IBPS કેલેન્ડર:આખા વર્ષમાં યોજાનારી પરીક્ષાઓ માટે IBPSએ કેલેન્ડર બહાર પાડ્યું, ઓક્ટોબરમાં PO/MT પોસ્ટ્સ માટે પ્રારંભિક પરીક્ષા લેવાશે

ઇન્સ્ટિટ્યૂટ ઓફ બેંકિંગ પર્સનલ સિલેક્શન (IBPS)એ વિવિધ બેંકોમાં ભરતી માટે લેવાતી IBPS RRB ક્લાર્ક પરીક્ષા 2021, IBPS RRB PO પરીક્ષા 2021, IBPS ક્લાર્ક પરીક્ષા 2021, IBPS PO પરીક્ષા 2021 અને IBPS SO પરીક્ષા 2021 સહિત અન્ય ભરતી પરીક્ષા માટે IBPS કેલેન્ડર 2021-22 જાહેર કરી દીધું છે. આખું વર્ષ ચાલતી પરીક્ષાઓમાં સામેલ થવા ઇચ્છુક ઉમેદવારો ઓફિશિયલ વેબસાઇટ ibps.in પર જઇને ચેક કરી શકે છે.

ભરતી પ્રક્રિયા 9 મહિનામાં પૂરી થશે
આ વર્ષે જાહેર કરાયેલા કેલેન્ડર મુજબ, ગ્રામીણ બેંકોમાં ઓફિસ આસિસ્ટન્ટ અને રાષ્ટ્રીયકૃત બેંકોમાં ક્લાર્કની જગ્યાઓની ભરતી પ્રક્રિયા 9 મહિનામાં પૂરી થઈ જશે. RRBમાં ઓફિસ આસિસ્ટન્ટ પોસ્ટ્સ અને બેંકોમાં ક્લાર્કની પોસ્ટ્સ માટે ઉમેદવારોની સિલેક્શન પ્રોસેસ હેઠળ છેલ્લો તબક્કો 2021 ઓક્ટોબર સુધીમાં પૂરો કરી લેવામાં આવશે.

ઓક્ટોબરમાં PO/MT પોસ્ટ્સ માટે પ્રારંભિક પરીક્ષા લેવાશે
તેમજ, PO/MT પોસ્ટ્સ માટેની પ્રારંભિક પરીક્ષા 9, 10, 16 અને 17 ઓક્ટોબર અને મુખ્ય પરીક્ષા 27 નવેમ્બર 2021ના ​​રોજ લેવામાં આવશે. સ્પેશિયાલિસ્ટ ઓફિસર પોસ્ટ્સ માટે પ્રારંભિક પરીક્ષા 18 અને 26 ડિસેમ્બરના રોજ લેવામાં આવશે અને ત્યારબાદ સફળ ઉમેદવારો માટેની મુખ્ય પરીક્ષા 30 જાન્યુઆરી 2022ના રોજ લેવામાં આવશે.

ઓફિશિયલ નોટિફિકેશન અહીં ચેક કરો