IIT પાસ મુકેશ બંસલે Myntra શરૂ કર્યું:કોલેજના પૂર્વ વિદ્યાર્થીઓની યાદીમાંથી કો-ફાઉન્ડર શોધ્યો; આજે રેવન્યૂ રૂ. 4,375 કરોડ
હાલના દિવસોમાં Myntra પર ફેશન કાર્નિવલ સેલ ચાલી રહ્યો છે. આ કંપનીની શરૂઆતની કહાની રસપ્રદ છે. IIT કાનપુરમાંથી પાસ મુકેશ બંસલ જોબ કરવા માટે શિકાગો જાય છે. ત્યાં વિવિધ કંપનીઓમાં ઘણા વર્ષો સુધી કામ કર્યું. અહીંથી જ તેને સ્ટાર્ટઅપ શરૂ કરવાનો આઈડિયા આવે છે. તે તેના બે મિત્રોને સ્ટાર્ટઅપ શરૂ કરવા માટે સમજાવે છે. આ પછી ત્રણેય નક્કી કરે છે કે તેઓ આવતા છ મહિનામાં ભારત જશે અને કંઈક નવું કરશે.
જ્યારે ભારત પાછા જવાનો સમય આવે છે, ત્યારે મુકેશના બંને મિત્રો પાછી પાની કરે છે. તેઓ ભારત આવવાની ના પાડે છે. મુકેશ નિરાશ થઈ જાય છે, પણ હાર માનતો નથી. તે ભારત પરત ફરે છે અને 2007માં Myntraનો પાયો નાંખે છે. હાલમાં કંપનીના સીઈઓ નંદિતા સિન્હા છે. કંપનીની આવક રૂ. 4,375 કરોડ છે.
કેવી રીતે અને ક્યાં મુકેશ બંસલને નવા કો-ફાઉન્ડર મળ્યા આજે આપણે મેગા એમ્પાયરમાં તેની કહાની જાણીશું
મુકેશ ભારત આવ્યો હતો પરંતુ તે પોતાના સ્ટાર્ટઅપમાં રોકાણ કરે તેવી કોઈ વ્યક્તિ મળી રહ્યો નહોતો. ઘણા દિવસો સુધી મુકેશ અન્ય લોકો સાથે પોતાના પ્લાનની ચર્ચા કરતો રહ્યો અને નિરાશ જ રહ્યો. છેલ્લે મુકેશે IIT કાનપુરના પૂર્વ વિદ્યાર્થીઓની યાદી તપાસી. ત્યાંથી, તેણે તેના બે જુનિયર આશુતોષ લાવાનિયા અને વિનીત સક્સેનાને પસંદ કર્યા અને તેમને સ્ટાર્ટઅપ સાથે જોડ્યા.
મેં 4 સ્ટાર્ટઅપ્સમાં જે શીખ્યું, મેં તેને Myntra પર લાગુ કર્યું Myntra શરૂ કરતા પહેલા મુકેશે ચાર સ્ટાર્ટઅપ્સમાં કામ કર્યું હતું. એક સ્ટાર્ટઅપ સાથે 8 વર્ષ સુધી કામ કરવાનો અનુભવ તેના માટે ખૂબ જ મદદગાર હતો. એક ઈન્ટરવ્યુમાં મુકેશ જણાવે છે કે જ્યારથી તેણે બીજાના સ્ટાર્ટઅપ માટે કામ કરવાનું શરૂ કર્યું છે. ત્યારથી તે પોતાનું કંઈક કરવા માંગતો હતો. હંમેશા નવા વિચારો શોધતો હતો. વચ્ચે તેણે ઘણા પ્રયાસો પણ કર્યા, જે નિષ્ફળ ગયા.
Myntraનું ફોકસ શું હતું અને તે કેવી રીતે આગળ વધ્યું? કંપનીએ 2007માં પર્સનલાઈઝ્ડ ગિફ્ટ વસ્તુઓ વેચવા માટે એક ઓનલાઈન પોર્ટલ સાથે શરૂઆત કરી હતી. આ પછી Myntraએ ઘણા બિઝનેસ મોડલ અજમાવ્યા. B2C સાથે B2Bનો પ્રયાસ કર્યો, જે ખૂબ મુશ્કેલ હતું. ઑફલાઇન રિટેલનો પણ પ્રયાસ કર્યો.
આ બધાની વચ્ચે વર્ષ 2010 કંપની માટે સારું સાબિત થયું. IPL ટીમ રીબોક પર્સનલાઈઝ્ડ જર્સી બનાવવા માટે કંપની શોધી રહી હતી. તેમણે Myntraનો સંપર્ક કર્યો, ડીલ ફાઈનલ થઈ ગઈ. આ રીતે કંપનીને તેનો પહેલો કોન્ટ્રાક્ટ ફેશન ઉદ્યોગ સાથે મળ્યો.
2011ના ક્રિકેટ વર્લ્ડ કપમાં મિંત્રાને ટીમ ઈન્ડિયાની જર્સી બનાવવાની તક મળી. આ પછી કંપનીની પ્રોડક્ટ્સને ઘણી લોકપ્રિયતા મળી. આ સમયે આ વર્ષે NIKEએ એક મોટું કેમ્પેન ચલાવ્યું હતું, જેમાં Myntraએ તેની સાથે ભાગીદારી કરી હતી. વેબસાઇટ બંધ કરી અને ફક્ત એપ્લિકેશન મોડેલ બનાવવાનો પ્રયાસ 2012માં મુકેશ અમેરિકા ફરવા ગયો હતો. જ્યાં તેણે ‘ધ મોબાઈલ વેવ’ પુસ્તક વાંચ્યું. આ પુસ્તક વાંચીને મુકેશને લાગ્યું કે આવનારા દિવસોમાં તમામ કામ એપ પર જ થશે. બહુ ઓછા લોકો વેબસાઈટ એક્સેસ કરી શકશે. ભારત પાછા આવ્યા પછી, તેમણે Myntraના તમામ 300 કર્મચારીઓ માટે આ પુસ્તક ખરીદ્યું અને તેમને વાંચવા માટે આપ્યું.
બસ પછી આગળ શું થયું - હવે કંપનીએ તેની વેબસાઈટ બંધ કરી દીધી અને 'ઓન્લી એપ' આધારિત મોડલ લાવવાનો પ્રયાસ શરૂ કર્યો. 10 મે, 2015ના રોજ, Myntraએ જાહેરાત કરી કે કંપની તેની વેબસાઇટ બંધ કરશે. આ માટે દલીલ કરતા કંપનીએ કહ્યું કે તેની વેબસાઇટ પર 70% ખરીદી સ્માર્ટફોન પર કરવામાં આવે છે. કંપનીના આ નિર્ણય બાદ તેને 10 ટકાનું નુકસાન થયું છે. આ પછી, ફેબ્રુઆરી 2016માં મિંત્રાએ ફરીથી જાહેરાત કરી કે તે વેબસાઇટને ફરીથી શરૂ કરશે.
ફ્લિપકાર્ટ Myntraની પેરેન્ટ કંપની 2014માં Myntraને ફ્લિપકાર્ટ દ્વારા 2,000 કરોડ રૂપિયામાં ખરીદી લેવામાં આવી હતી. Flipkart Myntraની પેરેન્ટ કંપની બની. જે સમયે ફ્લિપકાર્ટે Myntra ખરીદી હતી, તે સમયે તેની પાસે 1,000 બ્રાન્ડની કુલ 1,50,00 પ્રોડક્ટ્સ હતી. કંપનીનું માળખું બદલાયું નથી, તે હજી પણ ઈન્ડિપેન્ડેંટ રીતે કાર્ય કરે છે.
વિવાદને કારણે લોગો બદલાયો Myntraનો લોગો જે આજે જોવા મળે છે તે આ પહેલા કરતા કંઈક અલગ હતો. અવેસ્તા ફાઉન્ડેશન ચલાવતી નાઝ એકતા પટેલે Myntraના લોગો અંગે ફરિયાદ કરી હતી. તેણે કહ્યું કે ઉપયોગમાં લેવાયેલ M આલ્ફાબેટ, જે કોઈ નગ્ન મહિલાના પગ જેવો દેખાય છે. આ અશ્લીલ લોગો બદલવો જોઈએ. જાન્યુઆરી 2021માં વધી રહેલા વિવાદને કારણે Myntraએ તેનો લોગો બદલવો પડ્યો હતો.
એમ-એક્સપ્રેસ ડિલિવરી 24થી 48 કલાકમાં 2022માં, Myntraએ તેની એપ્લિકેશન પર M-Express નામની એક્સપ્રેસ ડિલિવરી સુવિધા શરૂ કરી. 24 થી 48 કલાકમાં ડિલિવરી થવા લાગી. એક્સપ્રેસ ડિલિવરી માટે, પ્રોડક્ટ લિસ્ટિંગમાં 'M-Express' ટૅગ છે. આ એમેઝોનના પ્રાઇમ અને ફ્લિપકાર્ટના પ્લસ ફુલફિલમેન્ટ જેવું જ છે.
6000 રાષ્ટ્રીય અને આંતરરાષ્ટ્રીય બ્રાન્ડ્સ
- 2011માં, Myntraએ તેના પ્લેટફોર્મ પર ફેશન અને જીવનશૈલી પ્રોડક્ટ લાવવાનું શરૂ કર્યું.
- 2012 સુધીમાં, Myntraએ લગભગ 350 રાષ્ટ્રીય અને આંતરરાષ્ટ્રીય બ્રાન્ડ્સ લોન્ચ કરી. કંપનીની વેબસાઈટે તે સમયે ફાસ્ટ્રેક વોચ અને બીઈંગ હ્યુમન બ્રાન્ડ લોન્ચ કરી હતી.
- 2014માં ફ્લિપકાર્ટે Myntraને ખરીદ્યું ત્યાં સુધીમાં, Myntraના પોર્ટફોલિયોમાં 1,000 કરતાં વધુ બ્રાન્ડની લગભગ 1,50,00 પ્રોડક્ટ્સ સામેલ હતી.
- 2023 સુધીમાં કંપની પાસે 6000 રાષ્ટ્રીય અને આંતરરાષ્ટ્રીય બ્રાન્ડ્સની 20 લાખથી વધુ વેરાયટીઓ હાજર છે.
