કાલથી JEE મેન 2021 શરૂ થશે:એક્ઝામ સેન્ટર પર નોન-કોવિડનું સેલ્ફ ડિક્લેરેશન આપવું પડશે, દિવ્યાંગ વિદ્યાર્થીઓએ સ્ક્રાઇબ સાથે લઇ જવો પડશે

દેશની સૌથી મોટી એન્જિનિયરિંગ એન્ટ્રન્સ એક્ઝામ JEE મેઇનનું પ્રથમ સેશન કાલથી એટલે કે 23 ફેબ્રુઆરીથી શરૂ થઇ રહ્યું છે. આ માટે દેશમાં 321 અને વિદેશનાં 10 શહેરમાં સેન્ટર બનાવ્યા છે. પરીક્ષા સવારે 9થી 12 અને બપોરે 3થી 6ની વચ્ચે હશે. 23 ફેબ્રુઆરીએ BArch અને 24થી 26 ફેબ્રુઆરીએ BE-b.tech એડમિશન માટે પરીક્ષા લેવાશે. પરીક્ષા માટે આશરે 9 લાખ 30 હજાર વિદ્યાર્થીઓએ રજિસ્ટ્રેશન કરાવ્યું છે.

વેબસાઈટ પરથી એડમિટ કાર્ડ ડાઉનલોડ કરો
નેશનલ ટેસ્ટિંગ એજન્સીએ પરીક્ષા માટે એડમિટ કાર્ડ પહેલેથી જ જાહેર કર્યાં છે. વિદ્યાર્થીઓ ઓફિશિયલ વેબસાઈટ પરથી એડમિટ કાર્ડ ડાઉનલોડ કરી શકશે. આ ઉપરાંત ગયા વર્ષની જેમ આ વર્ષે પણ વિદ્યાર્થીઓએ કોવિડ-19 સંબંધિત એક અન્ડરટેકિંગ આપવી પડશે. તેમાં કોવિડ લક્ષણ વિશે જાણકારી આપવાની રહેશે. એ પછી જ કાર્ડ ડાઉનલોડ થશે.

સેલ્ફ ડિક્લેરેશન જમા કરાવવું પડશે
વિદ્યાર્થીઓએ પરીક્ષા દરમિયાન કોવિડનું સેલ્ફ ડિક્લેરેશન જમા કરાવવું પડશે. એડમિટ કાર્ડની સાથે જ વિદ્યાર્થીઓએ સેલ્ફ ડિક્લેરેશન ફોર્મેટમાં જાતે ડાબા હાથના અંગૂઠાનું નિશાન અને ફોટો લગાવીને જવું પડશે. પરીક્ષા સેન્ટર પર રિપોર્ટિંગ ટાઈમે પહોંચી જવું પડશે.

રિપોર્ટિંગ સમય દરેક વિદ્યાર્થીઓ માટે અલગ-અલગ રાખવામાં આવ્યો છે. જેથી વિદ્યાર્થીઓ સેન્ટર પર ભીડ ના કરે. પરીક્ષા શરૂ થયાને અડધો કલાક પહેલાં સેન્ટરના ગેટ બંધ કરી દેવામાં આવશે. આ વર્ષે બીજો એક ફેરફાર કરવામાં આવ્યો છે. દિવ્યાંગ વિદ્યાર્થીઓને સેન્ટર પર સ્ક્રાઇબ નહિ મળે, તેમણે સ્ક્રાઇબ પોતાની સાથે લઇ જવું પડશે.

કોરોનાને ધ્યાનમાં રાખી આ પ્રકારની વ્યવસ્થા રહેશે
કોરોનાકાળમાં આયોજીત થઈ રહેલી પરીક્ષા માટે NTAએ કોવિડ ગાઈડલાઈન્સ જાહેર કરી છે. તે પ્રમાણે, પરીક્ષા પહેલાં અને પછી ખુરશી, ટેબલ, કમ્પ્યુટર, કી બોર્ડ, માઉસ વગેરે સેનિટાઈઝ કરવામાં આવશે. વિદ્યાર્થીઓએ ગાઈડલાઈન પ્રમાણે એકબીજાથી દૂર બેસવું પડશે. પરીક્ષા આપ્યા બાદ કેન્દ્રમાંથી બહાર નીકળતા સમયે પણ સોશિયલ ડિસ્ટન્સિંગનું પાલન કરવું પડશે.

આ વાતોનું ધ્યાન રાખો