• Gujarati News
  • Utility
  • These Banks, Including Bandhan And IndusInd Bank, Are Offering Higher Interest Than FD On Savings Accounts.

તમારા ફાયદાની વાત:બંધન અને ઈન્ડસઇન્ડ બેંક સહિત આ બેંક સેવિંગ્સ અકાઉન્ટ પર FD કરતાં વધારે વ્યાજ આપી રહી છે

6 મહિનો પહેલા
  • કૉપી લિંક

કોઈપણ બેંકમાં સેવિંગ અકાઉન્ટ ખોલાવતા પહેલાં એ વાતની ખબર હોવી જોઈએ કે તમે જે બેંકમાં અકાઉન્ટ ખોલાવી રહ્યા છો તે સેવિંગ અકાઉન્ટ પર કેટલું વ્યાજ આપી રહી છે. ઘણી બેંક એવી છે જે તમને સેવિંગ અકાઉન્ટ પર ફિક્સ્ડ ડિપોઝિટ (FD) કરતાં પણ વધારે વ્યાજ આપી રહી છે. દેશની સૌથી મોટી બેંક SBI ફિક્સ્ડ ડિપોઝિટ પર મહત્તમ 5.4% વ્યાજ આપી રહી છે. અમે તમને એવી બેંકો વિશે જણાવી રહ્યા છીએ જે સેવિંગ્સ અકાઉન્ટ પર શાનદાર વ્યાજ ઓફર કરી રહી છે.

આ બેંક સેવિંગ અકાઉન્ટ પર વધારે વ્યાજ આપી રહી છે

બેંક

વ્યાજ દર (%)
RBL બેંક4.50-6.25
બંધન બેંક3.00-6.00
ઈન્ડસઇન્ડ બેંક4.00-6.00
યસ બેંક4.00-5.50
IDFC ફર્સ્ટ બેંક4.00-5.00
પોસ્ટ ઓફિસ4.00
યુનિયન બેંક ઓફ ઈન્ડિયા3.00-4.00
પંજાબ નેશનલ બેંક3.00- 3.50
બેંક ઓફ ઈન્ડિયા2.90
SBI2.70

સેવિંગ્સ અકાઉન્ટ પર મળતા વ્યાજ પર પણ ટેક્સ આપવો પડે છે
ઇન્કમ ટેક્સ એક્ટના સેક્શન 80TTA હેઠળ બેંક/કો-ઓપરેટિવ સોસાયટી/પોસ્ટ ઓફિસના સેવિંગ અકાઉન્ટના વ્યાજના કિસ્સામાં વાર્ષિક રૂ. 10 હજાર સુધીની આવક ટેક્સ ફ્રી છે. તેનો લાભ 60 વર્ષથી ઓછી ઉંમરના અથવા HUF(સંયુક્ત હિન્દુ પરિવાર)ને આપવામાં આવે છે તેમજ આ છૂટ સિનિયર સિટિઝન માટે 50 હજાર રૂપિયા છે. જો તેના કરતાં વધારે આવક હોય તો TDS કાપવામાં આવે છે.

જો તમારી કુલ આવક ટેક્સ હેઠળ ન આવતી હોય તો શું કરવું?
જો તમારા સેવિંગ અકાઉન્ટ, FD અથવા RDમાંથી વાર્ષિક વ્યાજની આવક 10 હજાર રૂપિયાથી વધુ હોય, પરંતુ કુલ વાર્ષિક આવક (વ્યાજની આવક સહિત) એટલી હદે ન હોય, જ્યાં એની પર ટેક્સ લાગે તો બેંક TDS કટ નહીં કરે. તેના માટે સિનિયર સિટિઝને બેંકમાં ફોર્મ 15H અને અન્ય લોકોને ફોર્મ 15G સબમિટ કરાવવાનું રહેશે. ફોર્મ 15G અથવા ફોર્મ 15H એ સેલ્ફ ડિક્લેરેશન ફોર્મ છે. એમાં તમે એ જણાવી શકો છો કે તમારી આવક ટેક્સની લિમિટથી બહાર છે. જે કોઈપણ વ્યક્તિ આ ફોર્મ ભરે તેવા કિસ્સામાં ટેક્સની લિમિટથી બાકાત રાખવામાં આવે છે.​​​​​​​

TDS શું છે?
જો કોઈની કોઈ આવક હોય તો એ આવકમાંથી ટેક્સ કાપ્યા પછી જો વ્યક્તિને બાકીની રકમ આપવામાં આવે છે તો ટેક્સ તરીકે કાપવામાં આવેલી રકમને TDS કહેવામાં આવે છે. સરકાર TDS દ્વારા ટેક્સ ભેગો કરે છે. એ વિવિધ પ્રકારના આવક સ્ત્રોતો પર કાપવામાં આવે છે, જેમ કે પગાર, કોઈપણ રોકાણ અથવા કમિશન પરના વ્યાજ વગેરે. કોઈપણ સંસ્થા (જે TDSની લિમિટમાં આવે છે) જે ચુકવણી કરતી હોય તે TDS તરીકેની ચોક્કસ રકમ કાપે છે.