તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Utility
  • If You Have An Account In Bank Of Baroda, Now All The Work Will Be Done On Home Phone, You Will Get So Many Banking Facilities

સુવિધા:બેંક ઓફ બરોડામાં ખાતું છે તો હવે ઘરેબેઠા ફોન પર બધાં કામ થશે, આટલી બેંકિંગ સુવિધાઓ મળશે

2 મહિનો પહેલા
  • કૉપી લિંક

કોરોના સંકટ અને લોકોની સુવિધાઓને ધ્યાનમાં રાખતા દેશની સરકારી બેંક ઓફ બરોડાએ પોતાના ગ્રાહકો માટે ખાસ સુવિધા શરૂ કરી છે, જેના દ્વારા તમે ઘરેબેઠા વ્હોટ્સએપ દ્વારા બેંકિંગ સુવિધાનો લાભ લઈ શકો છો. તેના માટે તમારે કોઈ ચાર્જ પણ નહીં ચૂકવવો પડે. તમારે માત્ર બેંકના વ્હોટ્સએપ નંબરને તમારા મોબાઈલમાં સેવ કરવો પડશે અને ત્યારબાદ તમને બેંકની ઘણી સુવિધાઓ વ્હોટ્સએપ પર જ મળી જશે. જાણો આ સુવિધાનો લાભ કઈ રીતે લઈ શકાય છે.

બેંક ઓફ બરોડાએ ટ્વીટ કરીને વ્હોટ્સએપ બેંકિંગ દ્વારા જાણકારી આપી છે. બેંકે ટ્વીટમાં લખ્યું છે કે, BOBની વ્હોટ્સએપ બેંકિંગની સાથે તમે 24x7 બેંકિંગ સુવિધાનો લાભ લઈ શકો છો. તમે તમારું બેલેન્સ ચેક કરવા, મિની સ્ટેટમેન્ટ, ચેક બુક રિક્વેસ્ટ, ચેક બુક સ્ટેટસ અને ઘણી અન્ય સુવિધાનો ફાયદો ઉઠાવી શકો છો.

કયા લોકોને સુવિધા મળશે
બેંકની આ ખાસ સુવિધા માત્ર તે લોકોને મળશે, જેમનો મોબાઈલ નંબર બેંકમાં રજિસ્ટર્ડ છે. જો તમારો મોબાઈલ નંબર રજિસ્ટર્ડ નહીં હોય તો તમને આ સુવિધાનો લાભ લેવામાં થોડી મુશ્કેલી થઈ શકે છે.

સૌથી પહેલા રજિસ્ટર કરો
વ્હોટ્સએપ બેંકિંગ કરવા માટે તમારે સૌથી પહેલા તમારો નબંર રજિસ્ટર્ડ કરાવવો પડશે. તમારે બેંકના બિઝનેસ અકાઉન્ટ નંબર 8433 888 777ને તમારા મોબાઈલના કોન્ટેક્ટ લિસ્ટમાં સેવ કરવો પડશે. ત્યારબાદ આ નંબર પર ‘HI’ લખીને મોકલો અને વાતચીત શરૂ કરો. આ વાતચીત પરથી એવું માનવામાં આવશે કે તમે વ્હોટ્સએપ બેંકિંગના નિયમો અને શરતોથી સહમત છો.

આટલી બેંકિંગ સુવિધાઓ મળશે

  • ગ્રાહકો પોતાનું અકાઉન્ટ બેલેન્સ ચેક કરી શકે છે.
  • મિનિ સ્ટેટમેન્ટ જોઈ શકે છે.
  • ચેક બુક માટે રિક્વેસ્ટ કરી શકાય છે.
  • ચેકબુક સ્ટેટસ ચેક કરી શકાય છે.
  • તે સિવાય છેલ્લા 3 ટ્રાન્ઝેક્શનની ડિટેઈલ મળશે.
  • ક્રેડિટ કાર્ડની બાકીની અમાઉન્ટ ચેક કરી શકાય છે.
  • ક્રેડિટ કાર્ડ પર મળતી ક્રેડિટ લિમિટ ચેક કરી શકો છો.
  • ડેબિટ/ક્રેડિટ કાર્ડને બ્લોક અને અનબ્લોક કરી શકો છો.
  • પ્રી અપ્રૂવડ લોન ઓફરની ડિટેઈલ ચેક કરી શકો છો.

આ બેંકો પણ વ્હોટ્સએપ બેંકિંગની સુવિધા આપે છે
બેંક ઓફ બરોડા સિવાય ICICI Bank, HDFC Bank અને કોટક મહિન્દ્રા બેંક પણ વ્હોટ્સએપ બેંકિંગની સુવિધા આપી રહી છે. વ્હોટ્સએપ દ્વારા ગ્રાહકોને રિયલ ટાઈમ સુવિધા મળી રહી છે. સૌથી ખાસ વાત એ છે કે, આ સુવિધા માટે ગ્રાહકોને કોઈપણ પ્રકારનો ચાર્જ ચૂકવવો પડતો નથી.