તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Utility
  • Jio's Postpaid Users Will Be Exempted From Security Fees, Only Customers Who Leave Another Company Will Benefit.

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ટેલિકોમ:જિયોના પોસ્ટપેડ યુઝર્સને સિક્યોરિટી ફીમાંથી છૂટ મળશે, બીજી કંપની છોડનારા ગ્રાહકોને જ લાભ મળશે

5 મહિનો પહેલા
  • કૉપી લિંક
  • ગ્રાહકોને વર્તમાન ઓપરેટરનો અનયુઝ્ડ ડેટા જિયો નેટવર્ક પર પણ મળશે
  • પ્લાનના અનુસાર 500થી 1800 રૂપિયા સુધી સિક્યોરિટી ફી લે છે જિયો

રિલાયન્સ જિયોએ પોસ્ટપેડ પ્લાન માટે જમા કરાવવામાં આવતી સિક્યોરિટી ફીમાં છૂટની જાહેરાત કરી છે. આ છૂટ તે ગ્રાહકોને આપવામાં આવશે, જે બીજી ટેલિકોમ કંપનીઓને છોડીને જિયો પોસ્ટપેડ પ્લાન પસંદ કરે છે. જિયોના નિવેદન અનુસાર, આ ગ્રાહકોને એટલી ક્રેડિટ લિમિટ આપવામાં આવશે, જેટલી હાલના ઓપરેટરો તરફથી આપવામાં આવી રહી છે.

ઝીરો કોસ્ટ પર મળશે જિયોનો પોસ્ટપેડ પ્લાન
કંપનીની તરફથી જાહેર કરવામાં આવેલા નિવેદન અનુસાર, બીજી કંપનીઓના પોસ્ટપેડ ગ્રાહકો જિયોનો પોસ્ટપેડ પ્લસ પ્લાન લેશે, તેમને ઝીરો કોસ્ટ પર આ પ્લાન આપવામાં આવશે. એ ઉપરાંત ગ્રાહકોને કોઈપણ પ્રકારની સિક્યોરિટી ફી જમા કરાવવાની રહેશે નહીં. જિયો તેના પોસ્ટપેડ કનેક્શન પર 500GB સુધીનો ડેટા અને નેટફ્લેક્સિ, એમેઝોન પ્રાઈમ, ડિઝની+હોટસ્ટારનું સબસ્ક્રિપ્શન આપી રહી છે.

બીજી કંપનીનો અનયુઝ્ડ ડેટા મળશે
કંપનીના જણાવ્યા પ્રમાણે, બીજી કંપનીઓના પોસ્ટપેડ ગ્રાહકોના અનયુઝ્ડ ડેટા જિયોના નેટવર્ક પર પણ મળશે. તેના માટે ગ્રાહકોએ જિયોના વ્હોટ્સએપ નંબર પર મેસેજ મોકલવાનો રહેશે. એ ઉપરાંત તમારા હાલના ઓપરેટરનું પોસ્ટપેડ બિલ અપલોડ કરવાનું રહેશે. માનવામાં આવી રહ્યું છે કે ગ્રાહકો વધારવા માટે રિલાયન્સ જિયોએ આ પગલું ભર્યું છે. વર્તમાન સમયમાં રિલાયન્સ જિયોએ દેશની સૌથી મોટી મોબાઈલ સર્વિસ પ્રોવાઇડર છે. કંપની પાસે હાલમાં લગભગ 39 કરોડ મોબાઇલ સબસ્ક્રાઈબર્સ છે.​​​​​​​

3 સ્ટેપમાં લઈ શકો છો જિયોનો પોસ્ટપેડ પ્લાન
સ્ટેપ-1ઃ ગ્રાહકોએ તેમના વર્તમાન પોસ્ટપેડ નંબર ((જે તેઓ જિયો પર પોર્ટ કરવા માગે છે)થી વ્હોટ્સએપ નંબર 8850188501 પર Hi લખીને મેસેજ કરવાનો રહેશે.
સ્ટેપ-2ઃ ત્યાર બાદ ગ્રાહકોએ તેના હાલના ટેલિકોમ ઓપરેટરનું પોસ્ટપેડ બિલ અપલોડ કરવું પડશે.
સ્ટેપ-3ઃ 24 કલાક બાદ ગ્રાહક કોઈપણ જિયો સ્ટોર પર જઈને જિયોનો પોસ્ટપેડ પ્લસ સિમ લઈ શકે છે. તે ઉપરાંત સિમની હોમ ડિલિવરી માટે કોલ કરી શકે છે.

500થી 1800 રૂપિયા સુધી સિક્યોરિટી ફી છે
TRAIની વેબસાઈટના જણાવ્યા પ્રમાણે, રિલાયન્સના પોસ્ટપેડ પ્લાન માટે ગ્રાહકોને 500થી લઈને 1800 રૂપિયા સુધી સિક્યોરિટી ફી તરીકે જમા કરાવવાના હોય છે. જોકે રિલાયન્સ જિયોની વેબસાઈટ પર આવી કોઈ સિક્યોરિટી ડિપોઝિટનો ઉલ્લેખ નથી. આ સિક્યોરિટી ફી પ્લાનના અનુસાર અલગ અલગ છે.

કયા પ્લાન પર કેટલી સિક્યોરિટી આપવી પડશે

પ્લાન(રૂ.)સિક્યોરિટી (રૂ.)
399500
599750
7991000
9991200
14991800
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આ સમયે ગ્રહ સ્થિતિ અનુકૂળ રહેશે. સન્માનજનક સ્થિતિઓ બનશે. વિદ્યાર્થીઓને કરિયરને લગતી કોઇ સમસ્યાનું સમાધાન મળવાથી ઉત્સાહમાં વધારો થશે. તમે તમારી કોઇ નબળાઇ ઉપર પણ વિજય પ્રાપ્ત કરવામાં સક્ષમ રહે...

    વધુ વાંચો