- Gujarati News
- Local
- Gujarat
- Banaskantha
- Ambaji
- Ambaji Temple Diwali Rush; Long Queues For Darshan On Bhai Beej 2026
દિવાળીમાં બીજા દિવસે પણ અંબાજી મંદિરે ભક્તો ઉમટ્યા:મંદિર પરિસરમાં લાંબી કતારો લાગી; નવા વર્ષ અને ભાઈબીજના દિવસે પણ મોટી સંખ્યામાં દર્શન કરવા આવ્યા
- કૉપી લિંક

શક્તિ, ભક્તિ અને આસ્થાનો ત્રિવેણી સંગમ સમાન જગ વિખ્યાત યાત્રાધામ અંબાજી ખાતે દિવાળી પર્વ નિમિત્તે શ્રદ્ધાળુઓનો ભારે ધસારો જોવા મળી રહ્યો છે. ગુજરાત અને રાજસ્થાનની સરહદ પર આવેલું આ પવિત્ર સ્થળ ગુજરાતનું સૌથી મોટું શક્તિપીઠ છે. આ મંદિરમાં 358 નાના-મોટા
દિવાળીના તહેવારો દરમિયાન અંબાજી મંદિરમાં સતત બીજા દિવસે પણ ભક્તોનું ઘોડાપૂર ઉમટ્યું હતું, જેના કારણે મંદિર પરિસરમાં લાંબી લાંબી કતારો જોવા મળી હતી.

ભક્તોથી ઉભરાયું મંદિર પરિસર દિવાળી વેકેશન અને નૂતન વર્ષના તહેવારોને કારણે મોટી સંખ્યામાં લોકો અંબાજી દર્શનાર્થે પહોંચી રહ્યા છે. નવા વર્ષના દિવસે તથા ભાઈબીજના પાવન અવસરે પણ હજારોની સંખ્યામાં ભક્તોએ હાજરી આપી અંબાજી માતાના દર્શનનો લહાવો લીધો હતો, જેના પગલે સમગ્ર મંદિર પરિસર ભક્તોથી ઉભરાઈ ગયું હતું.

આકર્ષક રોશની અને ફૂલોનો શણગાર દિવાળી પર્વ નિમિત્તે અંબાજી મંદિરને રંગબેરંગી ફૂલો તેમજ આકર્ષક લાઈટોથી ભવ્ય રીતે શણગારવામાં આવ્યું છે. તહેવારોની આ વિશેષ રોનકને કારણે આગામી પાંચમ સુધી મંદિરમાં ભક્તોની ભીડ યથાવત રહેવાની પૂરી સંભાવના છે.


ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















