• Gujarati News
  • Utility
  • Overuse Of Painkillers Can Lead To Chronic Kidney Disease, Which Can Be Fatal If Not Treated In Time

વર્લ્ડ કિડની કેન્સર ડે:વધારે પડતી પેન કિલર દવા લેવાથી ક્રોનિક કિડની ડિસીઝ થઈ શકે છે, જો સમયસર સારવાર ન મળે તો તે જીવલેણ બની શકે છે

4 મહિનો પહેલા
  • કૉપી લિંક

કિડની એ આપણા શરીરનું એક મહત્ત્વપૂર્ણ અંગ છે અને તે યોગ્ય રીતે કામ ન કરે તો જીવનું જોખમ પણ થઈ શકે છે. વર્લ્ડ કિડની કેન્સર ડે નિમિત્તે બિરલા હોસ્પિટલના નેફ્રોલોજી અને ડાયાલિસિ ડિપાર્ટમેન્ટના ડૉ. મોહિત ખિરબત જણાવે છે કે કિડની ન માત્ર પાણીનું બેલેન્સ કરી, વેસ્ટ મટિરિયલને શરીરમાંથી બહાર કાઢે છે પરંતુ એવા હોર્મોન પણ પ્રોડ્યુસ કરે છે જે બ્લડ પ્રેશર કંટ્રોલ કરવા, રેડ બ્લડ સેલ્સ બનાવવા અને હાડકાંને મજબૂત કરવામાં મદદ કરે છે.

ક્રોનિડ કિડની ડિસીઝની અસર બંને કિડની પર થાય છે
કિડની ડેમેજ થવાથી અથવા કિડનીના ફંક્શનિંગ કમજોર થઈ જવાના ત્રણ મહિના બાદ ક્રોનિક કિડની ડિસીઝ થઈ શકે છે. તેની સીધી અસર બંને કિડની પર થાય છે, પરંતુ વહેલી તકે નિદાન કરીને તેની સારવાર થઈ શકે છે. ડૉક્ટર મોહિતના જણાવ્યા પ્રમાણે- ક્રોનિક કિડની ડિસીઝ કરતાં વધારે ગંભીર બીમારી છે કિડની કેન્સર. આ એક એવી બીમારી છે જેમાં કિડનીના કોષો કામ નથી કરતા અને અસામાન્ય રીતે વધીને ટ્યુમર બનાવે છે. લગભગ તમામ કિડનીના કેન્સર, કિડનીના નાના ટ્યુબલેસની લાઈનિંગમાં જોવા મળે છે.

કિડની ડેમેજ થવાથી વેસ્ટ મટિરિયલ અને ફ્લૂડ શરીરમાં જમા થવા લાગે છે
ડૉ. મોહિતના જણાવ્યા પ્રમાણે, ડાયાબિટીસ અને હાઈ બ્લડ પ્રેશરના લોકોમાં કિડનીની બીમારી થવાનું જોખમ વધારે હોય છે. તે સિવાય મેદસ્વિતા, પરિવારમાં કોઈને પહેલાથી કિડનીની બીમારી હોવી, લાંબા સમય સુધી પેન કિલર લેતા લોકોમાં અથવા હૃદયની બીમારીનો સામનો કરી રહેલા લોકોમાં કિડનીની બીમારીનું જોખમ વધારે રહે છે. કિડનીની બીમારી બ્લડને સાફ કરીને, બ્લડમાંથી એક્સ્ટ્રા પાણીને ફિલ્ટર કરવા અને બ્લડ પ્રેશર કંટ્રોલ કરવામાં શરીરની ક્ષમતાને અસર કરી શકે છે. જ્યારે કિડની ડેમેજ થઈ જાય છે તો વેસ્ટ મટિરિયલ અને ફ્લૂડ શરીરમાં જમા થવા લાગે છે. આવી સ્થિતિમાં જો સમયસર સારવાર ન કરવામાં આવે તો આ નુકસાન જોખમી બને છે અને કિડની કામ કરવાનું બંધ કરી દે છે.

કિડનીની બીમારીની સારવાર
કમજોર ફંક્શનિંગના કારણે કિડન જો વેસ્ટ મટિરિયલને શરીરમાંથી બહાર નથી કાઢી શકતી તો આવા સ્ટેજમાં ડૉક્ટર ડાયાલિસિસની સલાહ આપી શકે છે...

ડાયાલિસિસઃ જ્યારે કિડની યોગ્ય રીતે કામ ન કરી શકે તો ડાયાલિસિસ દ્વારા શરીરમાંથી વેસ્ટ મટિરિયલ અને એક્સ્ટ્રા ફ્લૂડ બહાર કાઢવામાં આવે છે. તે બે પ્રકારનું હોય છે.

હીમોડાયાલિસિસઃ તેને ડાયાલિસિસનું સૌથી સરળ સ્વરૂપ માનવામાં આવે છે. તેમાં ડાયાલિસિસ મશીન અને ડાયલાઈઝર (સ્પેશિયલ ફિલ્ટર)નો ઉપયોગ કરીને દર્દીના બ્લડને સંપૂર્ણ રીતે સાફ કરવામાં આવે છે.

પેરિટોનિયલ ડાયાલિસિસઃ પેરિટોનિયલ ડાયાલિસિસમાં ડૉક્ટર દર્દીના પેટના નીચેના ભાગમાં એક નળી નાખે છે જે કિડની સુધી પહોંચે છે, તેનાથી બ્લડને સાફ કરવામાં આવે છે. ત્યારબાદ ડાયાલિસેટ પેટની અંદર નાખવામાં આવે છે અને તે થોડીવાર સુધી પેટમાં રહે છે. તે પેટ અને કિડનીની આસપાસ હાજર નકામા તત્ત્વોને શોષી લે છે ત્યારબાદ તેને બહાર કાઢી લેવામાં આવે છે.

કિડની ટ્રાન્સપ્લાન્ટઃ આ પ્રોસેસમાં કોઈ સ્વસ્થ કિડની ડોનરની કિડનીને દર્દીની અંદર ટ્રાન્સપ્લાન્ટ કરવામાં આવે છે. ત્યારબાદ થોડા દિવસ સુધી દવાઓ પણ લેવી પડશે જેથી શરીર નવી કિડનીને રિજેક્ટ ન કરી શકે.​​​​​​​

ક્રોનિક કિડની ડિસીઝના દર્દીઓએ પોતાની લાઈફસ્ટાઈલમાં આ ફેરફાર કરવો જોઈએ...

  • સ્મોકિંગ કરવાનું ટાળવું જોઈએ કેમ કે તેનાથી કિડનીના ફંક્શનિંગ વધારે કમજોર થવાનું જોખમ વધી જાય છે.
  • ક્રોનિક કિડની ડિસીઝના દર્દીઓએ હૃદયનું ધ્યાન રાખતા ડૉક્ટરની સલાહથી નિયમિત એક્સર્સાઈઝ કરવી જોઈએ.
  • ક્રોનિક કિડની ડિસીઝનું સામાન્ય કારણ હાઈ બ્લડ પ્રેશર હોય છે. તેથી બ્લડ પ્રેશર કંટ્રોલમાં રાખવા માટે તે ડાયટ લેવું જોઈએ જે ડૉક્ટરે જણાવ્યું હોય.
  • હાઈ બ્લડ ગ્લુકોઝ લેવલ ક્રોનિક કિડની ડિસીઝ માટે જોખમી હોઈ શકે છે. તેને કંટ્રોલ કરવું જરૂરી છે.