Mon, Nov 16, 2026Updated 02:28 PM IST
Google Preferred Source CTA

ઊનામાં માથાકૂટ:યુવક પર લોખંડના‎ પાઇપથી હુમલો, કારના કાચ તોડ્યા

ઊના2 દિવસ પેહલા
  • કૉપી લિંક

ઉના શહેરના માણેક ચોક વિસ્તારમાં જૂના મચ્છીના ધંધાની અદાવતને લઈ મારામારી અને વાહનમાં તોડફોડની ઘટના સામે આવી છે.

.

જેમાં એક યુવક પર લોખંડના પાઇપ વડે હુમલો કરી ઇજા પહોંચાડવામાં આવી હતી, જ્યારે તેની કિયા સેલ્ટોસ કારના કાચ પણ તોડી નાખવામાં આવ્યા હતા. આ બનાવને પગલે ચાર શખ્સો સામે પોલીસ ફરિયાદ નોંધાઈ છે.

મળતી માહિતી મુજબ, ઉનાના માણેક ચોકમાં રહેતા મહંમદ સાબીર ઈકબાલભાઈ ચોરવાડા (ઉંમર 33) મચ્છીનો વ્યવસાય કરી પરિવારનું ગુજરાન ચલાવે છે. ગત તા. 11 નવેમ્બરના રોજ તેઓ રાત્રિના સમયે ઘરેથી વાળ-દાઢી કરાવવા ગયા હતા.

ત્યારબાદ તા. 12 નવેમ્બરના રોજ રાત્રિના આશરે એક વાગ્યાના અરસામાં પોતાની કિયા સેલ્ટોસ કાર (નંબર GJ-11-CD-4636) લઈને માણેક ચોકમાં ઊભા હતા. તે દરમિયાન ગામના જીણાભાઈ મકવાણા, માસુમભાઈ હારૂનભાઈ કાસમાણી, રીયાજભાઈ રફીકભાઈ મેમણ અને સાજીદ ઉર્ફે સજુ પટેલ દાદાભાઈ દિવેચા ત્યાં આવ્યા હતા.

આ સમયે જીણાભાઈએ લોખંડના પાઇપ વડે હુમલો કરતાં ફરિયાદી ત્યાંથી ભાગીને પોતાના ઘર તરફ ગયા હતા. જોકે, આરોપી ત્યાં પણ પહોંચી ગયો હતો ફરી લોખંડના પાઇપ વડે હુમલો કરતાં ફરિયાદીને પીઠના ભાગે તથા જમણા હાથમાં ઇજા પહોંચી હતી.

બીજી તરફ, સાજીદ પટેલ, રીયાજ અને માસુમભાઈએ ફરિયાદીની કિયા સેલ્ટોસ કારના કાચ તોડી નુકસાન પહોંચાડ્યું હતું. કારમાં ગેસ બોટલ પાસે રાખેલા રૂ.5,500 પણ મળી આવ્યા ન હોવાનું ફરિયાદમાં જણાવાયું છે.

આ ઉપરાંત, અગાઉ ફરિયાદીના ઘર પાસે જઈ જીણાભાઈ, માસુમભાઈ અને રીયાજે ગાળો આપી જાનથી મારી નાખવાની ધમકી આપી હોવાની વાત પણ ફરિયાદમાં કરવામાં આવી છે. ઘટનાની જાણ થતાં ફરિયાદીએ 112 અને 108 ઇમરજન્સી સેવાને ફોન કર્યો હતો.

ત્યારબાદ ઇજાગ્રસ્ત યુવકને પરિવારજનો સાથે ઉના સરકારી હોસ્પિટલમાં અને ત્યાંથી વધુ સારવાર માટે વેરાવળ સરકારી હોસ્પિટલમાં ખસેડવામાં આવ્યો હતો.

વિવિધ દિશામાં તપાસ શરૂ કરાઇ જૂના મચ્છીના વ્યવસાયને લઈને મનદુઃખ રાખી હુમલો કરવામાં આવ્યો હોવાનું ફરિયાદમાં જણાવાયું છે. સમગ્ર મામલે પોલીસે ચારેય શખ્સો સામે મારામારી, વાહનમાં તોડફોડ, જાનથી મારી નાખવાની ધમકી અને જાહેરનામાના ભંગ સહિતની જોગવાઈઓ હેઠળ ગુનો નોંધી વધુ તપાસ હાથ ધરી છે.

ન્યૂઝ હજી બાકી છે

પૂરા ન્યૂઝ વાંચો દિવ્ય ભાસ્કર એપ પર. સાથે જ મેળવો ઝડપી અપડેટ અને બહેતર રીડિંગ એક્સપિરિયન્સ
  • પસંદના ન્યૂઝ
  • ન્યૂઝ સૌથી ફાસ્ટ
  • લાઇવ અપડેટ
પૂરા ન્યૂઝ વાંચો એપ પર
પ્રીમિયમ મેમ્બર છો, તો લોગિન કરો

ન્યૂઝ હજી બાકી છે

પૂરા ન્યૂઝ વાંચો દિવ્ય ભાસ્કર એપ પર. સાથે જ મેળવો ઝડપી અપડેટ અને બહેતર રીડિંગ એક્સપિરિયન્સ
Scan QR to download app
એપ ડાઉનલોડ કરવા માટે QR સ્કેન કરો
Download android app - Divya BhaskarDownload ios app - Divya Bhaskar
  • મનપસંદ એલર્ટ
  • ન્યૂઝ સૌથી ફાસ્ટ
  • લાઇવ અપડેટ
પ્રીમિયમ મેમ્બર છો, તો લોગિન કરો

Local News

Today Weather Update

Our Group Site Links