- Gujarati News
- Local
- Gujarat
- Gir somnath
- Girgadhada
- Bhagwat Saptah In Dhokadwa; Raghubhai Humbal & Community Leaders Attend
ધોકડવામાં ભાગવત સપ્તાહમાં મોટી સંખ્યામાં ભાવિકો ઉમટ્યા:ત્રીજા દિવસે રઘુભાઈ હુંબલ સહિત આહિર અને ઉના બ્રહ્મ સમાજના આગેવાનો હાજર રહ્યા
- કૉપી લિંક

ગીર સોમનાથ જિલ્લાના ગીર ગઢડા તાલુકાના ધોકડવા ગામે જાલોધરા પરિવાર દ્વારા યોજાયેલા શ્રીમદ્ ભાગવત સપ્તાહ જ્ઞાનયજ્ઞના ત્રીજા દિવસે મોટી સંખ્યામાં ભાવિકો કથા સાંભળવા પહોંચ્યા હતા. ધોકડવા સહિત આસપાસનાં ગામો અને ગીર વિસ્તારના લોકો કથા સ્થળે આવ્યા હતા.
આ કાર્યક્રમમાં કોડીનારના પૂર્વ ધારાસભ્ય રઘુભાઈ હુંબલ, આહિર સમાજના આગેવાનો અને ઉના બ્રહ્મ સમાજના આગેવાનો હાજર રહ્યા હતા. ધોકડવાના ગ્રામજનો, સામાજિક આગેવાનો અને ગીર વિસ્તારનાં વિવિધ ગામોના ભાઈઓ-બહેનોએ પણ કથાનું શ્રવણ કર્યું હતું.
કથાકાર ડો. મહાદેવ પ્રસાદ મહેતાએ શ્રીમદ્ ભાગવતના પ્રસંગોનું વર્ણન કર્યું હતું. તેમણે ભગવાન શ્રીકૃષ્ણની લીલાઓ, ભક્તિ, ધર્મ, સંસ્કાર અને માનવજીવનમાં સદાચારના મહત્વ વિશે વાત કરી હતી.
જાલોધરા પરિવારના આ આયોજનમાં દરરોજ મોટી સંખ્યામાં ભાવિકો કથા સાંભળવા આવી રહ્યા છે. વિવિધ સમાજના લોકો એકત્ર થઈ કથામાં ભાગ લઈ રહ્યા છે.
ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















