• Gujarati News
  • Utility
  • Invest In Tax free Bonds For Good And Secure Returns, Take Advantage Of Tax Breaks

તમારા ફાયદાની વાત:સારા અને સુરક્ષિત રિટર્ન માટે ટેક્સ-ફ્રી બોન્ડમાં રોકાણ કરી શકાય છે, તેના પર તમને ટેક્સ છૂટનો ફાયદો પણ મળે છે

4 મહિનો પહેલા
  • કૉપી લિંક

જો તમે આ દિવસોમાં કોઈ એવી જગ્યાએ રોકાણ કરવાનો પ્લાન બનાવી રહ્યા છો જ્યાં રોકાણ કરવા પર તમને ફિક્સ્ડ ડિપોઝિટ કરતાં પણ વધારે રિટર્ન મળે અને ટેક્સ છૂટનો ફાયદો પણ મળે તો તમે ટેક્સ-ફ્રી બોન્ડમાં રોકાણ કરી શકો છો. તેમાં રોકાણ કરવા પર તમારા પૈસા સુરક્ષિત રહે છે અને તમને એક નિશ્ચિત રિટર્ન પણ મળે છે. આ બોન્ડ સરકારની તરફથી કોઈ ખાસ હેતુ માટે જાહેર કરવામાં આવે છે, તેથી તેના પર સરકારની સોવરેન ગેરંટી હોય છે. આજે અમે તમને ટેક્સ ફ્રી બોન્ડ વિશે જણાવી રહ્યા છીએ.

શું હોય છે ટેક્સ-ફ્રી બોન્ડ?
તે એક પ્રકારના ઈન્સ્ટ્રુમેન્ટ હોય છે. કંપનીઓને જ્યારે તેમના બિઝનેસને વિસ્તૃત કરવા માટે પૈસાની જરૂર હોય છે તો તેઓ આ પ્રકારના ડેટ ઈન્સ્ટ્રુમેન્ટ બહાર પાડે છે, જેને બોન્ડ કહેવામાં આવે છે. બોન્ડ શેર માર્કેટમાં લિસ્ટેડ હોય છે. ટેક્સ-ફ્રી બોન્ડ સામાન્ય બોન્ડથી અલગ હોય છે કેમ કે તેના રિટર્ન પર ટેક્સ નથી લાગતો. તેમાં મહત્તમ રોકાણ કરવાની કોઈ મર્યાદા નથી.

કોણ બહાર પાડી શકે છે ટેક્સ ફ્રી બોન્ડ?
સામાન્ય રીતે ટેક્સ-ફ્રી બોન્ડ સરકારના સપોર્ટથી ચાલતી કંપનીઓ જ બહાર પાડે છે. આ કંપનીઓને ઈન્કમ ટેક્સની કલમ 1961 અંતર્ગત ટેક્સ-ફ્રી બોન્ડ જાહેર કરવાની મંજૂરી છે. જાહેર ક્ષેત્રની અન્ડરટેકિંગ કંપનીઓ પણ ટેક્સ-ફ્રી બોન્ડ જાહેર કરે છે, જેમ કે, HHI, NTPC,NHPC, HUDCO વગેરે.

ટેક્સ-ફ્રી બોન્ડમાંથી પ્રાપ્ત રિટર્ન પર ટેક્સ છૂટ મળે છે
ટેક્સ-ફ્રી બોન્ડ પર મળતા રિટર્ન પર ટેક્સ છૂટ મળે છે. સામાન્ય રીતે FD, NSC અને બીજા બોન્ડ પર વ્યાજથી થતી આવક પર ટેક્સ આપવો પડે છે, જ્યારે ટેક્સ-ફ્રી બોન્ડના વ્યાજમાંથી થતી આવક પર કોઈ ટેક્સ આપવો નથી પડતો. જો કે, પ્રિન્સિપલ અમાઉન્ટ પર કોઈપણ પ્રકારની છૂટ નથી મળતી. શેર માર્કેટમાં લિસ્ટ હોવાથી રોકાણ કરવામાં સરળતા રહે છે. ડીમેટ તરીકે મળવાથી તેને સંભાળવા અને તેનું મોનિટર કરવાનું પણ સરળ હોય છે.

તેમાં લોક ઈન પિરિઅડ હોય છે
ટેક્સ ફ્રી બોન્ડનો લોક ઈન પિરિઅડ સામાન્ય રીતે 5 વર્ષનો હોય છે. તેમજ કેટલાક બોન્ડનો લોક-ઈન પિરિઅડ વધારે હોય છે.

કોણા માટે ટેક્સ ફ્રી બોન્ડ સારા
પર્સનલ ફાઈનાન્સ એક્સપર્ટ અને ઓપ્ટિમા મની મેનેજર્સના સંસ્થાપક અને CEO પંકજ મઠપાલ ટેક્સ-ફ્રી બોન્ડ તેમના માટે યોગ્ય માને છે જે રોકાણ પર ફિક્સ્ડ ડિપોઝિટ કરતાં વધારે વ્યાજ ઈચ્છે છે, પરંતુ રિસ્ક લેવા નથી માગતા. તેના પર સ્થિર પરંતુ સુરક્ષિત રિટર્ન મળે છે. તે સિવાય તે એ ટેક્સપેયર્સ માટે પણ યોગ્ય છે જે હાઈ ટેક્સ બ્રેકેટ એટલે કે 20% અથવા તેનાથી વધુના ટેક્સ બ્રેકેટમાં આવતા હોય.

તેમાં કેવી રીતે રોકાણ કરી શકાય છે
ટેક્સ-ફ્રી બોન્ડ એક્સચેન્જ પર મળે છે. તો તમે આ બોન્ડને બોમ્બે સ્ટોક એક્સચેન્જ અને નિફ્ટી સ્ટોક એક્સચેન્જ પરથી ખરીદી શકો છો. તમામ બોન્ડ એક વ્યાજ દર ઓફર કરે છે, જે દરના હિસાબથી વાર્ષિક વ્યાજની ચૂકવણી કરવામાં આવે છે.

ટેક્સ ફ્રી બોન્ડ્સ અને ટેક્સ સેવિંગ બોન્ડ્સમાં અંતર
ઘણા લોકોને લાગે છે કે ટેક્સ ફ્રી બોન્ડ્સ અને ટેક્સ સેવિંગ બોન્ડ્સ એક જ હોય છે પરંતુ તે સાચું નથી. તે બંને અલગ-અલગ હોય છે. ટેક્સ સેવિંગ બોન્ડના કિસ્સામાં ઈન્કમ ટેક્સ એક્ટની સેક્શન 80CCF અંતર્ગત ટેક્સ બેનિફિટ મૂળ રકમ પર મળે છે. જે એક નાણાકીય વર્ષમાં આ બોન્ડ્સમાં રોકાણ કરવામાં આવે છે.

બીજી તરફ ટેક્સ ફ્રી બોન્ડ્સમાં થતી વ્યાજની ઈન્કમ સંપૂર્ણ રીતે ટેક્સ ફ્રી હોય છે. આ બોન્ડમાં રોકાણ પર મળતી ઈન્કમ પર તમારે કોઈ ટેક્સ નથી ચૂકવવો પડતો, જ્યારે ટેક્સ સેવિંગ બોન્ડના વ્યાજ પર ટેક્સ લાગે છે.

FD કરતાં સારો ઓપ્શન
પંકજ મઠપાલના જણાવ્યા પ્રમાણે, જો તમે હાઈ ટેક્સ બ્રેકેટમાં આવો છો અને આ દિવસોમાં FDમાં રોકાણ કરવાનો પ્લાન બનાવી રહ્યા છો તો તમારા માટે ટેક્સ ફ્રી બોન્ડ સારો ઓપ્શન છે કેમ કે તેમાંથી મળતું રિટર્ન ટેક્સ ફ્રી હોય છે. તે ઉપરાંત તમે જ્યારે ઈચ્છો ત્યારે આ બોન્ડને વેચીને તમારા પૈસા પાછા લઈ શકો છો. જ્યારે FDમાં આવું નથી થતું.

તેમાં જો તમે સમય પહેલા FD તોડાવો છો તો તમારે પેનલ્ટી આપવી પડે છે. જ્યારે ટેક્સ ફ્રી બોન્ડમાં જો તમે રોકાણ કરો છો તો તમે મેચ્યોરિટી પહેલા જ તેને વેચી શકો છો. તેનાથી તમારી પાસે લિક્વિડિટી ઓછી નહીં થાય. તે ઉપરાંત અહીં તમને FD કરતાં વધારે રિટર્ન મળે છે.