- Gujarati News
- Local
- Gujarat
- Kheda
- Mahudha
- Mahudha Farmers Join PM Kisan Yojana Live Event | 24th Installment
પીએમ કિસાન યોજનાનો 24મો હપ્તો ખેડૂતોના ખાતામાં જમા:મહુધાના છ ગામોમાં કાર્યક્રમનું જીવંત પ્રસારણ થયું, ખેડૂતો મોટી સંખ્યામાં જોડાયા
- કૉપી લિંક

મહુધા તાલુકાનાં છ ગામોમાં ૩૦ ઓક્ટોબરે ‘પીએમ કિસાન ઉત્સવ દિવસ’ની ઉજવણી કરાઈ હતી. સવારે ૮:૩૦ વાગ્યે ખેડૂતોને બનાસકાંઠાના ભીલડીમાં યોજાયેલા મુખ્ય કાર્યક્રમનું જીવંત પ્રસારણ બતાવવામાં આવ્યું હતું.

પ્રધાનમંત્રી નરેન્દ્ર મોદીના અધ્યક્ષસ્થાને યોજાયેલા કાર્યક્રમમાં પીએમ કિસાન સન્માન નિધિ યોજનાના ૨૪મા હપ્તાનું વર્ચ્યુઅલ માધ્યમથી વિતરણ કરાયું હતું. આ હપ્તાની રકમ દેશ અને રાજ્યના લાખો ખેડૂત પરિવારોના બેંક ખાતામાં ડીબીટી મારફતે જમા થઈ હતી.

મહુધા તાલુકાનાં મહીસા, હેરંજ, સાપલા, નાની ખડોલ, મીનાવાડા અને વડથલમાં જીવંત પ્રસારણનું આયોજન કરાયું હતું.

મહીસામાં સરપંચ સુનિતાબેન રોહિત અને તાલુકા પંચાયતના સભ્યો હાજર રહ્યા હતા. સાપલામાં જિલ્લા પંચાયત સમિતિના ચેરમેન ગૌતમસિંહ ચૌહાણ અને ટીડીઓ જ્યોતિબેન દેસાઈ ઉપસ્થિત રહ્યાં હતાં.

વડથલમાં ખેડા જિલ્લા ભાજપના મહામંત્રી દીપકભાઈ મિસ્ત્રી સહિત આગેવાનો અને ખેડૂતો મોટી સંખ્યામાં હાજર રહ્યા હતા.
ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















