોટી જાહેરાત કરી નહીં. જોકે, ટેક્સ ફાઇલ કરવામાં સરળતા, રેલવે પ્રોજેક્ટ અને 3 નવા આયુર્વેદિક AIIMS જેવી નવી વાતો કહી છે.

05:42 AM6 ફેબ્રુઆરી 2026
  • કૉપી લિંક
28 જાન્યુઆરી : રાષ્ટ્રપતિએ 45 મિનિટનું ભાષણ આપ્યું, કહ્યું- ઓપરેશન સિંદૂર, VB- જી રામ જી કાયદાના મુદ્દાઓનો ઉલ્લેખ કર્યો

સંસદનું બજેટ સત્ર રાષ્ટ્રપતિ દ્રૌપદી મુર્મુના અભિભાષણ સાથે શરૂ થયું. રાષ્ટ્રપતિએ પોતાની 45 મિનિટની સ્પીચમાં ઓપરેશન સિંદૂર, VB- જી રામ જી કાયદો, દુનિયામાં ભારતની ભૂમિકા જેવા મુદ્દાઓનો ઉલ્લેખ કર્યો.

તેમણે કહ્યું કે દેશમાં હાલમાં 150 વંદે ભારત ટ્રેનો ચાલી રહી છે. ભારત પોતાનું સ્પેસ સ્ટેશન સ્થાપિત કરવાની દિશામાં ઝડપથી આગળ વધી રહ્યું છે. યુરોપિયન યુનિયન સાથેના મુક્ત કરારથી સેવા અને ઉત્પાદન ક્ષેત્રોને પ્રોત્સાહન મળશે. યુવાનોને રોજગારીની તકો પણ મળશે.

    Local News

    Today Weather Update

    Our Group Site Links