Mon, Nov 16, 2026Updated 02:25 PM IST
Google Preferred Source CTA

મેટાએ કર્મચારીઓને નોકરી છોડવા કહ્યું:80% પગાર સાથે એક્ઝિટ પેકેજ મળશે, કંપની ટ્રેનિંગ અને બિઝનેસ શરૂ કરવામાં પણ મદદ કરશે

11 દિવસ પેહલા
Loading advertisement...
દિવ્ય ભાસ્કર વાંચવા માટે...
બ્રાઉઝરમાં જ

ગૂગલ અને માઇક્રોસોફ્ટ બાદ હવે ફેસબુક અને ઇન્સ્ટાગ્રામ ચલાવતી કંપની મેટા પણ પોતાના ખર્ચ ઘટાડવા અને કર્મચારીઓની સંખ્યા ઓછી કરવામાં લાગી ગઈ છે.

Loading advertisement...

ફ્રેન્ચ મીડિયા લા લેટ્રેના અહેવાલ મુજબ, મેટાએ ફ્રાન્સમાં કામ કરતા કર્મચારીઓને વોલન્ટરી એક્ઝિટ એટલે કે પોતાની મરજીથી નોકરી છોડવાની ઓફર આપી છે.

તાજેતરમાં હજારો લોકોને નોકરીમાંથી કાઢી મૂક્યા બાદ હવે કંપની પસંદગીના કર્મચારીઓને વળતર આપીને જાતે રાજીનામું આપવાનો વિકલ્પ આપી રહી છે.

આ યોજના હેઠળ નોકરી છોડનારાઓને 80% પગાર તો મળશે જ, સાથે જ મેટા તેમને નવી કુશળતા શીખવવા માટેની તાલીમ અને નવો વ્યવસાય શરૂ કરવામાં પણ સંપૂર્ણ મદદ કરશે.

Loading advertisement...

100 કર્મચારીઓ પર પડી શકે છે અસર

મેટાની ફ્રાન્સ ઓફિસમાં હાલમાં આશરે 300 કર્મચારીઓ કાર્યરત છે. અહેવાલ મુજબ, આ વોલન્ટરી એક્ઝિટ પ્રોગ્રામની અસર ત્યાંના કુલ વર્કફોર્સના આશરે એક-તૃતીયાંશ હિસ્સા પર પડી શકે છે. એટલે કે કંપનીના આશરે 100 કર્મચારીઓ આ યોજના હેઠળ નોકરી છોડી શકે છે.

જોકે, મેટા તરફથી સત્તાવાર રીતે અસરગ્રસ્ત કર્મચારીઓની સંખ્યા જાહેર કરવામાં આવી નથી. ઉપરાંત, આ વોલન્ટરી એક્ઝિટના દાયરામાં કયા વિભાગો, ટીમો અથવા જોબ રોલ્સનો સમાવેશ કરવામાં આવ્યો છે, તે પણ હાલમાં સ્પષ્ટ નથી.

મેટાનો વોલન્ટરી એક્ઝિટ પ્લાન શું છે?

ફ્રેન્ચ મીડિયા અહેવાલમાં જણાવાયું છે કે મેટાનો આ વોલન્ટરી એક્ઝિટ પ્લાન ગૂગલ અને માઇક્રોસોફ્ટના પ્લાનથી થોડો અલગ છે. કંપની આ માટે ફ્રાન્સના લેબર લૉ (શ્રમ કાયદા)ની એક વિશેષ જોગવાઈ 'રુપ્ચર કન્વેન્શનલ કલેક્ટિવ' (RCC)નો સહારો લઈ રહી છે.

આ કાયદા હેઠળ કંપનીઓ ટ્રેડ યુનિયનો અને કર્મચારી પ્રતિનિધિઓ સાથે સ્વૈચ્છિક રીતે નોકરી છોડવાની શરતો અંગે વાટાઘાટ કરે છે. શરતો પર સંમતિ બન્યા બાદ કર્મચારીઓ સ્વૈચ્છિક રાજીનામા માટે અરજી કરી શકે છે. આ નિયમ ફરજિયાત રીતે કરવામાં આવતી છટણીથી અલગ હોય છે. ઇચ્છુક કર્મચારીઓએ 5 નવેમ્બર સુધીમાં પોતાની અરજી જમા કરાવવી પડશે.

મેટાનું ભારે-ભરખમ સેવેન્સ પેકેજ

મેટા પોતાના કર્મચારીઓને ટેક ઉદ્યોગના સૌથી આકર્ષક સેવેન્સ પેકેજમાંથી એક ઓફર કરી રહી છે. જે કર્મચારીઓ સ્વૈચ્છિક રીતે નોકરી છોડવાનો વિકલ્પ પસંદ કરે છે, તેમને કંપનીમાં વિતાવેલા દરેક 1 વર્ષના સેવાકાળ (Service Year) બદલ 2.15 મહિનાનો પગાર મળશે.

ઉદાહરણ તરીકે, જો કોઈ કર્મચારીએ મેટામાં 5 વર્ષ સુધી કામ કર્યું હોય, તો તેને 10.75 મહિનાના પગાર જેટલું વળતર આપવામાં આવશે. કર્મચારીઓને આ સમયગાળા દરમિયાન તેમના કુલ પગારના 80% હિસ્સો આપવામાં આવશે.

મેટા કર્મચારીઓને માત્ર આર્થિક મદદ જ નથી કરી રહી, પરંતુ તેમને નવી કારકિર્દી શરૂ કરવામાં પણ મદદ કરી રહી છે. કંપની રાજીનામું આપનારા કર્મચારીઓને નવી કુશળતાઓ શીખવા માટે વ્યાવસાયિક પુનઃપ્રશિક્ષણ અને પોતાનો નવો વ્યવસાય શરૂ કરવા માટે માર્ગદર્શન તથા સહાય પણ પૂરી પાડશે. આ જ કારણસર મેટાના આ એક્ઝિટ પેકેજને ટેક ઉદ્યોગની સૌથી ઉદાર ઓફર માનવામાં આવી રહી છે.

ગૂગલ અને માઇક્રોસોફ્ટ પણ અપનાવી ચૂક્યાં છે આ જ રસ્તો

વૈશ્વિક સ્તરે ટેક ક્ષેત્રમાં ચાલી રહેલી મંદી અને એઆઈ (AI) પર વધતા ફોકસ વચ્ચે ઘણી દિગ્ગજ ટેક કંપનીઓ પોતાના ખર્ચમાં કાપ મૂકી રહી છે. મેટા પહેલાં ગૂગલ અને માઇક્રોસોફ્ટ જેવી કંપનીઓ પણ યુરોપિયન દેશો અને અમેરિકામાં કર્મચારીઓ માટે સ્વૈચ્છિક પુનઃસ્થાપન અને એક્ઝિટ પ્લાન ઓફર કરી ચૂકી છે. મેટાએ પણ છેલ્લાં 2 વર્ષોમાં અનેક તબક્કામાં હજારો કર્મચારીઓને બહારનો રસ્તો બતાવ્યો છે.

.
Loading advertisement...