- Gujarati News
- Local
- Gujarat
- Surat
- Major Fire Breaks Out At Adajan Hut In Surat; Disaster Averted
અડાજણના શીતલ ચાર રસ્તા પાસે ઝૂંપડામાં ભીષણ આગ:ઝૂંપડામાં લાગેલી આગે વિકરાળ સ્વરૂપ ધારણ કર્યું, ફાયર વિભાગની સમયસૂચકતાથી મોટી હોનારત ટળી
- કૉપી લિંક

સુરત શહેરમાં આગની ઘટનાઓ અવારનવાર સામે આવતી હોય છે, ત્યારે આજે સુરતના પોશ અને વ્યસ્ત ગણાતા અડાજણ વિસ્તારમાં આવેલ શીતલ ચાર રસ્તા નજીક અચાનક એક ઝૂંપડામાં આગ ફાટી નીકળવાની ઘટના સામે આવી હતી. અચાનક આગ લાગવાને કારણે આસપાસના વિસ્તારમાં ભારે અફડાતફડી અને દોડ
ઝૂંપડામાં લાગેલી આગે વિકરાળ સ્વરૂપ ધારણ કર્યું મળતી માહિતી મુજબ, શીતલ ચાર રસ્તા પાસે આવેલા એક ઝૂંપડામાંથી અચાનક ધુમાડાના ગોટેગોટા નીકળવા લાગ્યા હતા અને જોતજોતામાં આગે વિકરાળ સ્વરૂપ ધારણ કરી લીધું હતું. આજુબાજુના લોકોએ ત્વરિત સતર્કતા દાખવીને તાત્કાલિક ફાયર વિભાગને આ દુર્ઘટનાની જાણ કરી હતી. આગની માહિતી મળતાની સાથે જ ફાયર વિભાગનો કાફલો હરકતમાં આવ્યો હતો અને લાઈફ સેવિંગ વ્હીકલ્સ સાથે તાત્કાલિક ઘટનાસ્થળે દોડી ગયો હતો.
ફાયર વિભાગે પાણીનો મારો ચલાવી કાબૂ મેળવ્યો ફાયર જવાનોએ સ્થળ પર પહોંચીને તુરંત જ રાહત અને બચાવ કામગીરી શરૂ કરી દીધી હતી. આગ એટલી ઝડપથી ફેલાઈ રહી હતી કે તે આજુબાજુના અન્ય ઝૂંપડાઓને પણ પોતાની ઝપેટમાં લઈ શકે તેમ હતી. જો કે, ફાયર વિભાગની ટીમે ભારે જહેમત અને કુશળતા દાખવીને આગ આજુબાજુના અન્ય ઝૂંપડાઓમાં પ્રસરે તે પહેલા જ તેને ચારેય બાજુથી ઘેરીને કાબૂમાં લેવાનું શરૂ કરી દીધું હતું.
સદનસીબે કોઈ મોટી જાનહાનિ થઈ નથી સતત પાણીનો છંટકાવ કરીને થોડી આગ પર કાબૂ મેળવવાના પ્રયાસો કરવામાં આવી રહ્યા છે. સદનસીબે આ અકસ્માતમાં કોઈ મોટી જાનહાનિ થયાના અહેવાલ નથી, પરંતુ ઝૂંપડામાં રહેલો સામાન અને માલસામાન બળીને ખાખ થઈ ગયો હતો. આગ લાગવાનું ચોક્કસ કારણ હજુ સુધી જાણી શકાયું નથી, પરંતુ આ સમગ્ર મામલે તપાસ હાથ ધરવામાં આવી છે. સમયસર મળેલી માહિતી અને ફાયર વિભાગની ત્વરિત કામગીરીને કારણે મોટો અનર્થ ટળી ગયો હતો, જેનાથી રહીશોએ રાહતનો શ્વાસ લીધો હતો.
ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















