કામની વાત:પૈસાની જરૂર છે પરંતુ મકાન નથી તો કાર ઉપર પણ લઇ શકો છો લોન

20 દિવસ પહેલા
  • કૉપી લિંક

અચાનક તમને પૈસાની જરૂર પડે છે ત્યારે તમારી પાસે કોઈ વિકલ્પ ન હોય તો તમે કાર ઉપર પણ લોન લઇ શકો છો. બેંકો અને નોન-બેંકિંગ નાણાકીય કંપનીઓ (NBFC) બંને 'લોન અગેન્સ્ટ કાર' ઓફર કરે છે. કારની હાલની કિંમતના 50%થી લઈને 150% સુધીની લોન મળી શકે છે. આ લોન 1થી 7 વર્ષ સુધી વાર્ષિક 13-15%ના વ્યાજે મળે છે. લોનની પ્રોસેસિંગ ફી 1-3% હોય છે.

બેંક લોન આપતા પહેલાં ટ્રેક રેકોર્ડ જુએ છે
બેંક 'લોન અગેન્સ્ટ કાર' મંજુર કરતા પહેલાં અરજદારનો ઓછામાં ઓછો નવ મહિનાનો લોન રિપેમેન્ટ ટ્રેક રેકોર્ડ જુએ છે. અરજદારને ત્યારે જ લોન મળશે જયારે સમયસર લોનનાં હપ્તા ભર્યા હોય.

જરૂરી દસ્તાવેજ

  • વોટર આઇડી કાર્ડ, ફોટો આઇડી કાર્ડ, પાસપોર્ટ
  • પાન, આધાર કાર્ડ
  • ત્રણ વર્ષનું આઈ-ટી રિટર્ન
  • ત્રણ મહિનાની સેલેરી સ્લીપ
  • સેલેરી એકાઉન્ટ સ્ટેટમેન્ટ
  • કારની આરસી બુક
  • કારનાં વીમાનાં કાગળો

'લોન અગેન્સ્ટ કારની યોગ્યતા

  • બેંકો અને NBFC સામાન્ય રીતે 10 વર્ષથી ઓછી જૂની કાર સામે લોન આપે છે.
  • અરજદાર પાસે નોકરી અથવા વ્યવસાય જેવા ચોક્કસ આવકનો સ્ત્રોત હોવો જોઈએ.
  • અરજદારની ઉંમર ઓછામાં ઓછી 21 વર્ષ અને વધુમાં વધુ 65 વર્ષ હોવી જોઈએ.