વર્લ્ડ બુક ડે પર વિશેષ:સ્પેનનું ઉરુએના ગામ એટલે પુસ્તકોનું ઘર, પુસ્તકોનું આ વિશ્વ જોઈને પ્રવાસીઓ પણ થઇ જાય છે આશ્ચર્યચકિત

જ્યારે તમે બજારમાં જતા હોવ ત્યારે તમે બુક સ્ટોર્સ જોયા હશે, જે થોડા અંતરે આવેલા છે. શું તમે ક્યારેય પુસ્તકોનું ઘર જોયું છે? સ્પેનના ઉત્તર-પશ્ચિમમાં આવેલું ઉરુણના ગામ બિલકુલ એવું જ છે. આ ગામ તદ્દન જુદું જ છે. વર્લ્ડ બુક ડે પર આજે જાણો ઉરુણના ગામમાં શું છે વિશેષ?

અહીંની વસ્તી માત્ર 100 લોકોની છે અને તેમાંથી માત્ર 9 વિદ્યાર્થીઓ જ શાળામાં અભ્યાસ કરે છે. સૌથી મહત્વની વાત એ છે કે, આ નાનકડા ગામમાં 11 બુકશોપ છે. લોકોએ પુસ્તકોના મકાનો બનાવ્યા છે. ખરબચડા રસ્તા અને 12મી સદીની ઇમારતોની વચ્ચે વસેલા આ ગામમાં જો કોઈ દુકાન હોય તો તે માત્ર એક બુકશોપ છે.

પ્રવાસીઓને આ ગામ પ્રત્યે છે વિશેષ લાગણીઓ
અહીં ફરવા આવતા તમામ પ્રવાસીઓ પુસ્તક વાંચ્યા વગર આ સ્થળેથી જતા નથી. નવાઈની વાત એ છે કે આ ગામની સુંદર પહાડીઓ પર સૂર્યમુખી અને જવના પાકને જોવા કરતાં પુસ્તકોની આ દુનિયા જોઈને પ્રવાસીઓ વધુ ચોંકી જાય છે. આ ગામમાંથી પસાર થતા પ્રવાસીઓ પણ પુસ્તકો વાંચીને આગળ વધતાં અહીં જ અટકી જાય છે.