- Gujarati News
- Local
- Gujarat
- Dangs
- Saputara
- A Forest Department Team Chased A Vehicle That Had Fled From The Checkpoint.
ચેકિંગ નાકા પરથી ભાગેલી ગાડીનો વન વિભાગની ટીમે પીછો કરીને.:વઘઈ નજીકથી રૂ. 2.54 લાખના ગેરકાયદે 17 ખેરના લાકડાં સાથે બોલેરો જપ્ત કરાઈ
- કૉપી લિંક

ડાંગ વન વિભાગે વઘઈ વિસ્તારમાં રાત્રી પેટ્રોલિંગ દરમિયાન ગેરકાયદે લાકડું વહનનો કેસ પકડ્યો છે. ડી.સી.એફ. નિરજકુમાર અને મદદનીશ વન સંરક્ષક જૈનિલ દેસાઈના માર્ગદર્શન હેઠળ આર.એફ.ઓ. અમિત ચૌધરીની ટીમે કાર્યવાહી કરી હતી.
વન વિભાગના જણાવ્યા મુજબ 4 નવેમ્બર 2026ના રોજ સવારે 7:04 વાગ્યે વઘઈ રેંજના લોઅર ચેકિંગ નાકા પરથી એક શંકાસ્પદ બોલેરો (નં. GJ-15 CA-3432) પસાર થઈ હતી.
ટીમે વાહન રોકવાનો પ્રયાસ કર્યો, પરંતુ ચાલકે ઝડપથી ભાગવાનો પ્રયાસ કર્યો હતો. વન કર્મચારીઓએ વાહનનો પીછો કર્યો હતો. પીછો થતાં ચાલકે વાંસદાથી કણધા ગામ તરફ જતા માર્ગ પર રોડ સાઈડમાં વાહન ઉભું રાખ્યું અને અંધારાનો લાભ લઈ ફરાર થયો હતો
ત્યારબાદ ટીમે બિનવારસી હાલતમાં મળી આવેલી ગાડી તપાસી હતી. તપાસમાં પાસ-પરમિટ વિના ખેરના 17 લાકડાં ઘન મીટર 0.428 મળી આવ્યા હતા. વન વિભાગે રૂ. 14,980 કિંમતનો લાકડાનો જથ્થો અને રૂ. 2.40 લાખની બોલેરો મળી રૂ. 2,54,980નો મુદ્દામાલ જપ્ત કર્યો છે. ફરાર ચાલક સામે ગુનો નોંધી આગળની કાર્યવાહી ચાલુ છે.
ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















