• Gujarati News
  • Utility
  • It Is Important To Know The Basic Terms Before Filing An Income Tax Return, Otherwise It Can Be Difficult.

કામની વાત:ઈન્કમ ટેક્સ રિટર્ન ફાઇલ કરતાં પહેલાં તેના બેઝિક ટર્મ્સની જાણકારી હોવી જરૂરી છે, નહીં તો મુશ્કેલ થઈ શકે છે

એક વર્ષ પહેલા
  • નાણાકીય વર્ષ 2018-19 માટે ITR 31 ડિસેમ્બર સુધી ફાઈલ કરી શકાશે
  • ઈન્કમ ટેક્સ રિટર્ન ભરતી વખતે કોઈ દસ્તાવેજ જમા કરવાનો રહેતો નથી

આવકવેરા વિભાગે 2018-19 માટે આવકવેરા રિટર્ન ભરવાની છેલ્લી તારીખ 31 ડિસેમ્બર કરવામાં આવી છે. તમારે ઈન્કમ ટેક્સ રિટર્ન (ITR) ભરતી વખતે કોઈ દસ્તાવેજ જમા કરવાનો રહેતો નથી અને ન કોઈ દસ્તાવેજ અપલોડ કરવાનો હોય છે. તમારે માત્ર રિટર્નમાં માગવામાં આવેલી જાણકારીને તમારા દસ્તાવેજ અનુસાર ભરવાની હોય છે. જો તમે હજી સુધી રિટર્ન ફાઇલ કર્યું નથી, તો અમે તમને કેટલીક બેઝિક ટર્મ્સ વિશે જણાવી રહ્યા છીએ જે ITR ફાઈલ કરતી વખતે કામમાં આવી શકે છે.

કરદાતા
આવકવેરા કાયદાની કલમ 2 (7) અનુસાર, કરદાતા એટલે એવી વ્યક્તિ કે જેની આવકવેરા વિભાગને રકમ (વ્યાજ દંડ વગેરે) ચૂકવવા માટે જવાબદાર હોય. તેને કરદાતા કહેવામાં આવે છે.

ફાઈનાન્શિયલ યર
એક એપ્રિલથી 31 માર્ચ સુધીના સમયને ફાઈનાન્શિયલ યર કહેવામાં આવે છે. ઉદાહરણ તરીકે, 1 એપ્રિલ 2017થી 31 માર્ચ 2018 સુધીના સમયગાળાને નાણાકીય વર્ષ 2017-18 કહેવામાં આવશે. આ વર્ષે આપણે જે રિટર્ન ફાઈલ કરી રહ્યા છીએ તે 2018-19 માટે છે.

અસેસમેન્ટ યર
ભલે નવું વર્ષ 1 જાન્યુઆરીથી શરૂ થઈને 31 ડિસેમ્બરે પૂરું થઈ જાય પરંતુ ઈન્કમ ટેક્સ રિટર્ન 1 એપ્રિલથી શરૂ થઈને આગામી વર્ષ 31 માર્ચ સુધીના આવકના હિસાબથી તમારી પાસેથી લેવામાં આવે છે. ઈન્કમ ટેક્સ એક્ટના અનુસાર, આ સમયને ફાઈનાન્શિયલ યર કહેવામાં આવે છે. એક ફાઈનાન્શિયલ યરમાં આવકના ટેક્સને આગામી ફાઈનાન્શિયલ યરમાં લેવામાં આવે છે. સરળ શબ્દોમાં કહીએ તો જે વર્ષે તમે આવક કરો છો તેને ફાઇનાન્સિયલ યર કહેવામાં આવે છે, તેના પછીના વર્ષમાં જ્યારે તમે ટેક્સ ભરો છો તો તે વર્ષ માટે અસેસમેન્ટ યર કહેવામાં આવે છે.

ડિડક્શન
ઘણા પ્રકારના રોકાણ અને ખર્ચ પર ઈન્કમ ટેક્સ વિભાગ આવકવેરા નિયમો હેઠળ કર લાભ આપે છે. તમે જે રોકાણ કરો છો તેના આધારે તમે ટેક્સ છૂટનો દાવો કરો છો. તેના પર આવકવેરા વિભાગ તમને ટેક્સ રિફંડ આપે છે. ટેક્સમાં મળતી છૂટને ડિડક્શન કહેવામાં આવે છે. ​​​​​​​

ગ્રોસ ઈન્કમ
ગ્રોસ ઈન્કમ કરદાતાની ટેક્સ-ફ્રી આવક અને એલાઉન્સિસને બાદ કર્યા બાદ વર્ષની કુલ આવકને ગ્રોસ ઈન્કમ કહેવામાં આવે છે. ગ્રોસ ઈન્કમ હંમેશાં 80Cથી 80U સુધી મળતા ડિડક્શનથી પહેલાંની સંપૂર્ણ ઈન્કમ હોય છે.​​​​​​​

ટેક્સેબલ ઈન્કમ
ગ્રોસ ઈન્કમમાં આવકવેરાની કલમ 80Cથી 80U સુધી મળનાર ટેક્સ છૂટ લીધા બાદ જે ઈન્કમ આવે છે, તેને ટેક્સેબલ ઈન્કમ કહેવામાં આવે છે. અર્થાત ડિડક્શન પહેલાની ઈન્કમ ગ્રોસ ઈન્કમ અને ડિડક્શન બાદની ઈન્કમને ટેક્સેબલ ઈન્કમ કહેવામાં આવે છે. ​​​​​​​

TDS
સરકાર દ્વારા તમારી આવક પર ટેક્સ કાપવામાં આવે છે. તેને ટેક્સ ડિડક્ટેડ એટ સોર્સ કહે છે. તમારી કંપની ટેક્સની રકમ કટ કરીને બાકીની રકમ તમારા પગારમાં આપે છે. જેટલો ટેક્સ કટ કરવામાં આવે છે તેને આવકવેરા વિભાગ ખાતામાં જમા કરે છે. TDS કટ કરવાનું કામ એમ્પ્લોયર અથવા પેમેન્ટ કરનારી સંસ્થાનું છે. તેને કટ કરવાની અથવા જમા કરાવવી તે લેનારની જવાબદારી નથી.

ઈન્કમ ટેક્સ રિફંડ
જો કોઈ ટેક્સપેયરનો સરકારે વધારે ટેક્સ કટ કરી લીધો છે તો તે પાછો લેવા માટે રોકાણનો દાવો કરે છે. જેના પર આવકવેરા વિભાગ છૂટ આપે છે. ત્યારબાદ વિભાગની પાસે કરદાતાના પૈસા છે તો તેને વિભાગ પૈસા પાછા કરે છે. જેને ટેક્સ રિફંડ કહેવામાં આવે છે. આ રકમ કરદાતાના ખાતામાં આવે છે.

ફોર્મ 16A
જો તમે ક્યાંક નોકરી કરો છો તો તમારો એમ્પ્લોયર તમને એક ફોર્મ 16 આપે છે. આ ફોર્મ એમ્પ્લોયરે તમને અત્યાર સુધીમાં આપી દીધું હશે. ફોર્મ 16 A અંતર્ગત કરદાતાની સેલરી સિવાય બીજા સ્રોતમાંથી થતી આવત અને તેના પર TDS કટ કરવામાં આવ્યો છે તો તે સંસ્થા પાસેથી પણ TDS સર્ટિફિકેટ લેવું જોઈએ. આ સર્ટિફિકેટને જ ફોર્મ 16A કહેવામાં આવે છે.

અન્ય સમાચારો પણ છે...