તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

PM KISAN નિધિ:આ રીતે ચેક કરો કે તમારા ખાતામાં 2 હજાર રૂપિયા આવ્યા છે કે નહીં

4 મહિનો પહેલા
  • કૉપી લિંક
  • આજે PM મોદી 9 કરોડ ખેડૂતોના ખાતામાં 18 હજાર કરોડ રૂ. ટ્રાન્સફર કરશે

પ્રધાનમંત્રી કિસાન સન્માન નિધિ યોજના અંતર્ગત ખેડૂતોને દર વર્ષે 3 હપ્તામાં 6000 રૂપિયા આપવામાં આવી રહ્યા છે. આજે એટલે કે 25 ડિસેમ્બરે પ્રધાનમંત્રી દેશના 9 કરોડ ખેડૂતોના ખાતામાં 18 હજાર કરોડ રૂપિયાના હપ્તા ટ્રાન્સફર કરશે. તેના અંતર્ગત દરેક ખેડૂતોના ખાતામાં 2-2 હજાર રૂપિયા ટ્રાન્સફર કરવામાં આવશે. આ દરમિયાન પ્રધાનમંત્રી 9 રાજ્યોના ખેડૂતોની સાથે વીડિયો કોન્ફરન્સિંગ દ્વારા વાત પણ કરશે.

આ યોજના અંતર્ગત ઓગસ્ટમાં લાભાર્થીઓને 2000 રૂપિયાના છઠ્ઠા હપ્તા જારી કરવામાં આવ્યા હતા. આવી સ્થિતિમાં આ સ્કીમ અંતર્ગત તમારા ખાતામાં 2,000 રૂપિયા આવ્યા છે કે નહીં તે જાણવું હોય તો તેને તમે ઓનલાઈન ચેક કરી શકો છો.

કેવી રીતે ચેક કરી શકાય છે?

  • સૌથી પહેલા પ્રધાનમંત્રી કિસાન સન્માન નિધિ યોજનાની સત્તાવાર વેબસાઈટ પર લોગઈન કરો.
  • હવે જમણી બાજુએ 'Farmers Corner' પર જવું.
  • અહીં તમને 'Beneficiary Status'નો ઓપ્શન મળશે.
  • હવે તમારી સામે એક નવું પેજ ઓપન થશે.
  • નવા પેજ પર તમારે આધાર નંબર, બેંક અકાઉન્ટ નંબર અથવા મોબાઈલ નંબરમાંથી કોઈ એક વિકલ્પ પસંદ કરવો પડશે.
  • તમે જે વિકલ્પને પસંદ કરો છો તે નંબરને આપવામાં આવેલી જગ્યા પર દાખલ કરો.
  • હવે તમારે 'Get Data'ની લિંક પર ક્લિક કરવું પડશે. તમારી સામે સંપૂર્ણ ડેટા સામે આવી જશે.

ખાતામાં પૈસા ન આવ્યા હોય તો શું કરવું?
જો તમારા ખાતામાં પૈસા નથી આવ્યા તો તમે તમારા અકાઉન્ટન્ટ, કાનુંગો અને જિલ્લા કૃષિ અધિકારી સાથે વાતચીત કરી શકો છો. તે ઉપરાંત અહીં પણ તમારી સમસ્યાનું નિવારણ ન આવે તો તમે કેન્દ્રીય કૃષિ મંત્રાલયના હેલ્પલાઈન નંબરની મદદ લઈ શકો છો. તમે હેલ્પલાઈન નંબર 155261 અથવા ટોલ ફ્રી 1800115526 નંબર પર સંપર્ક કરી શકો છો. તે ઉપરાંત તમે મંત્રાલયના આ નંબર (011-23381092) પર પણ સંપર્ક કરી શકો છો.
આ રીતે ચેક કરો તમારું નામ સામેલ છે કે નહીં
જો તમે યોજનાનો લાભ લેવા માટે અરજી કરી છે અને હવે તમારું નામ લાભાર્થીઓની યાદીમાં જોવા માગો છો તો સરકારી વેબસાઈટ pmkisan.gov.in પર ચેક કરી શકો છો. આ છે તેની પ્રોસેસ.

  • PM કિસાન સન્માન નિધિ યોજનાનું લિસ્ટ ઓનલાઈન જોવા માટે સરકારી વેબસાઈટ pmkisan.gov.in પર ક્લિક કરો
  • વેબસાઈટ ઓપન થયા બાદ મેનુબાર જોવો અને અહીં ‘ફાર્મર કોર્નર’પર જવું. ‘લાભાર્થી યાદી’ની લિંક પર ક્લિક કરો
  • તમારું રાજ્ય, જિલ્લો, પેટા-જિલ્લો, બ્લોક અને ગામની વિગતો દાખલ કરો
  • ત્યારબાદ તમારે Get Report પર ક્લિક કરવાનું રહેશે, ત્યારબાદ તમને માહિતી મળશે.
  • જે ખેડૂતોને આ યોજનાનો લાભ સરકારની તરફથી આપવામાં આવ્યો છે તેમના પણ નામ રાજ્ય/ જિલ્લાવાર / તાલુકા / ગામ મુજબ જોઇ શકાય છે.

શું છે પ્રધાનમંત્રી કિસાન સન્માન નિધિ યોજના?
આ યોજના અંતર્ગત નાના અને સીમાંત ખેડૂતોને 2-2 હજાર રૂપિયાના ત્રણ હપ્તા વર્ષમાં (કુલ 6000 રૂપિયા) આપવામાં આવે છે. યોજનાના પાત્ર લાભાર્થીઓ પણ કોમન સર્વિસ સેન્ટર (CSC) દ્વાર પણ પોતાનું રજિસ્ટ્રેશન કરાવી શકે છે. તે ઉપરાંત સ્થાનિક પટવારી, મહેસૂલ અધિકારી અને યોજના માટે રાજ્ય સરકારની તરફથી નિયુક્ત નોડલ અધિકારી ખેડૂતોનું રજિસ્ટ્રેશન કરી રહ્યા છે. અત્યાર સુધી 10 કરોડ 96 લાખ ખેડૂતોને આ યોજનાનો લાભ મળ્યો છે. કૃષિ મંત્રી નરેન્દ્ર સિંહ તોમરે આ જાણકારી પ્રેસ કોન્ફરન્સમાં આપી હતી.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આ સમયે ગ્રહ સ્થિતિ અનુકૂળ રહેશે. વાતચીત કરીને તમે તમારા કામ કઢાવી શકશો. તમારી કોઇ નબળાઈ ઉપર પણ તમે કામ કઢાવી શકવામાં સક્ષમ રહેશો. મિત્રોનો સાથ અને સહયોગ તમારી હિંમત અને તાકાતને વધારશે. ને...

વધુ વાંચો