• Gujarati News
  • Utility
  • Here Are 5 Things To Keep In Mind If You Are Thinking Of Buying Gold, Including Hallmarking And The Price Of Gold.

આ રીતે સોનાની શુદ્ધતા ચકાસો:જો તમે સોનું ખરીદવાનું વિચારી રહ્યા હો તો હોલમાર્કિંગ અને સોનાની કિંમત સહિત આ 5 બાબતો ધ્યાનમાં રાખવી

3 મહિનો પહેલા
  • કૉપી લિંક
  • માત્ર હોલમાર્કવાળા દાગીના જ ખરીદો. જો કે, સોનાના ઘરેણાંનું હોલમાર્કિંગ ફરજિયાત છે

28 ઓક્ટોબરે પુષ્પ નક્ષત્ર છે, તેના પછી ધનતેરસ અને દિવાળી છે. આ એવો સમય છે, જ્યારે સોનું ખરીદવાનું શુભ માનવામાં આવે છે. અત્યારે ભાવ પણ રેકોર્ડ સ્તરથી લગભગ 8,500 રૂપિયા પ્રતિ દસ ગ્રામની નીચે છે. આ દૃષ્ટિથી અત્યારે સોનું ખરીદાવાનો સારો સમય છે. જો તમે અત્યારે સોનું ખરીદવાનો પ્લાન બનાવી રહ્યા છો તો ઈન્ડિયા બુલિયન એન્ડ જ્વેલર્સ એસોસિએશનના નેશનલ પ્રેસિડન્ટ પૃથ્વીરાજ કોઠારી સોનું ખરીદતા વખતે સાવચેતી રાખવાનું જણાવી રહ્યા છે.

માત્ર હોલમાર્કવાળા દાગીના જ ખરીદો
માત્ર હોલમાર્કવાળા દાગીના જ ખરીદો. જો કે, સોનાના ઘરેણાંનું હોલમાર્કિંગ ફરજિયાત છે, પરંતુ જે જ્વેલર્સનો વાર્ષિક વેપાર 40 લાખ રૂપિયાથી ઓછો છે, તેમને તેનાથી છૂટ મળી છે. સારી બાબત એ છે કે ગ્રાહક આવા જ્વેલર્સ પાસેથી પણ હોલમાર્કવાળી જ્વેલરી માગી શકે છે. આવા ઘરેણાંની શુદ્ધતા નક્કી હોય છે. એટલે કે જો તમે 22 કેરેટના ઘરેણાં ખરીદો છો તો હોલમાર્ક એ વાતની ગેરંટી હશે કે સોનાની શુદ્ધતા 91.6% કરતાં ઓછી નહીં હોય.

જ્વેલરીના મેકિંગ ચાર્જની જાણકારી
જો તમે સોનાની કિંમતમાં ઘટાડો થવાની રાહ જોઈ રહ્યા છો તો તમને નુકસાન થઈ શકે છે, કેમ કે, કિંમત ઘટવાની જગ્યાએ વધી પણ શકે છે. તમે આ કિસ્સામાં કેટલાક જ્વેલર્સનો અભિપ્રાય પણ લઈ શકો છો. તે ઉપરાંત સોનાની યોગ્ય કિંમત જોવા માટે ઈન્ડિયા બુલિયન એન્ડ જ્વેલર્સ એસોસિએશનની વેબસાઈટ પર પણ જઈ શકો છો. આવું કરવા પર તમે અજાણતામાં મોંઘા દાગીના ખરીદવાથી બચી જશો.

જો તમે સોનાના ઘરેણાં ખરીદી રહ્યા છો તો મેકિંગ ચાર્જ મહત્ત્વપૂર્ણ હોય છે. અહીં ભાવ-તાલનું ખાસ ધ્યાન રાખવું. તમે જ્વેલરને મેકિંગ ચાર્જેસિ ઓછા કરવાની માગ કરી શકો છો. ઘરેણાંનો મેકિંગ ચાર્જ 10-30% હોઈ શકે છે. તેથી જો તમે તેને ઘટાડવામાં સફળ રહો છો તો મોટી બચત થઈ શકે છે. વિવિધ જ્વેલરી હાઉસના મેકિંગ ચાર્જિસની તુલના પણ કરી શકો છો.

ઘરેણાંના યોગ્ય વજનની તપાસ જરૂરથી કરો
સોનું ઘણું મોંઘું હોય છે. તેથી વજનમાં થોડા ગ્રામનો પણ ફરક હોય તો ઘરેણાંની કિંમતમાં મોટો તફાવત આવી શકે છે. આ કિસ્સામાં બિલ ઘણું મહત્ત્વનું રાખે છે. તેના પર ઘરેણાંનું વજન લખેલું હોય છે. જો તમને દાગીનાનું વાસ્તવિક વજન ઓછું લાગતું હોય તો તમે જ્વેલર સિવાય બીજી જગ્યાએ તેનું વજન કરાવી શકો છો. વજન ઓછું રહેવાની સ્થિતિમાં તમે બિલની સાથે જ્વેલર્સની પાસે ક્લેમ કરી શકો છો.

જ્વેલર પાસેથી બીલ લેવાનું ન ભૂલો
જ્વેલર્સ પાસેથી બિલ લેવાનું ન ભૂલો. જો તમે થોડા વર્ષો બાદ તમારું સોનું નફામાં વેચવા માગો છો તો તમે કેટલા ફાયદામાં છો એ જાણવા માટે તેની ખરીદી કિંમત જોવી પડશે. એટલું જ નહીં, જો કિંમત, શુદ્ધતા અને મેકિંગ ચાર્જ જેવા મુદ્દાઓ પર જ્વેલરની સાથે કોઈ વિવાદ થાય તો તમે તમારા દાવા માટે તેને બિલ બતાવી શકો છો. તે ઉપરાંત ઈન્કમ ટેક્સના કિસ્સામાં પણ આ દસ્તાવેજ કામમાં આવી શકે છે.

ઈન્વેસ્ટમેન્ટ અલર્ટ
સોવરેન ગોલ્ડ બોન્ડ સ્કિમનો સાતમો હપ્તો સબ્સ્ક્રિપ્શન માટે સોમવારથી ખુલી ગયો છે. સોનામાં રોકાણનો આ ઓપ્શન 29 ઓક્ટોબર સુધી ઓપન રહેશે. રોકાણકારોને ગોલ્ડ બોન્ડ 2 નવેમ્બરના રોજ જાહેર થશે. આ વખતે રિઝર્વ બેંકે તેની કિંમત પ્રતિ ગ્રામ 4,765 રૂપિયા નક્કી કરી છે. ઓનલાઈન પેમેન્ટ કરવા પર પ્રતિ ગ્રામ 50 રૂપિયાની છૂટ મળશે. તેના પર વાર્ષિક 2.5% વ્યાજ પણ મળે છે.