જાનૈયાઓ માટે કોચ સરળતાથી બુક થઈ જશે:કેટલા મહિના અગાઉથી બુકિંગ કરાવવું પડે છે, બુકિંગની પ્રક્રિયા શું છે?

લગ્નની તૈયારીમાં અઠવાડિયા-મહિનાઓ ક્યારે વીતી જાય એ ખબર પડતી નથી. ઘણી બધી તૈયારીઓ વચ્ચે તમારું એક કામ વધી જાય, લગ્ન આઉટ ઓફ સ્ટેશન હોય તો મહેમાનોને વેડિંગ ડેસ્ટિનેશન સુધી લઇ જવા માટે ટ્રેન ટિકિટ બુક કરાવવાનું ટેન્શન.આજકાલ એવો ટ્રેન્ડ છે કે છોકરો અને છોકરી લગ્નના તમામ ફંક્શન એક જ જગ્યાએ સાથે કરે છે. આવી સ્થિતિમાં બધા માટે એકસાથે બુકિંગ કરવું મુશ્કેલ બની જાય છે.

આજે જરૂરિયાતના સમાચારમાં, ચાલો આ મુશ્કેલીને હળવી કરીએ અને તમને જણાવીએ કે તમે કેવી રીતે સરળતાથી ફેમિલી ફંક્શન અથવા ગ્રુપ ટ્રિપ માટે કોચ અથવા ટ્રેન બુક કરી શકો છો.

પ્રશ્ન: શું જાનૈયા માટે કે ટ્રીપ માટે કોચ બુક કરવાની પ્રક્રિયા સામાન્ય આરક્ષણ પ્રક્રિયાથી અલગ છે?
જવાબ: જો 5-7 લોકો જતા હોય તો બુકિંગ સામાન્ય પ્રક્રિયા દ્વારા કરવામાં આવે છે. બીજી બાજુ, જો તમામ જાનૈયા ટ્રેન દ્વારા જતા હોય, તો તમે તેને સામાન્ય IRCTC વેબસાઇટ દ્વારા બુક કરી શકતા નથી. આ માટે IRCTCની અલગ વેબસાઇટ છે.

સવાલ: જ્યારે પણ તમારે ટ્રેનમાં જવાનું હોય ત્યારે બુકિંગ થઈ જાય છે, તેમાં ખાસ વાત શું છે?
જવાબ: હા બિલકુલ. ચાલો બુકિંગ તો કરાવી લઈએ. પરંતુ આ રીતે બુકિંગમાં, દરેકને એક જ સમયે એક જ કોચમાં સીટ નથી મળતી હોતી. બુકિંગ અલગ-અલગ સીટ અથવા અલગ-અલગ કોચમાં કરવામાં આવે છે. જેના કારણે લગ્નની સેરેમની કે પ્રવાસનો આનંદ છીનવાઈ થઈ જાય છે

વળી, લગ્નની સિઝનમાં જથ્થાબંધ રિઝર્વેશન ટિકિટ મેળવવામાં પણ સમસ્યા છે.

જ્યારે કોચ બુકિંગની ખાસ વાત એ છે કે, તમે ટ્રેનનો માત્ર એક કોચ અથવા તો આખી ટ્રેન બુક કરાવી શકો છો. આ રીતે બુકિંગ કરવાથી તમારા પરિવહન ખર્ચમાં પણ બચત થઈ શકે છે.

પ્રશ્ન: IRCTCની આ વેબસાઈટનું નામ શું છે? શું તે દરેક વર્ગ માટે ટિકિટ બુક કરી શકે છે?
જવાબ: આ પ્રકારનું બુકિંગ IRCTCના સંપૂર્ણ ટેરિફ રેટ એટલે કે FTR સેવા દ્વારા કરવામાં આવે છે.

આમાં, તમે આરામથી ફર્સ્ટ ક્લાસ, એસી 2-ટાયર, એસી 3-ટાયર, એસી 2 કમ 3 ટાયર, એસી ચેર કાર, સ્લીપર, એસી સલૂન, સેકન્ડ સીટિંગ જેવા કોચ બુક કરી શકો છો.

અહીં તમારે તારીખ, સમય, દિવસ, મુસાફરોની સંખ્યા, રૂટ અને ગંતવ્ય સ્થળ જેવી પ્રવાસની સંપૂર્ણ વિગતો ભારતીય રેલવેને આપવાની રહેશે.

પ્રશ્ન: લગ્ન અને પ્રવાસ માટે ટ્રેન કેવી રીતે બુક કરવી?
જવાબ: જવાબ નીચેના ગ્રાફિક્સ દ્વારા વિગતવાર આપવામાં આવ્યો છે

પ્રશ્ન:- આ પ્રકારના બુકિંંગ માટે ઓફલાઇન રજિસ્ટ્રેશન હોય છે ?

જવાબ: ભારતીય રેલવે અનુસાર, FTR કોચ અને ટ્રેન માટે ઑફલાઇન બુકિંગ સમગ્ર દેશમાં કરવામાં આવે છે. પરંતુ આ માટે તમારે તમારા રાજ્યના કોઈપણ મુખ્ય રેલવે સ્ટેશન પર જવું પડશે. તમે તે સ્ટેશનના મુખ્ય આરક્ષણ અધિકારીને વિનંતી કરીને કોચ અને આખી ટ્રેન બુક કરી શકો છો.

પ્રશ્ન: કોચ અને ટ્રેન બુક કરવા માટે કેટલા સમય પહેલા બુકિંગ કરાવવું જોઈએ?
જવાબ: આ પ્રકારનું બુકિંગ લગ્નની તારીખ અથવા ગ્રુપ ટ્રીપના ઓછામાં ઓછા 1 થી 6 મહિના પહેલા કરાવવાનું હોય છે.

પ્રશ્ન: આ પ્રકારના બુકિંગમાં વ્યક્તિ કેટલા કોચ બુક કરાવી શકે છે?
જવાબ: એક વ્યક્તિ જાન, કે સમૂહ સફર માટે ટ્રેનમાં FTR પર વધુમાં વધુ 2 કોચ બુક કરાવી શકે છે.

પ્રશ્ન: એક કોચ અથવા આખી ટ્રેન બુક કરાવવા માટે કેટલો ખર્ચ થશે?
જવાબ: બંનેની કિંમત અલગ-અલગ છે...

કોચ માટે 50,000 રૂપિયાની સિક્યોરિટી જમા કરાવવાની રહેશે. આ સેવામાં, રાઉન્ડ ટ્રીપની ફોર્મ્યુલા સાથે સંબંધિત વર્ગ અનુસાર પેસેન્જર દીઠ ભાડું વસૂલવામાં આવે છે.

જે લોકો આખી ટ્રેન બુક કરાવે છે તેમને ખબર હોવી જોઈએ કે સામાન્ય રીતે ટ્રેનમાં 18 કોચ હોય છે. જે પણ આખી ટ્રેન બુક કરાવવા માંગે છે તેણે 9 લાખ રૂપિયાની સિક્યોરિટી ડિપોઝીટ જમા કરાવવી પડશે.

FTR સેવા 2 SLR કોચ અને વધુમાં વધુ 24 કોચ બુક કરી શકે છે.

પ્રશ્ન: શું FTR સેવાની ટ્રેનો બધા સ્ટેશનો પર આવે છે?
જવાબ: FTR ને તમામ રેલવે સ્ટેશનો પરથી મુસાફરી કરવાની પરવાનગી છે, પરંતુ ચાર્ટર્ડ કોચ ફક્ત તે જ સ્ટેશનો પર જોડી શકાય છે અથવા અલગ કરી શકાય છે જ્યાં ટ્રેનનો સ્ટોપેજ સમય 10 મિનિટ કે તેથી વધુ હોય છે.