- Gujarati News
- Local
- Gujarat
- Amreli
- Rajula
- Mahakali Mataji Navrang Mandav & 69 Kundi Mahayajna Held In Devpura
દેવપુરામાં 69 કુંડી મહાયજ્ઞ યોજાયો:શ્રી મહાકાળી માતાજીના સાનિધ્યમાં 12 કલાકનો નવરંગ માંડવ યોજાયો, મોટી સંખ્યામાં ભક્તો હાજર રહ્યા
- કૉપી લિંક

રાજુલા તાલુકાના દેવપુરા ગામે બાંભણિયા પરિવારે શ્રી મહાકાળી માતાજીના સાનિધ્યમાં ૬૯ કુંડી મહાયજ્ઞ અને ૧૨ કલાકનો નવરંગ માંડવ યોજ્યો હતો. આ પ્રસંગે મોટી સંખ્યામાં ભક્તો હાજર રહ્યા હતા.આકાશ ભુવા સહિત સંતો-મહંતો ઉપસ્થિત રહ્યા હતા. બાંભણિયા પરિવારના કુળગુરુ

રાજુલા-જાફરાબાદ-ખાંભાના ધારાસભ્ય હીરાભાઈ સોલંકી, ભૂતપૂર્વ ધારાસભ્ય અમરીશભાઈ ડેર અને ભેરાઈના સરપંચ વાલભાઈ રામ સહિત રાજકીય અને સામાજિક આગેવાનો હાજર રહ્યા હતા. ૬૯ કુંડી મહાયજ્ઞના યજમાનોએ યજ્ઞશાળાની પરિક્રમા કરી વિધિમાં ભાગ લીધો હતો.

રાવળદેવ પ્રતિકભાઈ અને કમલેશભાઈ રાવળે તેમની ટીમ સાથે ડાક-ડમરુના તાલે રજૂઆત કરી હતી. બહેનો, દીકરીઓ, વડીલો અને બાળકો સહિત મોટી સંખ્યામાં શ્રદ્ધાળુઓ કાર્યક્રમમાં જોડાયા હતા.મહાયજ્ઞ અને ભોજન માટે દાતાઓએ સહયોગ આપ્યો હતો. મઢ ભૂમિના દાતા સ્વ. રામભાઈ સુખાભાઈ રામ (પૂર્વ સરપંચ, ભેરાઈ) હતા. મહાયજ્ઞના પૂજાપાના દાતા દુલાભાઈ સુખાભાઈ રામ અને ભોજનના દાતા અમીરભાઈ મૂળુભાઈ રામ હતા.

સંપૂર્ણ મંડપ સર્વિસના દાતા ભેરાઈના વેલાભાઈ ભીખાભાઈ અને દૂધના દાતા લખમણભાઈ વાઘાભાઈ રામ હતા. કંકોત્રીના દાતા મેથળાના ડો. વિક્રમભાઈ વેલાભાઈ હતા. ઠંડા પાણીના હોટ અને કુલરના દાતા વિક્ટરના સ્વ. ચીથરભાઈ કાનાભાઈ બાંભણિયા હતા.

મહાયજ્ઞના મુખ્ય પાટલાના યજમાન મેથળાના ઘનશ્યામભાઈ વેલાભાઈ હતા. તેમણે રૂ. ૫,૫૦,૦૦૧નું યોગદાન આપ્યું હતું.

બાંભણિયા પરિવારના આયોજન અને દાતાઓના સહયોગથી દેવપુરામાં મહાયજ્ઞ અને નવરંગ માંડવનો કાર્યક્રમ યોજાયો હતો.

ન્યૂઝ હજી બાકી છે

- પસંદના ન્યૂઝ
- ન્યૂઝ સૌથી ફાસ્ટ
- લાઇવ અપડેટ
















