બેંક હોલિડે લિસ્ટ:સપ્ટેમ્બરમાં 12 દિવસ બેંક બંધ રહેશે, બેંકમાં કામ હોય તો રજાના આ દિવસો યાદ રાખો

સપ્ટેમ્બરમાં બેંકોમાં 12 દિવસ કામકાજ નહીં થાય તેનું કારણ એ છે કે મહિનામાં 2 શનિવાર (બીજો અને ચોથો) અને 4 રવિવારે બેંક બંધ રહેશે. તે ઉપરાંત RBIએ સપ્ટેમ્બરમાં દેશના વિવિધ રાજ્યોમાં બેંકો માટે 6 રજાઓ નક્કી કરી છે. અમે તમને આ વિશે જણાવી રહ્યા છીએ જેથી તમે સમાયંતરે બેંક સાથે સંબંધિત તમારા કામને વહેલી તકે પતાવી શકો.

બેંકમાં રજા સમયે ઓનલાઈન સેવાઓ ચાલુ રહેશે
જ્યારે પણ બેંકમાં રજા રહેશે ત્યારે ઓનલાઈન સેવાઓ સતત ચાલુ રહેશે. આ સેવાની મદદથી તમે કેટલાક ટ્રાન્ઝેક્શન સરળતાથી કરી શકશો. તે ઉપરાંત ATM સેવા પણ ચાલુ રહેશે.

આજથી સતત 4 દિવસ બેંક બંધ રહેશે
આજથી સતત 4 દિવસ બેંક બંધ રહેશે. આ મહિનાના છેલ્લા સપ્તાહમાં 28થી 31 ઓગસ્ટ સુધી બેંકોમાં કામકાજ નહીં થાય. 28 ઓગસ્ટે આ મહિનાનો ચોથો શનિવાર હોવાને કારણે બેંકની રજા રહેશે. 29 ઓગસ્ટે રવિવાર છે, જેના કારણે સમગ્ર દેશમાં બેંક બંધ રહેશે. તેમજ 30 ઓગસ્ટ 2021 શ્રી કૃષ્ણ જન્માષ્ટમીના કારણે મોટાભાગના શહેરોની બેંક બંધ રહેશે.