પ્રેરણા / 27 વર્ષનો શાંતનુ નાયડુ ટાટા કંપની માટે સ્ટાર્ટઅપની પસંદગી કરે છે

27-year-old Shantanu Naidu make decision for Tata Company to invest in startup
27-year-old Shantanu Naidu make decision for Tata Company to invest in startup
27-year-old Shantanu Naidu make decision for Tata Company to invest in startup
27-year-old Shantanu Naidu make decision for Tata Company to invest in startup

શાંતનુ પોતે 30થી વધુ સ્ટાર્ટઅપમાં રતન ટાટાના વ્યક્તિગત રોકાણને સંભાળે છે
ટાટા સાથે તે એક્ઝિક્યૂટિવ અસિસ્ટન્ટ તરીકે વર્ષ 2017માં કામ શરૂ કર્યું.
 

Divyabhaskar.com

Nov 05, 2019, 09:33 AM IST

યૂથ ઝોન ડેસ્કઃ સો ઉપરાંત કંપનીઓ ધરાવતા ટાટા ગ્રૂપ સાથે જોડાયેલા યુવાનની કોઈ કમી નથી. આ તમામની વચ્ચે 27 વર્ષીય યુવાન શાંતનું નાયડુ અલગથી ઊભરી આવે છે. શાંતનુ આટલી નાની વયે ટાટા જેવી દિગ્ગજ કંપનીમાં 30થી વધારે સ્ટાર્ટઅપમાં રોકાણ કરવાનું સંપૂર્ણ કામ સંભાળે છે. તેનું કામ એક્ઝિક્યૂટિવ અસિસ્ટન્ટનું છે, તે રતન ટાટાને સ્ટાર્ટઅપમાં રોકાણ કરવામાં મદદ કરે છે.

મોટાપૉઝ પ્રોજેક્ટ

શાંતનુ અગાઉ ટાટા એલેક્સી કંપનીમાં ઓટોમોબાઇલ ડિઝાઇન એન્જિનિઅર તરીકે નોકરી કરતો હતો. એક દિવસ તેણે રાતે ચીલઝડપે જઈ રહેલી ગાડીઓની અડફેટે આવતા કૂતરાઓનું મૃત્યુ જોયું હતું. રાતે અંધારામાં દૂરથી કૂતરાઓ નજરે ન પડવાથી તે વાહનોની અડફેટે આવીને મૃત્યુ પામે છે. તેને જોઈને શાંતનુએ કૂતરાઓને ગળે પહેરાવી શકાય તેવો એક કોલર બનાવ્યો, જેને દૂરથી કારચાલક સરળતાથી જોઈ શકે છે. આ ઝુંબેશને મોટાપૉઝ (motapaws) નામ આપવામાં આવ્યું. તેને લીધે ઘણા કૂતરાઓના જીવ બચી ગયા.
આ વાતનો ઉલ્લેખ ટાટા સમૂહની કંપનીઓના ન્યુઝ લેટરમાં કરવામાં આવ્યો હતો. તેના પર કંપનીના ચેરમેન રતન ટાટાની નજર પડી. ત્યારબાદ શાંતનુને રતન ટાટા સાથે વાતચીત માટે આમંત્રણ આપવામાં આવ્યું હતું.

શાંતનુ તેના પરિવારમાંથી પાંચમી પેઢી છે જે ટાટા ગ્રૂપમાં કામ કરી રહી છે. પરંતુ તેમાંથી મોટે ભાગે એન્જિનિઅર અને ટેક્નિશિયન તરીકે કામ કરતા હતા. તેમાંથી કોઈ પણ એક્ઝિક્યૂટિવ તરીકે કાર્યરત ન હતા. રતન ટાટાએ શાંતનુને તેના સ્ટ્રીટ ડોગ પ્રોજેક્ટ માટે મદદ માટે પૂછ્યું હતું. શરૂઆતમાં શાંતનુ અને તેમના મિત્રોએ કોઈ પણ મદદ લેવાનો ઇનકાર કર્યો હતો ત્યારબાદ શાંતનુ મદદ સ્વીકારવા માટે રાજી થયા હતા. ટાટાના રોકાણ બાદ મોટાપૉઝ દેશનાં 11 શહેરો સુધી પહોંચ્યું હતું.

કોર્નેલ યુનિવર્સિટીમાં MBA કર્યું

શાંતનુએ વર્ષ 2018માં રતન ટાટાને જણાવ્યું હતું કે, તે અમેરિકાની કોર્નેલ યુનિવર્સિટીમાં MBA કરવા ઈચ્છે છે. શાંતનુને એડમિશન મળી ગયું હતું. શાંતનું એ કોર્નલ યુનિવર્સિટીમાં બીજા વર્ષના અભ્યાસ દરમિયાન ઇન્વેસ્ટમેન્ટસ અને સ્ટાર્ટઅપ, સારા સ્ટાર્ટઅપને કેવી રીતે શોધવું વગેરે જેવા વિષય પર અભ્યાસ કર્યો હતો.

અભ્યાસ દરમિયાન શાંતનુએ ટાટા ટ્રસ્ટ સાથે મળીને ટાટાના પેટ પ્રોજેક્ટ હેઠળ વેટરિનરી હોસ્પિટલ બનાવવાના કાર્યમાં ઈન્ટર્નશિપ કરી હતી. કોર્નેલ યુનિવર્સિટીથી ડીગ્રી મેળવ્યા બાદ શાંતનુ ભારત પરત ફર્યો ત્યારે તેને રતન ટાટાએ તેમની ઓફિસમાં કામ કરવા માટે ઓફર કરી હતી. આ રીતે શાંતનુ રતન ટાટાનો એક્ઝિક્યૂટિવ અસિસ્ટન્ટ બન્યો હતો. શાંતનુ જણાવે છે કે રતન ટાટા સાથે કામ કરીને તેને ઘણું બધું શીખવા મળ્યું છે. તેમની સાથે રહીને નિર્ણયો કેવી રીતે લેવા જોઈએ તેનું શિક્ષણ મેળવ્યું છે.

X
27-year-old Shantanu Naidu make decision for Tata Company to invest in startup
27-year-old Shantanu Naidu make decision for Tata Company to invest in startup
27-year-old Shantanu Naidu make decision for Tata Company to invest in startup
27-year-old Shantanu Naidu make decision for Tata Company to invest in startup
COMMENT

Next Stories

    ની  સંપૂર્ણ વાંચનસામગ્રી