પરીક્ષા:આવતા વર્ષે 22 માર્ચે SSC જુનિયર એન્જિનિયર 2020ની પહેલા તબક્કાની પરીક્ષા લેવાશે, અરજી કરવાની છેલ્લી તારીખ 30 ઓક્ટોબર

સ્ટાફ સિલેક્શન કમિશન (SSC)એ જુનિયર એન્જિનિયર પરીક્ષા માટેનું નોટિફિકેશન બહાર પાડ્યું છે. દર વર્ષે યોજાતી આ પરીક્ષા દ્વારા કેન્દ્ર સરકારનાં વિભાગો/મંત્રાલયોમાં જુનિયર એન્જિનિયરની જગ્યાઓ માટે ભરતી કરવામાં આવે છે.

ઉમેદવારો આયોગની ઓફિશિયલ વેબસાઇટ પર જઈને પરીક્ષા માટે અરજી કરી શકે છે. પરીક્ષા બે તબક્કામાં લેવાશે. બીજા તબક્કાની તારીખ હજી જાહેર કરવામાં આવી નથી. પહેલા તબક્કા (પેપર -1)માં ક્વોલિફાઇ થનારા ઉમેદવારોને જ બીજા તબક્કા (પેપર -2)માં સામેલ થવાની તક આપવામાં આવશે.

અરજી 30 ઓક્ટોબર સુધી કરી શકાશે
નોટિફિકેશનમાં જણાવ્યાનુસાર, ઉમેદવારો 30 ઓક્ટોબરે રાત્રે 11:30 વાગ્યા સુધી પરીક્ષા માટે ઓનલાઇન અરજી કરી શકશે. ઓનલાઇન પરીક્ષા ફી ભરવાની આ છેલ્લી તારીખ હશે. જો તમે ચલણ દ્વારા ફી ચૂકવી રહ્યા હો તો 3 નવેમ્બર છેલ્લી તારીખ હશે.

ડિપ્લોમા ઉમેદવારો પણ અરજી કરી શકે છે
આ વર્ષે યોજાનારી ભરતી પરીક્ષામાં સિવિલ, ઇલેક્ટ્રિકલ, મિકેનિકલ એન્જિનિયરની જગ્યાઓ પર ભરતી થઈ રહી છે. આ બ્રાંચમાંથી કોઈપણ એન્જિનિયરિંગમાં ગ્રેજ્યુએશન કરી શકે છે. એન્જિનિયરિંગમાં 3 વર્ષનું ડિપ્લોમા કરનાર ઉમેદવારો પણ અરજી કરી શકે છે, જેમની પાસે સંબંધિત ફિલ્ડમાં 2 વર્ષનો કામ કર્યો હોવાનો અનુભવ છે.

વયમર્યાદા કેટલી છે?
પરીક્ષા દ્વારા કેન્દ્ર સરકારના 19 વિભાગમાં જુનિયર એન્જિનિયરોની ભરતી કરવામાં આવી રહી છે. વયમર્યાદા દરેક વિભાગ અનુસાર બદલાય છે. આ સૂચિમાં આપવામાં આવેલી વયમર્યાદા જનરલ કેટેગરીના ઉમેદવારો માટે છે.

પગાર
ઉમેદવારોનો પગાર 7મા પગાર ધોરણ મુજબનો રહેશે. જુનિયર એન્જિનિયર ગ્રુપ બી (નોન ગેઝેટેડ) પોસ્ટ છે. તેનું પગારધોરણ (35,400 - 1,12,400) રહેશે.

એક્ઝામ પેટર્ન (પેપર -1)
પહેલા તબક્કાની પરીક્ષા 22 માર્ચ, 2021થી 25 માર્ચ, 2021 સુધી રહેશે. પ્રથમ તબક્કા એટલે કે પેપર-1 200 માર્ક્સનું હશે. ઉમેદવારો પાસે 2 કલાકનો સમય રહેશે. 50 ગુણના પ્રશ્નો જનરલ અવેરનેસના રહેશે તેમજ, જનરલ ઇન્ટેલિજન્સ એન્ડ રીજનિંગ સેક્શનમાંથી 50 માર્ક્સના પ્રશ્નો પૂછવામાં આવશે. 100 ગુણના પ્રશ્નો જનરલ એન્જિનિયરિંગ સેક્શનના હશે. આ વિભાગ બધા ઉમેદવારો માટે સામાન્ય નહીં રહે. દરેક બ્રાંચનું પેપર અલગ હશે.