Gujarati News
Utility
One Dose Of The Vaccine Neutralizes The Delta Variant; AstraZeneca And Pfizer, Which Make Kovishield, Are Developing A Special Vaccine, With Trials Set To Begin In August.

કોરોના વેક્સિન પર મોટું રિસર્ચ:રસીનો એક ડોઝ ડેલ્ટા વેરિઅન્ટ પર બેઅસર; કોવીશિલ્ડ બનાવતી એસ્ટ્રાનેજેકા અને ફાઈઝર ખાસ વેક્સિન બનાવી રહી છે, ઓગસ્ટમાં ટ્રાયલ શરૂ થશે

2 વર્ષ પહેલા

કૉપી લિંક
વીડિયો

પ્રખ્યાત સાયન્સ મેગેઝિન નેચરમાં પ્રકાશિત ફ્રાન્સની પાશ્ચર ઈન્સ્ટિટ્યૂટના તાજેતરના રિસર્ચના અનુસાર, કોરોના વેક્સિનના એક ડોઝથી વાઈરસના બીટા અને ડેલ્ટા વેરિઅન્ટ પર સામાન્ય રીતે કોઈ અસર નથી થતી. આ રિસર્ચ એસ્ટ્રાજેનેકા અને ફાઈઝર-બાયોએનટેક વેક્સિન લેનાર લોકો પર કરવામાં આવ્યું. ભારતમાં એસ્ટ્રાનેજેકાની વેક્સિન કોવીશિલ્ડ નામથી સીરમ ઈન્સ્ટિટ્યૂટ ઓફ ઈન્ડિયામાં બનાવવામાં આવી રહી છે.

તેનાથી વિપરિત, આ બંને વેક્સિનના બંને ડોઝ લેનાર લોકોની ઈમ્યુન સિસ્ટમે ડેલ્ટા વેરિઅન્ટને બેઅસર કરી દીધો છે. રિસર્ચના લીડ ઓથર ઓલિવિયર શ્વાર્ટઝ અને પેરિસમાં પાશ્ચર ઈન્સ્ટિટ્યૂટમાં વાઈરસ અને ઈમ્યુનિટી યુનિટના હેડના જણાવ્યા પ્રમાણે, આ શોધ એક સારા સમાચાર છે.

રિસર્ચના અનુસાર, એસ્ટ્રાજેનેકા અથવા ફાઈઝર-બાયોએનટેક વેક્સિનનો એક ડોઝ લેનાર લોકો માત્ર 10 ટકા લોકો કોરોનાના આલ્ફા અને ડેલ્ટા વેરિઅન્ટને નિષ્ફળ કરી શક્યા. તેમજ આ બંનેમાંથી કોઈ એક વેક્સિનનો બંને ડોઝ લેનાર લોકો 95% લોકોએ ડેલ્ટા અને બીટા વેરિઅન્ટને નિષ્ફળ કરી દીધો. સંશોધકોના જણાવ્યા પ્રમાણે, આ એક મોટો તફાવત છે.

તેથી સ્પષ્ટ છે તે જો ડેલ્ટા અથવા બીટા વેરિઅન્ટની સામે લડવાની તાકાત પેદા કરવી હોય તો કોરોના વેક્સિનના બંને ડોઝ જરૂરી છે. અથવા ભારતમાં કોવીશિલ્ડના બંને ડોઝ લીધા બાદ 95% લોકોમાં ડેલ્ટા વેરિઅન્ટને નિષ્ફળ કરવાની તાકાત પેદા થઈ જશે.

કોરોનાને માત આપતી એન્ટિબોડીઝ 4 ગણી ઓછી અસરકાર ફ્રેન્ચ સંશોધકોએ એવા લોકોની પણ તપાસ કરી જેમને વેક્સિન તો નથી લધી, પરંતુ તેઓ કોરોનાને માત આપી ચૂક્યા હતા. રિસર્ચના અનુસાર, આવા લોકોમાં પેદા થયેલી એન્ટિબોડીઝ કોરોનાના ડેલ્ટા વેરિઅન્ટની વિરુદ્ધ સામાન્ય કોરોનાથી ચાર ગણી ઓછી અસરકારક હોવાનું જાણવા મળ્યું છે.
આવા લોકોએ વેક્સિનનો એક ડોઝ લીધા બાધ તેમની એન્ટિબોડીઝની તાકાત અદભૂત રીતે વધી છે.

સ્પષ્ટ છે કે કોરોનાને એક વખત હરાવી ચૂકેલા લોકો એવા વ્હેમમાં ન રહેવું કે તેમના શરીરમાં અત્યારે એન્ટિબોડીઝ છે, કેમ કે તે એન્ટિબોડીઝ અથવા પ્રતિરોધ ડેલ્ટા વેરિઅન્ટની વિરુદ્ધ ચાર ગણી ઓછી અસરકારક છે.

ડેલ્ટા વેરિઅન્ટની વિરુદ્ધ ખાસ વેક્સિન બનાવી રહી છે ફાઈઝર અને બાયોએનટેક ફાઈઝર અને બાયોએનટેક કોરોનાવાઈરસના ડેલ્ટા વેરિઅન્ટની વિરુદ્ધ ખાસ વેક્સિન બનાવી રહ્યા છે. ગુરુવારે બંને કંપનીઓએ આ જાહેરાત કરી હતી. બંને કંપનીઓ ઓગસ્ટમાં આ વેક્સિનનું ક્લિનિકલ ટ્રાયલ શરૂ કરી શકે છે.
ત્રીજા એટલે કે બૂસ્ટર ડોઝના પરિણામ પણ ઘણા સારા ફાઈઝર અને બાયોએનટેકે ગુરુવારે જાહેર ન્યૂઝ રિલીઝમાં જણાવ્યું કે, તેમની વેક્સિનનો ત્રીડો ડોઝ લેવાથી પણ ઘણા સારા પરિણામ મળ્યા છે. જો કે બંને કંપનીઓએ આ પરિણામ સાથે સંબંધિત ડેટા જાહેરા નથી કર્યો.
બૂસ્ટર ડોઝ કહેવામાં આવતી કોરોના વેક્સિનનો ત્રીજો ડોઝ શરૂઆતના બંને ડોઝના છ મહિના બાદ જ આપવામાં આવે છે.
કંપનીઓનો દાવો છે કે, આવો એક બૂસ્ટર ડોઝ કોરોનાના મૂળ વાઈરસ અને બીટા વેરિઅન્ટની વિરુદ્ધ પેદા થતી એન્ટિબોડીઝને પાંચથી દસ ગણી મજબૂત બનાવે છે. માનવામાં આવી રહ્યું છે કે, બંને કંપનીઓ અમેરિકાની ફૂડ એન્ડ ડ્રગ એડમિનિસ્ટ્રેશન (US-FADA)ને આગામી બે-ત્રણ સપ્તાહમાં ડેટા સબમિટ કરશે.
ICMRએ પણ વેક્સિનના બંને ડોઝને અસરકાર જણાવ્યા હતા સંશોધનકારોના આ પરિણામો આ સપ્તાહની શરૂઆતમાં આવેલા ICMR (ઈન્ડિયન કાઉન્સિલ ઓફ મેડિકલ રિસર્ચ)ના તે રિસર્ચની સમાન જ છે, જેમાં કહેવામાં આવ્યું હતું કે, કોરોના વેક્સિનના બંને ડોઝ ડેલ્ટા વેરિઅન્ટની વિરુદ્ધ 95% સુરક્ષા આપે છે. તેમજ એક ડોઝ લેનાર લોકો માટે આ આંકડો ઘટીને 82% થઈ જાય છે. ભારત બાદ અમેરિકા સહિત ઘણા દેશોમાં ડેલ્ટા વેરિઅન્ટે કહેર વરસાવ્યો છે.

ભારત બાદ અમેરિકા સહિત ઘણા દેશોમાં કહેર વરસાવી રહ્યો છે ડેલ્ટા વેરિઅન્ટ
ભારતમાં ઘાતક બીજી લહેરનું કારણ ડેલ્ટા વેરિઅન્ટ અત્યાર સુધી 98 દેશોમાં ફેલાઈ ચૂક્યો છે. અત્યારે અમેરિકા, મલેશિયા, પોર્ટુગલ, ઇન્ડોનેશિયા અને ઓસ્ટ્રેલિયામાં કહેર વરસાવી રહ્યો છે. વર્ષની શરૂઆતમાં તેને બ્રિટન અને યુરોપમાં હજારો લોકોને સંક્રમિત કર્યા હતા.

અત્યારે તે અમેરિકામાં ડોમિનન્ટ વેરિઅન્ટ, એટલે કે સૌથી વધારે જોવા મળતો કોરોના વેરિઅન્ટ છે. અહીં મળી રહેલા તમામ નવા કેસમાં 51.7% કેસ ડેલ્ટા વેરિઅન્ટના છે. આ પહેલા ત્યાં આલ્ફા મુખ્ય વેરિઅન્ટ હતો.

ડેલ્ટા વેરિઅન્ટ પ્રથમ વખત ભારતમાં જોવા મળ્યો હતો, જે ઝડપથી ફેલાયેલો
કોરોનાવાઈરસનો ડેલ્ટા વેરિઅન્ટ પહેલી વખત ભારતમાં મળ્યો હતો. માનવામાં આવી રહ્યું છે આલ્ફા વેરિઅન્ટની સરખામણીમાં 60% અને મૂળ કોરોનાવાઈરસ કરતાં ડબલ તેજીથી એટલે કે 100% વધારે ઝડપથી ફેલાયો છે.

ફ્રાન્સમાં કરવામાં આવેલું રિસર્ચ ભારત માટે જરૂરી

દુનિયાના સૌથી મોટા વેક્સિનેશન અભિયાનના દાવા છતા ભારતમાં શુક્રવારે (9 જુલાઈ) સુધી માત્ર 4.9 ટકા વસ્તીને કોરોના વેક્સિનના બંને ડોઝ આપવામાં આવ્યા. તેમજ 21 ટકા લોકોએ વેક્સિનનો એક ડોઝ લીધો છે. બીજી તરફ અમેરિકામાં 55% વસ્તીને એક ડોઝ અને 48% લોકો સંપૂર્ણ રીતે વેક્સિનેટ થઈ ગયા છે.