- Gujarati News
- Local
- Gujarat
- Vadodara
- Vadodara Parshuram Bhattha Sewage Crisis; Garasiya Mohalla Residents Suffer
પરશુરામ ભઠ્ઠામાં મચ્છરજન્ય રોગ થાય તેવી દહેશત:ગરાસીયા મોહલ્લાવાસીઓ ગટરની ગંભીર સમસ્યાથી ત્રાહિમામ, જીવજંતુઓનો ઉપદ્રવ વધ્યો
- કૉપી લિંક

વડોદરાના પરશુરામ ભઠ્ઠા વિસ્તારમાં આવેલા ગરાસીયા મોહલ્લામાં છેલ્લા ઘણા સમયથી ઊભરાતી ગટરોની વિકટ સમસ્યાએ માઝા મૂકી છે, જેના કારણે સ્થાનિક રહેવાસીઓ ભારે હાલાકીનો સામનો કરી રહ્યા છે. સમગ્ર મહોલ્લાના જાહેર માર્ગો અને શેરીઓમાં ગટરોના અત્યંત ગંદા અને દૂષિત
જીવજંતુઓનો ઉપદ્રવ અત્યંત વધી ગયો આ ગંદકીના સામ્રાજ્યને કારણે મચ્છરો અને જીવજંતુઓનો ઉપદ્રવ અત્યંત વધી ગયો છે, જેના પરિણામે વિસ્તારમાં ડેન્ગ્યુ, મેલેરિયા, ટાઈફોઈડ અને કોલેરા જેવા ગંભીર પાણીજન્ય અને મચ્છરજન્ય રોગચાળો ફાટી નીકળવાની પ્રબળ દહેશત સેવાઈ રહી છે. આ પરિસ્થિતિની સૌથી વધુ માઠી અસર નાના બાળકો અને વયોવૃદ્ધ નાગરિકો પર પડી રહી છે.
સવારના સમયે શાળાએ જતા વિદ્યાર્થીઓને અને નોકરી-ધંધે જતા લોકોને આ ગંદા અને કાદવ-કીચડવાળા પાણીમાંથી પસાર થવાની ફરજ પડી રહી છે, જેમાં વારંવાર લપસી પડવાના બનાવો પણ બને છે. વડીલો માટે ઘરની બહાર નીકળવું પણ જોખમી બન્યું છે અને ધાર્મિક કે સામાજિક પ્રસંગો ઉજવવા પણ મુશ્કેલ થઈ ગયા છે.
સ્થાનિક પ્રજામાં ભારે રોષ સ્થાનિક રહીશોના જણાવ્યા અનુસાર, આ સમસ્યા અંગે વડોદરા મહાનગરપાલિકાના સંબંધિત વોર્ડ ઓફિસ અને અધિકારીઓને અવારનવાર લેખિત તેમજ મૌખિક રજૂઆતો કરવામાં આવી છે, પરંતુ તંત્ર દ્વારા કોઈ નક્કર કામગીરી કરવામાં આવી નથી. માત્ર કામચલાઉ સફાઈ કરીને સંતોષ માનવામાં આવે છે, જેના ગણતરીના દિવસોમાં જ ગટરો ફરીથી ઊભરાવા લાગે છે. તંત્રની આ ઘોર ઉદાસીનતા અને બેદરકારીને કારણે સ્થાનિક પ્રજામાં ભારે રોષ અને આક્રોશ જોવા મળી રહ્યો છે.
ડ્રેનેજ લાઇનનું યોગ્ય સમારકામ અને દવા છટકાવ કરવા માગ આખરે, ગરાસીયા મોહલ્લાના રહીશો વડોદરા મહાનગરપાલિકાના ઉચ્ચ અધિકારીઓ અને ચૂંટાયેલા પ્રતિનિધિઓ સમક્ષ પ્રબળ માંગણી અને આશા વ્યક્ત કરી રહ્યા છે કે, પાલિકા તંત્ર પ્રજાના સ્વાસ્થ્ય અને હિતને ધ્યાનમાં રાખીને તાત્કાલિક ધોરણે ડ્રેનેજ લાઇનનું યોગ્ય સમારકામ કરાવે અને વિસ્તારમાં દવાનો છંટકાવ કરી આ નરકાગાર જેવી સ્થિતિમાંથી વહેલી તકે કાયમી છુટકારો અપાવે.
ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















