તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Utility
  • People On A Vegetarian Diet Have A Lower Risk Of Serious Corona Infections, But Also Need Omega 3 Fatty Acids For Strong Immunity.

વેજ Vs નોનવેજ:વેજિટેરિયન ડાયટ લેતા લોકોમાં કોરોનાનાં ગંભીર સંક્રમણનું જોખમ ઓછું, પરંતુ મજબૂત ઈમ્યુનિટી માટે ઓમેગા-3 ફેડી એસિડ પણ જરૂરી છે

3 મહિનો પહેલા

કોરોનાવાઈરસ સંક્રમણથી બચવા માટે લોકો તમામ પ્રકારના પ્રયાસ કરી રહ્યા છે. તેનાથી બચવા માટે સૌથી જરૂરી છે મજબૂત ઈમ્યુન સિસ્ટમ અને તેના માટે ન્યૂટ્રિશનવાળી વસ્તુઓ ખાવી જરૂરી છે. કેમ કે, આપણા ખાવાની આદતની સીધી અસર આપણા હેલ્થ, શરીરના ફંક્શન અને ઈમ્યુન સિસ્ટમ પર પડે છે.

સાયન્ટિસ્ટે કોવિડ-19 અને ડાયટની વચ્ચેની કડી શોધવાનો પ્રયાસ શરૂ કરી દીધો છે. તેમનું કહેવું છે કે, હેલ્ધી બોડી અને મજબૂત ઈમ્યુન સિસ્ટમ માટે ઘણા પ્રકારના પોષક તત્ત્વોની જરૂર હોય છે. બ્રિટનના સાઉથેમ્પટન યુનિવર્સિટીના ન્યુટ્રિશન ઈમ્યુનોલોજિસ્ટ ફિલિપ કેલ્ડર જણાવે છે કે, કોવિડ-19થી બચવા માટે કોઈપણ એક ન્યૂટ્રિશન કોઈ જાદુઈ પિલ્સની જેમ કામ કરશે નહીં.

વેજિટેરિયન લોકોમાં કોવિડનું ગંભીર સંક્રમણનું જોખમ ઓછું
મે મહિનામાં બીએમજે મેડિકલ જર્નલમાં પ્રકાશિત કરવામાં આવેલી એક સ્ટડીના અનુસાર, વેજિટેરિયન લોકોમાં અને ફળ-શાકભાજીની સાથે સીફૂડ લેતા લોકોમાં સરેરાશ ગંભીર કોવિડ સંક્રમણ થવાનું જોખમ તે લોકોની તુલનામાં ઘણું ઓછું હતું જે આ બંને પ્રકારની ડાયટ નથી લેતા માત્ર નોનવેજ ફૂડ (સીફૂડ સિવાયના તમામ પ્રકારના નોનવેજ) લે છે.

આ સ્ટડીમાં ફ્રાન્સ, જર્મની, ઈટાલી, સ્પેન, બ્રિટન અને અમેરિકાના 2,884 હેલ્થ કેર વર્કર સામેલ કરવામાં આવ્યા હતા.

વેજિટેરિયન લોકોમાં કોરોનાના ગંભીર સંક્રમણનું જોખમ 73% ઓછું
વેજિટેરિયન લોકોમાં ગંભીર કોવિડ સંક્રમણનું જોખમ 73 ટકા ઓછું હતું. શાકાહારી અને સીફૂડ ખાતા લોકોમાં સંક્રમણનું જોખમ 59 ટકા સુધી ઓછું હતું. લો કાર્બોહાઈડ્રેટ અને હાઈ પ્રોટીનવાળી ડાયટ લેતા લોકોમાં સરેરાશ રીતે ગંભીર સંક્રમણનું જોખમ વેજિટેરિયન લોકોની તુલનામાં ત્રણ ગણું વધારે હતું.

વૈજ્ઞાનિકોએ ઉંમર, લિંગ, કાસ્ટ, મેડિકલ સ્પેશયાલિટી, બોડી માસ ઈન્ડેક્સ, મેડિકલ કન્ડીશન, ધૂમ્રપાન અને એક્સર્સાઈઝ જેવી લાઈફસ્ટાઈલ સાથે સંબંધિત ફેક્ટરોને પણ ધ્યાનમાં રાખીને સ્ટડી કરી હતી. તેમ છતાં તેની કેટલીક લિમિટેશન હતી, તેમાં 70 ટકાથી વધારે વોલેન્ટિયર્સ પુરુષો હતા અને 95 ટકા ડૉક્ટર હતા. સ્ટડીમાં બીજા પ્રભાવશાળી ફેક્ટર્સ સામેલ કરવામાં નથી આવ્યા જેમ કે સ્ટ્રેસ, ઊંઘ.

ઈમ્યુન સિસ્ટમને ઘણી વસ્તુઓ અસર કરે છે
કેલ્ડર જણાવે છે કે, ઘણી વસ્તુઓ લોકોની ઈમ્યુન સિસ્ટમને અસર કરે છે અને ડાયટમાં તેમાંથી માત્ર એક વસ્તુ છે.

સ્ટડીમાં સામેલ 568 કોવિડ કેસમાં માત્ર 298 લોકોનો PCR અથવા એન્ટિબોડી ટેસ્ટ પોઝિટિવ આવ્યા હતા. બાકીના કેસમાં કોવિડના સામાન્ય લક્ષણ જોવા મળ્યા હતા.

કોવિડ-19નો સામનો કરવા માટે કેવું ડાયટ જરૂરી
સ્ટડીમાં પણ ડાયટ સંબંધિત કેટલીક વસ્તુઓ સામે આવી જે WHOએ પહેલા જ જણાવી છે. લોકોને માઇક્રોન્યૂટ્રિયન્ટ અને મેક્રોન્યૂટ્રિયન્ટની -બંનેની જરૂરિયાત હોય છે. આમાંના મોટાભાગના પોષક તત્ત્વો ફક્ત શાકાહારી ખોરાકમાંથી જ મળી જાય છે.

માઇક્રોન્યૂટ્રિયન્ટ એટલે કે વિટામિન અને મિનરલ. આ વસ્તુ આપણા શરીરના સરળ સંચાલન અને ઈમ્યુન સિસ્ટમને મજબૂત કરવા માટે ઉપયોગી છે.

મેક્રોન્યૂટ્રિયન્ટ આપણને એનર્જી આપે છે જેનાથી બોડીના તમામ ફંક્શન કોઈપણ અડચણ વગર કામ કરે છે. મોટાભાગે એને ત્રણ ગ્રુપમાં વહેંચી શકાય છેઃ કાર્બોહાઇડ્રેટ, પ્રોટીન, ફેટ.​​​

WHO, ઘણા પ્રકારના ફળ, શાકભાજી, બીન્સ (જેમ કે, દાળ, ચણા, કઠોળ, વટાણા), નટ્સ ,આખું અનાજ (જેમ કે, બ્રાઉન રાઈસ, ઓટ્સ, બાજરી, જુવાર) અને એનિમલ સોર્સ ફૂડ જેવી ડાયટ લેવાની સલાહ આપે છે.

WHOના અનુસાર, લોકોએ દરરોજ ઓછામાં ઓછા 400 ગ્રામ ફળો અને શાકભાજી ખાવા જોઈએ.

શું ન ખાવું જોઈએ તેના પર ધ્યાન આપવું પણ જરૂરી છે
દિવસમાં 12 ચમચીથી વધારે ખાંડ ન લેવી જોઈએ. દિવસમાં માત્ર છ ચમચી ખાંડ હેલ્થ માટે પર્યાપ્ત છે. આ 6 ચમચીમાં પણ તમારા ખોરાક અને ડ્રિંકમાંથી મળતી સુગર સામેલ છે. જો કે, ફળો અને શાકભાજીમાંથી મળતી સુગર તેમાં સામેલ નથી. તે સિવાય દિવસમાં માત્ર એક ચમચી મીઠું ખાવું જોઈએ.

ઓમેગા- 3 ખાવાથી કોવિડનું જોખમ ઘટી જાય છે
કોવિડ-19 સંક્રમણનું જોખમ ઓછું કરવા માટે અન્ય પોષક તત્વો જરૂરી છે અને તે છે ઓમેગા-3 ફેટી એસિડ. આપણા શરીરને ત્રણ પ્રકારના ઓમેગા (ALA,DHA,અને EPE)ની જરૂર હોય છે.

ઓમેગા ALA મુખ્ય રીતે છોડના તેલ અને બીયામાં જોવા મળે છે, જેમ કે, ચિયા, અળસી અને કેનોલાનું તેલ. DHA અને EPE માત્ર માછલીઓ અને કેટલા પ્રકારના એલ્ગી એટલે કે શેવાળમાં જોવા મળે છે. શાકાહારી અને વીગન ડાયટ લેતા લોકો એલ્ગીથી બનેલી સપ્લિમેન્ટ લઈને ઓમેગાની આ જરૂરિયાત પૂરી શકે છે. માછલીઓ શેવાળ ખાય છે અને તેથી તેમનામાં ઓમેગા-3 ભરપૂર પ્રમાણમાં હોય છે.

કોરોનાનાં ગંભીર દર્દીઓને ઓમેગા-3 લેવાથી શ્વાસ અને કિડની સંબંધિત સમસ્યાઓથી પણ રાહત મળી
ઈરાનના સંશોધકોએ શોધી કાઢ્યું કે ઓમેગા-3 કોવિડ-19ની સામે લડવામાં મુખ્ય રોલ નિભાવે છે. આ વર્ષે માર્ચમાં જર્નલ ઓફ ટ્રાન્સલેશન મેડિસિનમાં પ્રકાશિત કરવામાં આવેલી એક સ્ટડીના અનુસાર, ગંભીર રીતે બીમાર કોવિડ-19ના જે દર્દીઓને હોસ્પિટલમાં દાખલ કર્યા બાદ બે સપ્તાહ સુધી 400 મિલીગ્રામ EPA અને 200 ગ્રામ DHAવાળી 1000 મિલીગ્રામ ઓમેગા-3 સપ્લિમેન્ટ આપવામાં આવી, તેમાં એક મહિના બાદ 21 ટકાનો સર્વાઈલ રેટ જોવા મળ્યો.

આ ડાયટથી કોવિડના ગંભીર દર્દીઓને શ્વાસ અને કિડની સંબંધિત સમસ્યાઓમાં પણ સુધારો જોવા મળ્યો. જો કે, સંશોધકોનું કહેવું છે કે, આ વિશે વધુ સ્ટડી કરવાની જરૂર છે.

સુક્ષ્મસજીવો આપણા પેટમાં રહે છે
જ્યારે તમે ખાવાનું ખાવ છો તો શરીરમાં રહેલા માઈક્રોબાયોમ એટલે કે બેક્ટેરિયા, ફંગસ,પરોપજીવી અને વાઈરસ જેવા સુક્ષ્મસજીવોને પણ ખાવાનું મળે છે. તેમાંથી સૌથી વધારે સંખ્યામાં સુક્ષ્મસજીવો આપણા પેટમાં રહે છે.

ડાયટ નક્કી કરે છે કે કયા પ્રકારના સૂક્ષ્મજીવો આંતરડામાં રહેશે
બ્રિટનના મેનચેસ્ટર યુનિવર્સિટીમાં ઈમ્યુનોલોજિસ્ટ શીના ક્રૂઈકશાંક જણાવે છે કે, આ સુક્ષ્મસજીવો ઘણા કામ કરે છે. જેમ કે- ખાવાનું પચાવવામાં મદદ કરે છે, શરીર માટે ઘણા જરૂરી વિટામિન તૈયાર કરે છે, ઈન્ફેક્શનથી બચાવે છે અને આપણીઈમ્યુનિટીને મજબૂત બનાવે છે.

ક્રૂઈકશંક જણાવે છે કે, માઈક્રોબાયોમ પેટના બાહ્ય ધારના કોષોને મજબૂત બેરિયર તરીકે ઢાળીને ત્યાં ઉદભવતા સૂક્ષ્મજંતુઓથી આપણને સુરક્ષિત કરે છે. તે બાહ્ય જંતુઓથી પણ બચાવે છે. તમારી ડાયટ એ નક્કી કરવામાં પણ મુખ્ય ભૂમિકા નિભાવે છે કે કયા પ્રકારના સુક્ષ્મસજીવો તમારા આંતરડામાં રહે છે.

રેસિસ્ટન્ટ સ્ટાર્ચ જેવા ફાઈબર- પાકેલા પરંતુ ઠંડા બટેટા અને ચોખા, બીન્સ અથવા દાળ- સારા બેક્ટેરિયાનું ભોજન એકત્રિત કરવામાં મદદ કરે છે. પ્રોબાયોટિક ફૂડમાં જીવિત લાભાકારી બેક્ટેરિયા હોય છે અને તે પણ મદદ કરી શકે છે. યીસ્ટ યુક્ત ખાવામાં કેફિર, દહીં, કીમચી, મિઝો, કોબીનું અથાણું, અન્ય શાકભાજીઓના અથાણા, ટેમ્પેહ અને કોમ્બુચા ટી જેવી વસ્તુઓ સામેલ છે.

આ તમામ વસ્તુઓ તમારા પેટને સ્વસ્થ રાખે છે અને તે જ સ્વસ્થ પેટની મદદથી કોવિડ-19ની સામે લડવામાં તમારી ઈમ્યુન સિસ્ટમ મજબૂત બને છે.