- Gujarati News
- Local
- Gujarat
- Amreli
- Rajula
- Hirabhai Solanki Birthday Celebrations: Rajula Jafrabad Inauguration & Events
ધારાસભ્ય હીરા સોલંકીના જન્મદિવસે વિવિધ કાર્યક્રમો યોજાયા:નેત્ર તપાસ કેમ્પ, ચાર ગામોને એમ્બ્યુલન્સ, ક્રિકેટ ગ્રાઉન્ડનું ખાતમુહૂર્ત અને વૃક્ષારોપણ કરાયું
- કૉપી લિંક

રાજુલા-જાફરાબાદના ધારાસભ્ય હીરાભાઈ સોલંકીના જન્મદિવસે પંથકમાં નેત્ર તપાસ કેમ્પ, કેન્ટીનનું ઉદ્ઘાટન, ચાર ગામોમાં એમ્બ્યુલન્સ સેવા, ક્રિકેટ ગ્રાઉન્ડનું ખાતમુહૂર્ત અને વૃક્ષારોપણ કરાયું. ગુજરાતના મુખ્યમંત્રી ભૂપેન્દ્ર પટેલે પત્ર લખીને સોલંકીને જન્મદિવસન

મુખ્યમંત્રીએ પત્રમાં લખ્યું હતું કે કોયલા ઉઘાડી ગોળાના વેપારથી શરૂ થયેલી સોલંકીની સફર ધારાસભ્ય સુધી પહોંચી છે. અક્ષરધામ હુમલા સમયે ઘાયલોને હોસ્પિટલ પહોંચાડવા અને દરિયામાં ડૂબતા યુવાનોને બચાવવા તેઓ સત્કાર સમારોહ છોડીને દરિયામાં ઉતર્યા હતા, તેનો પણ પત્રમાં ઉલ્લેખ હતો.

ગ્રામીણ વિકાસ, ખેડૂત કલ્યાણ, સામાજિક કામો અને કોરોના મહામારી દરમિયાન જરૂરિયાતમંદોને મદદ કરવાના પ્રયાસોની પણ મુખ્યમંત્રીએ પ્રશંસા કરી હતી.રાજુલાના જલારામ હોલમાં યોજાયેલા નેત્ર તપાસ કેમ્પમાં 150થી વધુ દર્દીઓની આંખોની તપાસ કરાઈ હતી. વીરપુરથી નિષ્ણાત ડોક્ટરોની ટીમ બોલાવવામાં આવી હતી.

વધુ સારવાર કે ઓપરેશનની જરૂર હોય તેવા દર્દીઓને વીરનગર હોસ્પિટલ લઈ જઈ સારવાર અપાશે. આ સારવારનો ખર્ચ ધારાસભ્ય હીરાભાઈ સોલંકી ઉઠાવશે. રાજુલા માર્કેટિંગ યાર્ડમાં ધારાસભ્યના હસ્તે શાહ નાસ્તાની કેન્ટીનનું ઉદ્ઘાટન કરાયું હતું. અહીં આવતા ખેડૂતો, વેપારીઓ અને મજૂરોને સસ્તા ભાવે નાસ્તો અને ચા મળશે.

જાફરાબાદ પંથકનાં ચાર ગામોમાં એમ્બ્યુલન્સ સેવા શરૂ કરાઈ હતી. તેમાં નાગેશ્રી અને જાફરાબાદ સહિતનાં ગામોનો સમાવેશ થાય છે. આ સુવિધાથી ઇમરજન્સીમાં ગ્રામજનોને સમયસર આરોગ્ય સેવા મળી શકશે.

રાજુલા-જાફરાબાદ વિસ્તારમાં રમતગમત માટે યોગ્ય મેદાનની જરૂરિયાતને ધ્યાનમાં રાખીને ક્રિકેટ ગ્રાઉન્ડ માટે મહત્વપૂર્ણ પહેલ કરવામાં આવી હતી. આઝાદી બાદ પ્રથમ વખત ગ્રાઉન્ડની ફાળવણી અને નિર્માણની દિશામાં કામગીરી હાથ ધરાઈ હતી. અધિકારીઓની ઉપસ્થિતિમાં ગ્રાઉન્ડની માપણી કરી ખાતમુહૂર્ત કરવામાં આવ્યું હતું. આ ગ્રાઉન્ડથી વિસ્તારના યુવાનોને રમતગમત માટે યોગ્ય મેદાન ઉપલબ્ધ થશે.

જન્મદિવસની ઉજવણીને પર્યાવરણ સાથે જોડીને રાજુલા-જાફરાબાદ પંથકનાં મોટાભાગનાં ગામોમાં હીરાભાઈ સોલંકીના નામે એક વૃક્ષ વાવવામાં આવ્યું હતું. ગામડે ગામડે વૃક્ષારોપણ કરીને પર્યાવરણની જાળવણી અને હરિયાળી વધારવાનો સંદેશ આપવામાં આવ્યો હતો.

આ પ્રસંગે વૃંદાવન બાગના સંત રાજેન્દ્ર બાપુ તથા માનવ મંદિરના ભક્તિ રામ બાપુ સહિતના સંતો ખાસ ઉપસ્થિત રહ્યા હતા. સંતોએ ધારાસભ્યને આશીર્વાદ પાઠવ્યા હતા અને તેમના સેવાકીય કાર્યોને બિરદાવ્યાં હતાં.

કાર્યક્રમમાં અમરેલી જિલ્લા ભાજપના મહામંત્રી ચેતનભાઈ શિયાળ, ગુજરાત નિયંત્રિત બજાર સંઘ સમિતિના પ્રમુખ જિગ્નેશભાઈ પટેલ, જિલ્લા બક્ષીપંચ મોરચાના સાગરભાઈ સરવૈયા, ભરતભાઈ કુંભારિયા, રાજુલા નગરપાલિકાના ઉપપ્રમુખ ઘનશ્યામભાઈ વાઘ, કારોબારી ચેરમેન હેમલભાઈ વસોયા, રાજુલા તાલુકા પંચાયતના પ્રમુખ હિંમતભાઈ બલદાણીયા, ભાવેશભાઈ સોલંકી, રવુભાઈ ખુમાણ, મુકેશભાઈ ગુજરીયા, યુવા ભાજપ પ્રમુખ સંદીપભાઈ ટાંક, તાલુકા ભાજપના મહામંત્રી પ્રતાપભાઈ બેપારિયા, ધીરજલાલ પુરોહિત સહિત શહેર અને તાલુકાના ભાજપના આગેવાનો, હોદ્દેદારો તથા કાર્યકરો ઉપસ્થિત રહ્યા હતા.

આમ, ધારાસભ્ય હીરાભાઈ સોલંકીના જન્મદિવસની ઉજવણી સેવા, વિકાસ અને પર્યાવરણના ત્રિવેણી સંગમ સમાન બની રહી હતી. વિવિધ સેવાકીય અને વિકાસલક્ષી કાર્યો દ્વારા જન્મદિવસને લોકહિત સાથે જોડવાનો પ્રયાસ કરવામાં આવ્યો હતો.

ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















