તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Utility
  • Special Offers On Home Loans Are Available During The Festival Season, With Several Banks Including SBI And Punjab National Bank Offering Low Interest Rates.

ઓફર:ફેસ્ટિવલ સિઝન પર હોમ લોન પર સ્પેશિયલ ઓફર્સ મળી રહી છે, SBI અને પંજાબ નેશનલ બેંક સહિત અનેક બેંકો ઓછા વ્યાજ દરે લોન આપી રહી છે

10 દિવસ પહેલા
  • SBIએ હોમ લોન માટે કોઈ પ્રોસેસિંગ ફી માફ કરવાની જાહેરાત કરી છે
  • PNB તેમના ગ્રાહકો માટે ફેસ્ટિવ બોનાન્ઝા ઓફર લઇને આવી છે

જો તમે આ ફેસ્ટિવલ સિઝનમાં તમે તમારું પોતાનું ઘર ખરીદવાનું વિચારી રહ્યા હો તો આ સમય તેના માટે યોગ્ય રહેશે. તહેવારની સિઝનને ધ્યાનમાં રાખીને દેશની ઘણી મોટી બેંકો હોમ લોન પર વિશેષ ઓફર આપી રહી છે. સ્ટેટ બેંક ઓફ ઇન્ડિયા (SBI), HDFC, ICICI બેંક, બેંક ઓફ બરોડા અને પંજાબ નેશનલ બેંક હોમ લોન પર ઘણી છૂટ આપી રહી છે.

બેંક ઓફ બરોડાની ફેસ્ટિવલ ઓફર
બેંક ઓફ બરોડા ફેસ્ટિવલ ઓફર હેઠળ હોમ લોનના કરન્ટ વ્યાજ દર પર 0.25% ડિસ્કાઉન્ટ આપી રહી છે. આ સિવાય બેંક પ્રોસેસ ફી પણ નહીં લે. બેંકમાં લોન ટ્રાન્સફર કરીને આ ઓફરનો પણ લાભ મેળવી શકાશે. બેંક ઓફ બરોડા વાર્ષિક 7.00થી 8.60%ના હોમ લોનના વ્યાજ દરની ઓફર કરી રહી છે. આની પર તમને ફેસ્ટિવલ ઓફરનો ફાયદો મળશે.

PNBની નવી ઓફર
પંજાબ નેશનલ બેંક (PNB) તેના ગ્રાહકોને ફેસ્ટિવ બોનાન્ઝા ઓફર લઈને આવી છે. આ ઓફર હેઠળ બેંક હોમ લોન પર તમામ પ્રકારના અપફ્રંટ, પ્રોસેસિંગ ચાર્જ અને ડોક્યૂમેન્ટ્સ ચાર્જ નહીં લે. ગ્રાહકો 31 ડિસેમ્બર 2020 સુધી PNBની 10,897 બ્રાંચ અથવા ડિજિટલ ચેનલો દ્વારા આ ઓફરનો લાભ લઈ શકે છે. બેંક અત્યારે વાર્ષિક 7.10%થી 7.90% સુધીની હોમ લોન આપી રહી છે.

SBIની ઓફર
ભારતીય સ્ટેટ બેંક (SBI)એ હોમ લોન પરની પ્રોસેસિંગ ફી માફ કરવાની જાહેરાત કરી છે. જો તમે કોઈ ઘર ખરીદતા હો તો તમારે કોઈ પ્રોસેસિંગ ફી ચૂકવવાની જરૂર નથી. પરંતુ આ માટે ગ્રાહકોએ બેંકની એપ્લિકેશન YONO દ્વારા અરજી કરવાની રહેશે. SBIએ જણાવ્યું કે, તે ગ્રાહકોને 10BPS એટલે કે 0.10% ના વ્યાજમાં વિશેષ છૂટ આપશે, જેનો સ્કોર સારો રહેશે. જો કે, તે લોનની રકમ પર પણ નિર્ભર રહેશે. SBI વાર્ષિક 6.95%થી 7.95% સુધીની હોમ લોન આપી રહી છે.

HDFC બેંક 'ફેસ્ટિવ ટ્રીટ્સ' ઓફર
HDFC બેંકે તેના ગ્રાહકો માટે 'ફેસ્ટિવ ટ્રીટ્સ 2.0' લોન્ચ કર્યું છે. આ અંતર્ગત ગ્રાહકોને પ્રોસેસિંગ ફીમાં છૂટ અને લોન પર EMI સાથે કેશબેક, ગિફ્ટ વાઉચર અને અન્ય ઘણા ફાયદા પણ મળશે. હોમ લોન વાર્ષિક 6.95%થી 7.65%ના વ્યાજ દરે મળી રહી છે.

ICICI બેંકની 'ફેસ્ટિવ બોનાન્ઝા' ઓફર
ICICI બેંકે 'ફેસ્ટિવ બોનાન્ઝા' લોન્ચ કર્યું છે, જેમાં ઘણી ઓફર્સ મળી રહી છે. આ અંતર્ગત, વ્યાજના દર 6.90%થી શરૂ થાય છે અને પ્રોસેસિંગ ફી 3,000 રૂપિયાથી શરૂ થાય છે.

તેથી જ હવે ઘર ખરીદવું ફાયદાકારક રહેશે

કોરોનાકાળમાં પ્રોપર્ટીના ભાવ ઘટ્યા
કોરોના રોગચાળાને કારણે હાઉસિંગ પ્રોપર્ટીના વેચાણમાં ભારે ઘટાડો થયો છે. જુલાઈ-સપ્ટેમ્બર ત્રિમાસિક ગાળા દરમિયાન ભારતના ટોપ સાત શહેરોમાં વેચાણ 46%ના ઘટાડા સાથે 29,520 યૂનિટ્સ પર આવી ગયું છે. પ્રોપર્ટી કન્સલ્ટન્ટ એનારોકના રિપોર્ટ અનુસાર, કોરોના રોગચાળાને કારણે હાઉસિંગ પ્રોપર્ટીની માગમાં ઘટાડો થયો છે. ગત વર્ષના સમાન ગાળામાં આ સાત શહેરોમાં મકાનોનું વેચાણ 55,080 યૂનિટ રહ્યું હતું. આ કારણોસર, આ સમયે નીચા ભાવે સારી પ્રોપર્ટી મળી શકે છે.

પ્રોપર્ટી રજિસ્ટ્રેશનમાં ડિસ્કાઉન્ટ મળી રહ્યું છે
કોરોનાકાળના કારણે લોકો નવી પ્રોપર્ટી ખરીદવામાં અચકાઈ રહ્યા છે. આ જોતાં મધ્યપ્રદેશ, મહારાષ્ટ્ર અને કર્ણાટક સહિત અન્ય રાજ્યોએ મિલકત વ્યવસાયને વેગ આપવા રજિસ્ટ્રેશન ફીમાં બે થી ત્રણ ટકાની મુક્તિની જાહેરાત કરી છે. આને કારણે મિલકતની ફાઇનલ કોસ્ટ પણ ઘટી છે.

સબસિડી મળી રહી છે
વડાપ્રધાન આવાસ યોજના હેઠળ જો તમે પહેલીવાર ઘર લઈ રહ્યા હો તો સરકાર હોમ લોનના વ્યાજ પર 2.67 લાખ રૂપિયા સુધીની સબસિડી આપે છે. જો તમે સસ્તું મકાન ખરીદવાનું વિચારી રહ્યા હો તો આ યોજના દ્વારા તમે આ અધૂરા કામને પૂરું કરી શકો છો. આ માટે 31 માર્ચ 202 થી અરજી કરી શકાશે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે કોઇ સમાજ સેવા કરતી સંસ્થા કે કોઇ પ્રિય મિત્રની મદદમાં સમય પસાર થશે. ધાર્મિક તથા આધ્યાત્મિક કાર્યોમાં પણ તમારો રસ જળવાશે. યુવા વર્ગ પોતાની મહેતન પ્રમાણે શુભ પરિણામ પ્રાપ્ત કરશે. તમારા લક્...

વધુ વાંચો