ફૂડ-પોઇઝનિંગ પાછળ ઓનલાઇન ફૂડ જવાબદાર!:કેન્સર, મિસકેરેજ ને ડાયાબિટીસનું જોખમ, ફૂડ-પોઇઝનિંગને કારણે મોત પણ થઈ શકે છે

5 દિવસ પહેલા
  • કૉપી લિંક

કેરળની 20 વર્ષની એક છોકરીનું મોત ઓનલાઇન ઓર્ડર કરેલા ખોરાકને લીધે થયું છે. આપણે પણ ઘણીવાર ઓનલાઇન ઓર્ડર કરીએ છીએ, જેને કારણે બીમાર પણ પડીએ છીએ અને ફૂડ-પોઇઝનિંગની પણ થઈ શકે છે. આજે કામના સમાચારમાં જાણીશું કે વગર વિચાર્યે બહારનો ખોરાક ખાવાથી શું નુકસાન થાય છે, કેવી રીતે ખબર પડે છે કે ફૂડ-પોઈઝનિંગ થયું છે અને શું ઉપાય કરી શકાય...

આપણા આજના નિષ્ણાત ડૉ. બાલકૃષ્ણ, કન્સલ્ટન્ટ, ફિઝિશિયન અને હાર્ટ સ્પેશિયાલિસ્ટ છે.

સવાલ : ફૂડ-પોઇઝનિંગનાં લક્ષણો શું છે?
જવાબ : નીચે આપેલા લક્ષણોથી તમે સરળતાથી જાણી શકો છો કે ફૂડ-પોઈઝનિંગ છે કે નહિ...

  • પેટમાં દુખાવો
  • ઝાડા
  • ઊલટી
  • ઊબકા
  • તાવ
  • ડિહાઇડ્રેશન

આ લક્ષણો જોવા મળે તો લાપરવાહી ન કરીને તરત જ ડોકટરનો સંપર્ક કરો.

સવાલ : ફૂડ-પોઈઝનિંગને કારણે મોત થી શકે છે?
જવાબ : ફૂડ-પોઈઝનિંગથી ક્યારેક ઝાડા, કમળો અને મરડો પણ થઇ શકે છે. જો સમયસર એને કાબૂમાં લેવામાં ન આવે તો મૃત્યુ પણ થઈ શકે છે. લોકો ઘણીવાર ફૂડ-પોઈઝનિંગની અવગણના કરે છે. ફૂડ-પોઈઝનિંગ પણ આંતરડાના અલ્સરનું કારણ બની શકે છે.

સવાલ : જો ફૂડ-પોઇઝનિંગ થયું હોય તો શું ઉપાય કરવા જોઇએ?
જવાબ : જો ફૂડ-પોઇઝનિંગ થયું હોય તો...

  • આરામ કરો અને વધારે ભાગદોડ ન કરો.
  • પુષ્કળ પાણી પીઓ, જેથી શરીરમાં પાણીનું લેવલ જળવાઈ રહે.
  • ખીચડી, કેળાં, દાળ જેવો હળવો ખોરાક લો.
  • ORS પાણી પીતા રહો.

જો તમારી આ સ્થિતિ જોવા મળે તો ડોક્ટરનો સંપર્ક કરો...

  • જો તમને સતત ઊલટીઓ થાય છે.
  • 3-4 દિવસ પછી પણ સ્થિતિમાં કોઈ સુધારો થયો ન હોય.
  • ડિહાઇડ્રેશનને કારણે આંખોમાં બળતરા થાય છે અને પેશાબમાં સમસ્યા થતી હોય એ સ્થિતિમાં.
  • જેને ફૂડ-પોઈઝનિંગ થયું છે તે મહિલા ગર્ભવતી છે.
  • 60 વર્ષથી વધુ ઉંમરની વ્યક્તિ અથવા બાળકને ફૂડ-પોઈઝનિંગ થયું છે.
  • ડાયાબિટીસ અથવા કિડની સંબંધિત કોઈ બીમારી છે.
  • રોગપ્રતિકારક શક્તિ નબળી છે.

સવાલ : બહારથી જમવાનું મગાવવું કે બહાર જમવા જવાનું થાય તો શું સાવચેતી રાખવી જોઈએ?

જવાબ : આમ તો બહારનો ખોરાક ખાવો નુકસાનકારક જ છે. આમ છતાં પણ જો તમે બહારથી જમવાનું મગાવો છો તો સાવધાની રાખવી જરૂરી છે...

  • હંમેશાં યાદ રાખો કે લોકપ્રિય અને વિશ્વસનીય હોટલમાંથી જ ખોરાકનો ઓર્ડર આપવો.
  • તો એવી જગ્યાઓ પર જમવા જાઓ, જ્યાં સ્વચ્છતાનું ધ્યાન રાખવામાં આવતું હોય.
  • સારી રીતે રાંધેલા ખોરાકનો જ ઓર્ડર આપો.
  • જો તમે બુફેમાં જમવા માટે જાઓ છો, તો તાપમાનનું ધ્યાન રાખો. ઠંડો ખોરાક ક્યારે પણ ન ખાવો.
  • જો તમે ઘરે ખાવાનું મગાવ્યું હોય અને બચ્યું હોય તો તરત જ એને ફ્રિજમાં મૂકી દો.
  • ખાતરી કરો કે તમને જે ખોરાક પીરસવામાં આવ્યો છે એ તાજું રાંધેલું છે.
  • કાપેલાં ફળો અને શાકભાજીને ખરીદશો નહીં.
  • ઘરની બહાર ઓછામાં ઓછું માંસાહારી ખોરાક ખાઓ.
  • વરસાદની મોસમમાં સ્ટ્રીટ ફૂડ ખાવાનું ટાળો.
  • ડીપ-ફ્રાઈડ વસ્તુઓમાં તેલ બગડવાનું જોખમ વધારે રહે છે.

સવાલ : ઘરના ખોરાકનો ટેસ્ટ બહાર જેવો નથી આવતો, શું આવી કોઈ ટ્રિક્સ છે, જેમાં બાળકો બહારની જગ્યાએ ઘરનો ખોરાક જ ખાવા લાગે?
જવાબ : બાળકો ઘણીવાર બહારનો ખોરાક ખાવાનું પસંદ કરે છે, જે તેમના સ્વાસ્થ્ય માટે સારું નથી. બાળકોને ઘરે હેલ્ધી ફૂડ ખવડાવવા માટે તમે આ ટ્રિકસ પણ અપનાવી શકો છો...

  • તમે જે પણ બનાવી રહ્યા છો એ બાળકોની સામે જ તમે ખાઇને એક ઉદાહરણ સેટ કરો.
  • ઘરમાં પ્રિઝર્વેટિવ્સ સાથે ચિપ્સ, સોડા અને જ્યૂસ રાખવાને બદલે ફળો અને શાકભાજી જેવા હેલ્ધી વિકલ્પો રાખો.
  • દિવસમાં ઓછામાં ઓછું બેવાર આખા પરિવારે સાથે બેસીને ભોજન અચૂક કરવું જોઈએ.
  • જો તમે ઘર માટે કરિયાણું ખરીદવા જઈ રહ્યા છો તો બાળકને સાથે લઈ જાઓ. રસોઈમાં પણ બાળકોની મદદ લો.
  • ખાવાનો સમય નિશ્ચિત કરો, જેથી કરીને તેમને બિનજરૂરી ભૂખ ન લાગે.
  • જંક ફૂડને ફ્રિજમાં કે રસોડામાં રાખવાની ભૂલ ન કરો.
  • જો બાળક નાનું હોય તો તેને એવી વસ્તુઓ ખવડાવો, જે જોવામાં રંગ-બેરંગી હોય.
  • કોઈપણ કંટાળાજનક ખોરાકને પણ નવી રીતે બનાવીને બાળકોને ખવડાવી શકાય છે. ઉદાહરણ તરીકે, દાળમાં શાકભાજી ઉમેરી શકાય છે.
  • બર્ગર, પિત્ઝા, પાસ્તા ઘરે બનાવો. મેંદા બેઝને બદલે આખા ઘઉંનો આધાર વાપરી શકાય છે.

સવાલ : જે લોકો આખો દિવસ બહાર રહે છે ને બહારનો ખોરાક સિવાય કોઈ વિકલ્પ ન હોય ત્યારે શું કરવું જોઈએ?
જવાબ : કોઈપણ પ્રકારનું કામ કરવાનું હોય, પરંતુ હેલ્ધી ખાવું ખૂબ જ જરૂરી છે. ઘણા એવાં કામો છે જેમાં દિવસનો મોટા ભાગનો સમય બહાર જ પસાર થાય છે. ઉદાહરણ તરીકે, પોલીસ, પત્રકારો અને સેલ્સમેન.
ફિલ્ડમાં કામ કરતી વખતે હેલ્ધી રહેવા આ 7 ટિપ્સ અનુસરો...

  • નાસ્તા માટે ઘરેથી કંઈક પેક કરો, જેમ કે ફ્રૂટ્સ કે ડ્રાયફ્રૂટ્સ પણ લઈ શકાય.
  • ઘરની બહાર નીકળતાં પહેલાં સંતુલિત આહાર ખાઓ.
  • જો તમે બહારની વસ્તુ ખાઓ છો, તો વધુ ચરબીયુક્ત, તળેલું અથવા મસાલેદાર ખોરાક ઓછામાં ઓછા ખાઓ.
  • કેફીન ઓછું કરો અને પુષ્કળ પાણી પીઓ.
  • જો તમે કોઈ વસ્તુ પેક કરી ખાતા હોવ તો એના પોષણ મૂલ્ય વિશે ચોક્કસ વાંચો.
  • ઠંડાં પીણાં કે સોડાને બદલે તાજો જ્યૂસ પીવો.