- Gujarati News
- Local
- Gujarat
- Kheda
- Mahudha
- Mahudha Cow Accident: Cow Rescued From Open Drain Chamber In Finav
મહુધામાં ખુલ્લી ગટર ચેમ્બરમાં ગાય ખાબકી:ફીણાવ ભાગોળ નજીક મુખ્ય રસ્તા પર લાંબા સમયથી ખુલ્લી હતી ચેમ્બર, જેસીબીથી બહાર કઢાઈ
- કૉપી લિંક

મહુધા-ડડુસર રોડ પર ફીણાવ ભાગોળ નજીક ભૂગર્ભ ગટરની ખુલ્લી ચેમ્બરમાં એક ગાય ખાબકી હતી. મુખ્ય રસ્તાની વચ્ચે બનેલી આ ઘટનાથી રાહદારીઓમાં દોડધામ મચી ગઈ હતી. સમયસર લોકોની નજર પડતાં જેસીબીની મદદથી ગાયને સુરક્ષિત રીતે બહાર કાઢવામાં આવી.

સ્થાનિક લોકોના જણાવ્યા મુજબ, આ ચેમ્બર ઘણા સમયથી ખુલ્લી હતી. નગરપાલિકા દ્વારા તેને ઢાંકવા કે સુરક્ષા માટે કોઈ પગલાં લેવાયા ન હતા. આ ઘટનાએ મહુધા નગરપાલિકાની કામગીરી પર ગંભીર સવાલો ઊભા કર્યા છે.

ખુલ્લી ચેમ્બર માત્ર પશુઓ માટે જ નહીં, વાહનચાલકો અને રાહદારીઓ માટે પણ જોખમી છે. ખાસ કરીને રાત્રિના સમયે અકસ્માતનો ભય રહે છે. લોકોમાં નગરપાલિકાની બેદરકારી સામે રોષ જોવા મળી રહ્યો છે.

આ ઘટના બાદ નગરપાલિકા તાત્કાલિક ખુલ્લી ચેમ્બર બંધ કરાવે અને ભવિષ્યમાં આવી ઘટનાઓ ન બને તે માટે પગલાં ભરે તેવી માંગ ઉઠી છે. રખડતા પશુઓની સમસ્યા પર પણ કાર્યવાહીની અપેક્ષા છે.


ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















