મોર્નિંગ ન્યૂઝ બ્રીફ:ટ્રમ્પે કહ્યું - મોદી ટફ લીડર, ગુજરાતમાં કોળી CMની માગ ઉઠતા પાટીદારો એલર્ટ, IPLમાંથી નિવૃત્તિ બાદ ધોનીએ ઇમોશનલ વીડિયો શૅર કર્યો
નમસ્તે,
આવતીકાલના મોટા સમાચાર ટ્રમ્પે પીએમ મોદી વિશે આપેલા નિવેદનના છે. તેમણે મોદીને ટફ માણસ ગણાવ્યા. ધોનીએ IPLમાંથી રિટાયરમેન્ટ લઈ લીધું છે. તેઓ CSKના મેન્ટર બની ગયા છે. મોર્નિંગ ન્યૂઝ બીફમાં અમે તમને એ પણ જણાવીશું કે હવે ઇન્સ્ટાગ્રામ પર અશ્લીલ પોસ્ટ્સ પર લગામ કેવી રીતે મૂકવામાં આવશે.
⏰ આજની ઈવેન્ટ્સ, જેના પર રહેશે નજર
1. રાહુલ ગાંધીના અમેરિકા પ્રવાસનો બીજો દિવસ છે. તેઓ ગઈકાલે રાત્રે ન્યૂયોર્ક પહોંચ્યા હતા.
2. ચીનમાં APEC સમિટનો પહેલો દિવસ. ટ્રમ્પ અને પુતિન પહોંચશે.
📰 કાલના મોટા સમાચારો
1. ટ્રમ્પે મોદીના વખાણ કર્યા, કહ્યું- તેઓ ટફ માણસ:ઈરાન પર બોલ્યા- તે પાગલ દેશ, તેને પરમાણુ હથિયાર હાંસલ કરવા નહીં દઈએ
PM નરેન્દ્ર મોદી અને અમેરિકી રાષ્ટ્રપતિ ટ્રમ્પની મંગળવારે ફિલિપીન્સમાં મુલાકાત થઈ. બંને લીડર રાજધાની મનિલામાં થઈ રહેલી ક્વોડ મિટિંગમાં સામેલ થયા. ટ્રમ્પે મોદીના વખાણ કર્યા અને કહ્યું કે તેઓ ટફ માણસ છે.
ક્વોડ બેઠકમાં વડાપ્રધાન મોદી, ડોનાલ્ડ ટ્રમ્પ, જાપાનના વડાપ્રધાન સાને તાકાઇચી અને ઓસ્ટ્રેલિયાના વડાપ્રધાન એન્થની અલ્બનીઝ સામેલ થયા છે. સંપૂર્ણ સમાચાર વાંચો
2. ધોની IPLમાંથી રિટાયર્ડ, CSKના મેન્ટર બન્યા: માહીએ ઇન્સ્ટાગ્રામ પર 'મેં પલ દો પલ કા શાયર હું' સોંગ પર ઇમોશનલ વીડિયો પોસ્ટ કર્યો
ધોનીએ IPLથી નિવૃત્તિ લઈ લીધી છે. ચેન્નઈ સુપર કિંગ્સ (CSK)એ મંગળવારે મહેન્દ્ર સિંહ ધોનીને ટીમના મેન્ટર બનાવ્યા. આ પછી તેમણે પોતાના ઇન્સ્ટાગ્રામ એકાઉન્ટ પર વીડિયો પોસ્ટ કર્યો છે. જેમાં તેમણે ‘મેં પલ દો પલ કા શાયર હું…’ સોંગ પર એડિટ કરીને ટીમમેટ્સ સાથેનો વીડિયો પોસ્ટ કર્યો.
ધોનીએ કહ્યું- ચાહકોએ મને ખોટો સાબિત કરી દીધો
ધોનીએ ઇન્સ્ટાગ્રામ પર વીડિયો શેર કર્યો. તેના કેપ્શનમાં તેમણે લખ્યું, ચાહકોએ મને ખોટો સાબિત કરી દીધો. મારી ભૂલ સ્વીકારવા માટે આનાથી વધુ સારું ગીત હોઈ શકે નહીં. કદાચ તેના બે વર્ઝન બનાવ્યા હતા, જેથી હું ભૂલ કરી શકું અને પછી તેને સ્વીકારી પણ શકું. સંપૂર્ણ સમાચાર વાંચો
3. રાહુલ ગાંધીએ શિવ-પાર્વતીનો ફોટો શેર કર્યો:ટ્રોલિંગ પર બોલ્યા- ભાજપ-RSS નફરત છોડે; ગઈકાલે કહ્યું હતું- સોનિયા પિતા રાજીવના ખોળામાં બેસતાં હતાં
રાહુલ ગાંધીએ 'જમતી વખતે મા પપ્પાના ખોળામાં બેસતી હતી' વાળા કિસ્સાને લઈને ટ્રોલ થયા બાદ ભાજપ અને RSS પર વળતો પ્રહાર કર્યો.
તેમણે મંગળવારે સોશિયલ મીડિયા પર કહ્યું, ‘ડર, ગુસ્સો અને નફરતે તેમના સમર્થકોનાં દિલોમાં એવું જાળું વણી દીધું છે, જે તેમને પ્રેમ અનુભવવા અને તેને વ્યક્ત કરવાથી રોકે છે.’ સંપૂર્ણ સમાચાર વાંચો
4. વિશ્વના સૌથી પ્રભાવશાળી મુસ્લિમોમાં શહબાઝ-મુનીર નંબર-1:‘મક્કા સમજૂતી’ બન્યું મુખ્ય કારણ; ટોપ-50માં મૌલાના મદની એકમાત્ર ભારતીય, શાહરૂખ-આમિર પણ યાદીમાં
પાકિસ્તાનના આર્મી ચીફ ફિલ્ડ માર્શલ આસિમ મુનીર અને વડાપ્રધાન શહબાઝ શરીફની જોડીને 2027ના વિશ્વના સૌથી પ્રભાવશાળી મુસ્લિમોની યાદીમાં પ્રથમ સ્થાન મળ્યું છે. આ યાદી જોર્ડનના થિંક ટેંક રોયલ ઇસ્લામિક સ્ટ્રેટેજિક સ્ટડીઝ સેન્ટર (RISSC) દ્વારા જાહેર કરવામાં આવી છે.
2026ની યાદીમાં આસિમ મુનીર અને શહબાઝ શરીફ ટોપ-50માં નહોતા. 2027ની યાદીમાં બંને સાઉદી અરેબિયાના કિંગ સલમાન, ક્રાઉન પ્રિન્સ મોહમ્મદ બિન સલમાન અને તુર્કીના રાષ્ટ્રપતિ રજબ તૈયબ અર્દોગન સાથે સંયુક્ત રીતે નંબર-1 પર છે. સંપૂર્ણ સમાચાર વાંચો
5. ઇન્સ્ટાગ્રામનું 'ક્લીન-અપ' અભિયાન:AI ફિલ્ટર કરશે અશ્લીલ અને હિંસક કન્ટેન્ટ, સરકારની કડકાઈ બાદ મેટાનો નિર્ણય
સોશિયલ મીડિયા પ્લેટફોર્મ ઇન્સ્ટાગ્રામે ભારતમાં પોતાના કન્ટેન્ટ રિકમેન્ડેશન સિસ્ટમમાં ફેરફાર કર્યો છે. હવે યુઝર્સને પ્લેટફોર્મ પર અશ્લીલ અને હિંસક કન્ટેન્ટ ઓછું જોવા મળશે.
આ માટે કંપનીએ આર્ટિફિશિયલ ઇન્ટેલિજન્સ એટલે કે AIના નવા અને વધુ સારા મોડલનો ઉપયોગ કર્યો છે. આ મોડલ આપત્તિજનક કન્ટેન્ટની ઓળખ કરીને તેને યુઝર્સ સુધી પહોંચે તે પહેલાં જ રિકમેન્ડેશનમાંથી દૂર કરી દેશે. સંપૂર્ણ સમાચાર વાંચો
6. અમદાવાદ ઈસ્કોન બ્રિજ અકસ્માત કેસમાં નવો વળાંક:બનાવ સમયે તથ્ય પટેલ સાથે કારમાં સવાર 5 મિત્રો કોર્ટમાં ફરી ગયા, કારની સ્પીડ અંગેના નિવેદન બદલી નાખ્યા
અમદાવાદના ચકચારી ઇસ્કોન બ્રિજ અકસ્માત કેસમાં મુખ્ય આરોપી તથ્ય પટેલ સામે અમદાવાદ ગ્રામ્ય સેશન્સ કોર્ટમાં ટ્રાયલ ચાલી રહી છે. આ દરમિયાન અકસ્માત સમયે તથ્યની જેગુઆર કારમાં સવાર તેના પાંચેય મિત્રો ગાડીની ઝડપના મુદ્દે હોસ્ટાઇલ જાહેર થયા છે. જાણકારોના મતે આ સાક્ષીઓ ફરી જવા છતાં કેસ પર કોઈ નકારાત્મક અસર થવાની શક્યતા નહિવત છે, કારણ કે પોલીસ પાસે સમગ્ર ઘટનાના મજબૂત સાયન્ટિફિક અને ટેકનિકલ પુરાવા ઉપલબ્ધ છે. સંપૂર્ણ સમાચાર વાંચો
7. 'આનંદીબેનની UP જઇને માફી માંગવા તૈયાર', બાંભણિયા-કથીરિયા એક પીચ પર: ગીતા પટેલે કહ્યું-આંદોલનકારીઓ દોષિત નથી; મોદીની મુલાકાત બાદ કોળી CMની માગ ઉઠતા પાટીદારો એલર્ટ
2027ની વિધાનસભાની ચૂંટણી નજીક આવતાની સાથે જ અલગ અલગ સમાજના રાજકીય નિવેદનો સામે આવી રહ્યા છે, ત્યારે વધુ એક નિવેદન સામે આવ્યું છે. રાજકોટ જસદણના પાટીદાર શૈક્ષણિક ભવન ખાતે ગઈકાલે(16 નવેમ્બર) સમસ્ત પાટીદાર પરિવારનું ભવ્ય સખી સ્નેહમિલન સમારોહનું આયોજન કરાયું હતું.
આ સમારોહમાં દિનેશ બાંભણિયાએ જાહેરમાં કબૂલ્યું કે, પાટીદાર આંદોલનથી આનંદીબેનને CM તરીકે ગુમાવ્યા તેનો વસવસો છે. તો સામે અનાર પટેલે કહ્યું કે, દિનેશભાઈને ખાસ કહીશ કે કોઈ પણ વાતનું દુઃખ રાખવાની જરૂર નથી, મમ્મીના હૃદયમાં કશું પણ નથી, બહુ ઝડપથી તમને મળાવીશ. સંપૂર્ણ સમાચાર વાંચો
🎭 આજનું કાર્ટૂન
⚡ કેટલાક મહત્વના સમાચારો હેડલાઈનમાં
1. નેશનલઃ સુપ્રીમ કોર્ટે કહ્યું- માફી દિલથી હોવી જોઈએ, દિમાગથી નહીં:અવમાનના કેસમાં સંજય રાઉતને ફટકાર; વિપક્ષી નેતાઓને ન મળવા બદલ CJIની ટીકા કરી હતી (સંપૂર્ણ સમાચાર વાંચો)
2. ઈન્ટરનેશનલઃ અમેરિકાએ પોતાની AI ટેક્નોલોજી સુધીની પહોંચ રોકવા નિયમોમાં ફેરફાર કર્યા:ચીન હવે ન તો ચિપ ખરીદી શકશે, ન તો ભાડે લઈ શકશે; દાવો- એનવિડિયા સ્કેન્ડલમાંથી શીખ લીધી (સંપૂર્ણ સમાચાર વાંચો)
3. નેશનલઃ સુપ્રીમ કોર્ટ હવે 9 ડિસેમ્બરે SIRની અરજીઓ પર સુનાવણી કરશે:વિપક્ષની બે અરજીઓ પર સુનાવણી સ્થગિત, ચૂંટણી કમિશનરોને 48 સવાલ પૂછવાની મંજૂરી માંગી હતી (સંપૂર્ણ સમાચાર વાંચો)
4. ઈન્ટરનેશનલઃ કેનેડામાં પંજાબી યુવક અને તેની ગર્લફ્રેન્ડની ગોળી મારીને હત્યા:વોલમાર્ટની સામે કાર પર ધડાધડ ગોળીઓ વરસાવી; હુમલાખોરોએ પોતાની કાર પણ સળગાવી (સંપૂર્ણ સમાચાર વાંચો)
5. બિઝનેસઃ કોમન મેનની કમર ભાંગશે!:ફ્રિજ, બિસ્કિટ-મીઠું સુધીના ભાવ આસમાને પહોંચી શકે; ડીલર્સની નવી માગથી ઈંધણના ભાવ વધશે! (સંપૂર્ણ સમાચાર વાંચો)
6. સ્પોર્ટ્સઃ IPL ઓક્શન પહેલાં 10 ટીમે 81 ખેલાડીઓને રિલીઝ કર્યા:કોલકાતાએ 12, ચેન્નઈ-દિલ્હીએ 10-10 ખેલાડીઓને રિલીઝ કર્યા; લખનઉ પાસે સૌથી વધુ 47.45 કરોડનું પર્સ બચ્યું (સંપૂર્ણ સમાચાર વાંચો)
7. ધર્મઃ વૃશ્ચિક સંક્રાંતિ 2026:સૂર્ય-મંગળની દૃષ્ટિથી બન્યો 'અંગારાત્મક યોગ'; યુવા વર્ગે આગામી 30 દિવસ ધીરજ રાખવી (સંપૂર્ણ સમાચાર વાંચો)
🗣️ ચર્ચિત નિવેદન
😲 અજબ ગજબ
જંગલમાંથી લાખો કરચલાઓનું સ્થળાંતર
ઓસ્ટ્રેલિયાના ક્રિસમસ આઇલેન્ડ પર લાખો લાલ કરચલાઓ જંગલોમાંથી નીકળીને સમુદ્ર તરફ સ્થળાંતર કરી રહ્યા છે. વરસાદ શરૂ થતાં જ આ કરચલાઓ દર વર્ષે દરિયાકિનારે પહોંચીને ઇંડા મૂકે છે. કરચલાઓની સુરક્ષા માટે અહીં 16 ફૂટ ઊંચો રેડ ક્રેબ બ્રિજ પણ બનાવવામાં આવ્યો છે.
📸 ફોટો, જે પોતે સમાચાર છે
🌟 ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ
🌍કરન્ટ અફેર્સ
⏳ આજના દિવસનો ઈતિહાસ
📊 માર્કેટની સ્થિતિ
🌦️ મોસમનો મિજાજ
બુધવારનું રાશિફળ: વૃષભ રાશિના જાતકોને મહેનતનું યોગ્ય ફળ, ધન રાશિના લોકોને ધંધામાં મોટો ઓર્ડર મળશે (સંપૂર્ણ રાશિફળ વાંચો)
