• Gujarati News
  • Utility
  • These Documents, Including Form 16 And 26AS, Will Be Required When Filing An Income Tax Return

પર્સનલ ફાઈનાન્સ:ઈન્કમ ટેક્સ રિટર્ન ફાઈલ કરતી વખતે ફોર્મ-16 અને 26AS સહિત આ ડોક્યુમેન્ટ્સની જરૂર પડશે

2 વર્ષ પહેલા
  • કૉપી લિંક
  • નાણાંકીય વર્ષ 2019-20 માટે 31 ડિસેમ્બર સુધી રિટર્ન ફાઈલ કરવાનું છે
  • સેક્શન 80D અંતર્ગત તમે 25 હજાર રૂપિયા સુધીના હેલ્થ ઈન્શ્યોરન્સ પ્રીમિયમ પર ટેક્સ છૂટનો લાભ લઈ શકો છો

જો તમે હજી સુધી ઈન્કમ ટેક્સ રિટર્ન ફાઇલ ન કર્યું હોય તો ઝડપથી ફાઈલ કરી દો. નાણાકીય વર્ષ 2019-20 માટે 31 ડિસેમ્બર સુધી રિટર્ન ફાઈલ કરવાનું છે. જો તમે પહેલી વખત ITR ફાઈલ કરી રહ્યા છો તો ITR ફાઈલ કરતી વખતે તમને ઘણા ડોક્યુમેન્ટ્સની જરૂર પડી શકે છે, તેથી આ ડોક્યુમેન્ટ્સ તમારી પાસે રાખવા. આજે અમે તમને આ ડોક્યુમેન્ટ્સ વિશે જણાવી રહ્યા છીએ.

ફોર્મ-16
જો તમે નોકરીયાત છો અને ઈન્કમ ટેક્સ રિટર્ન (ITR) ફાઈલ કરી રહ્યા છો તો તમારા માટે ફોર્મ-16 જરૂરી ડોક્યુમેન્ટ છે. તેની મદદથી ITR ફાઈલ કરી શકાય છે. ફોર્મ-16 કર્મચારીને તેમની કંપની તરફથી આપવામાં આવે છે. તેમાં કર્મચારીની સેલરીમાંથી ટેક્સ કટ થવાની સંપૂર્ણ જાણકારી હોય છે અને તે ઉપરાંત આપવામાં આવેલી સેલરીની પણ જાણકારી હોય છે. દરેક એમ્પ્લોયરએ તેના કર્મચારીને ફોર્મ -16 આપવું જરૂરી છે.

આ ફોર્મમાં બે ભાગ પાર્ટ A અને પાર્ટ B હોય છે. પાર્ટ Aમાં સંસ્થાના TAN, તેનું અને કર્મચારીનું પાન, સરનામું, અસેસમેન્ટ યર, રોજગારીનો સમયગાળો અને સરકારને જમા કરવામાં આવેલ TDSની વિગતો હોય છે. પાર્ટ Bમાં સેલરીનું બ્રેક-અપ, ક્લેમ કરવામાં આવેલ ડિડક્શન, કુલ કરપાત્ર આવક અને પગારમાંથી કપાત કરની વિગતો સામેલ હોય છે.

ઈન્કમ ટેક્સ રિટર્ન ફાઇલ કરતી વખતે આ 5 બાબતો ધ્યાનમાં રાખવી, નહીં તો મુશ્કેલી થઈ શકે છે

ફોર્મ- 26AS
ફોર્મ 26ASમાં કરદાતાનો ઈન્કમ ટેક્સ રેકોર્ડ હોય છે. તેમાં ત્રણ પ્રકારની વિગતો હોય છે. પહેલી TDSની માહિતી, બીજીઃ ટેક્સ કલેક્ટેડ એટ સોર્સની માહિતી અને ત્રીજીઃ ટેક્સપેયરના એડવાન્સ ટેક્સ/સેલ્ફ અસેસમેન્ટ ટેક્સની માહિતી. જ્યારે પણ તમે કોઈ ટેક્સની ચૂકવણી કરો છો તો ઈન્કમ ટેક્સ વિભાગ તે ચૂકવણીને તમારા પાન નંબર આધારિત રેકોર્ડમાં નોંધે છે. આ રેકોર્ડને જ Form 26AS કહેવામાં આવે છે. તેને તમે કરદાતાનું ટેક્સ ક્રેડિટ સ્ટેટમેન્ટ કહી શકો છો. ફોર્મ 26AS તમે ઈન્કમ ટેક્સ વિભાગની વેબસાઈટ પરથી ડાઉનલોડ કરી શકો છો.

વ્યાજથી થયેલી આવકનું સર્ટિફિકેટ
જો તમે બેંક અથવા પોસ્ટ ઓફિસમાં ફિક્સ્ડ ડિપોઝિટ (FD) કરાવી છે અથવા વ્યાજ મળતી અન્ય કોઈ સ્કીમમાં પૈસાનું રોકાણ કર્યું છે તો વ્યાજથી થયેલી આવકનું સર્ટિફિકેટ અથવા બેંક સ્ટેટમેન્ટ પણ રાખવું જરૂરી છે, જેથી તમે તેની યોગ્ય જાણકારી ITR ફાઈલ કરતી વખતે ભરી શકો. તમે આવકવેરા કાયદાની કલમ 80TTA અંતર્ગત 10 હજાર રૂપિયા સુધી વ્યાજથી થયેલી રકમ પર ટેક્સ છૂટનો લાભ લઈ શકો છો.

2 લાખ કે તેથી વધુ રોકડ રૂપિયા લેવા પર દંડ ભરવો પડે છે, અહીં જાણો તેનાથી સંબંધિત ટેક્સના નિયમ

ટેક્સ સેવિંગ સર્ટિફિકેટ
જો તમે ટેક્સ બચાવવા માટે ટેક્સ સેવિંગ સ્કીમ્સમાં પૈસાનું રોકાણ કર્યું છે પરંતુ તમે આ ડોક્યુમેન્ટ તમારા એમ્પ્લોયરને નક્કી સમયમાં નથી આપતા તો, તેમને આવકવેરા રિટર્ન ફાઈલ કરતી વખતે તેનું પ્રુફ આપવું જરૂરી હોય છે. તે ટેક્સ સેવિંગ ઈન્વેસ્ટમેન્ટ પ્રૂફ LIC પ્રીમિયમની રસીદ, ઈન્શ્યોરન્સની રસીદ, PPFમાં રોકાણની પાસબુક, 5 વર્ષની FDની રસીદ, ELSSનો પુરાવો, ટ્યુશન ફીની રસીદ વગેરે હોઈ શકે છે.

મેડિકલ ઈન્શ્યોરન્સ
સેક્શન 80D અતંર્ગત તમે 25 હજાર રૂપિયા સુધી હેલ્થ ઈન્શ્યોરન્સ પ્રીમિયમ પર ટેક્સ છૂટનો લાભ લઈ શકો છો. આ ઈન્શ્યોરન્સ પોલિસી તમારા માટે, તમારા જીવનસાથી માટે, બાળકો માટે હોઈ શકે છે. સિનીયર સિટીઝન માટે આવકવેરા છૂટની મર્યાદા 50 હજાર રૂપિયા છે. જો તમે તેના અંતર્ગત ટેક્સ છૂટનો લાભ લેવા માગો છો તો આ તમામ રસીદ પણ ITR ફાઈલ કરતા સમયે તમારી સાથે રાખવી.

અન્ય રોકાણ
હાઉસિંગ લોન પર આપવામાં આવેલું વ્યાજઃ હાઉસિંગ લોન પર મળતું વ્યાજ ટેક્સ સેવિંગ માટે યોગ્ય છે. એજ્યુકેશન લોન પર આપવામાં આવતા વ્યાજ પર પણ તમે ટેક્સ છૂટનો લાભ લઈ શકો છો. સેક્શન 80E એજ્યુકેશન લોન પર વ્યાજમાં ઘટાડો પ્રદાન કરે છે.