તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Utility
  • From April 1, These 10 Rules, Including Tax And Banking On PF, Will Be Changed, It Will Have A Direct Effect On You.

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

નિયમોમાં ફેરફાર:1 એપ્રિલથી PF પર ટેક્સ અને બેંકિંગ સહિત આ 10 નિયમોમાં ફેરફાર થશે, તેની સીધી અસર તમારા પર થશે

2 મહિનો પહેલા
  • કૉપી લિંક

31 માર્ચ ફાઈનાન્શિયલ યરનો છેલ્લો દિવસ છે. ત્યારબાદ 1 એપ્રિલથી નવું ફાઈનાન્શિયલ યર શરૂ થશે. નવું ફાઈનાન્શિયલ યર શરૂ થવાની સાથે જ ઘણા નિયમોમાં ફેરફાર થશે. અમે તમને આવા જ 10 ફેરફાર વિશે જણાવી રહ્યા છીએ.

1. EPFમાંથી મળતા વ્યાજ પર ટેક્સ
બજેટ 2021-22માં એમ્પ્લોય પ્રોવિડન્ટ ફંડ(EPF)માંથી મળતા વ્યાજ પર ટેક્સની જોહેરાત કરવામાં આવી હતી. હવે એક નાણાકીય વર્ષમાં 2.5 લાખ સુધી EPFમાં રોકાણ ટેક્સ ફ્રી હશે. તેનાથી વધારે રોકાણ કરવા પર એડિશનલ અમાઉન્ટ પર ઈન્ટ્રેસ્ટથી થતી આવક પર ટેક્સ લાગશે. એટલે કે જો તમે વાર્ષિક 3 લાખ રૂપિયા જમા કરાવ્યા છે તો 50 હજાર પર વ્યાજથી જે આવક થશે તેના પર તમારા ટેક્સ સ્લેબના દરે ટેક્સ લાગશે.​​​​​​​

2. સેલરી સંબંધિત નિયમોમાં ફેરફાર
1 એપ્રિલથી સેલરીનો નવો વેજ કોડ લાગુ કરવાની તૈયારીમાં છે. નવો વેજ રૂલ લાગુ થતા જ તમારી સેલરીમાં ફેરફાર થશે. નવા વેજ કોડ પ્રમાણે તમને ઓન હેન્ડ મળતી સેલરીમાં વેતનનો હિસ્સો 50% હોવો જોઈએ. એટલે કે બેઝિક સેલરી, મોંઘવારી ભથ્થું અને રિટેનિંગ એલાઉન્સ એમ કુલ મળતી સેલરી તમારી કુલ સેલરીના અડધી હોવી જોઈએ. એટલે કે 1 તારીખથી તમારી સેલરીના સ્ટ્રક્ચરમાં ફેરફાર થઈ જશે.

3. પોસ્ટ ઓફિસ અકાઉન્ટમાંથી પૈસા ઉપાડવા અને જમા કરાવવા પર ચાર્જ આપવો પડશે
જો તમારું અકાઉન્ટ ઈન્ડિયા પોસ્ટ પેમેન્ટ બેંક (IPPB)માં છે તો તમારે 1 એપ્રિલ 2021થી પૈસા જમા કરાવવા અથવા ઉપાડવા સિવાય આધાર આધારિત પેમેન્ટ સિસ્ટમ (AEPS) પર ચાર્જ આપવો પડશે. આ ચાર્જ ફ્રી ટ્રાન્ઝેક્શનની લિમિટ પૂરી થયા બાદ લેવામાં આવશે. એટલે જો તમારા ટ્રાન્ઝેક્શનની લિમિટ પૂરી થઈ જશે, ત્યારે આ ચાર્જ આપવો પડશે.

4. પ્રી-ફિલ્ડ ITR ફોર્મ
કર્મચારીની સુવિધા માટે અને ઈન્કમ ટેક્સ રિટર્ન ફાઈલ કરવાની પ્રકિયાને સરળ બનાવવા માટે ઈન્ડિવિડ્યુઅલ ટેક્સપેયર્સને હવે 1 એપ્રિલ 2021થી પ્રી-ફિલ્ડ ITR ફોર્મ ઉપલબ્ધ કરાવવામાં આવશે. તેનાથી ITR ફાઈલ કરવાનું સરળ થઈ જશે.

5. સુપર સિનિયર સિટીઝનને ITR ફાઈલ કરવાથી છૂટ
1 એપ્રિલ 2021થી 75 વર્ષથી વધારે ઉંમરના વરિષ્ઠ નાગિરકોને ITR ફાઈલ નહીં કરવું પડે. આ છૂટ તે સિનિયર સિટીઝનને આપવામાં આવી છે જે પેન્શન અથવા ફિક્સ્ડ ડિપોઝિટ પર મળતા વ્યાજ પર આશ્રિત છે. ​​​​​​​​​​​​​​

6. ITR ફાઈલ નહીં કરવા પર બમણો TDS
સરકારે ITR ફાઈલ નહીં કરનારા લોકો માટે નિયમ કડક કર્યા છે. તેના માટે સરકારે ઈન્કમ ટેક્સ એક્ટમાં સેક્શન 206ABને ઉમેરી છે. તેના અંતર્ગત હવે ITR ફાઈલ નહીં કરવા પર 1 એપ્રિલ, 2021થી બમણો TDS આપવો પડશે. નવા નિયમો અનુસાર, જે લોકોએ ઈન્કમ ટેક્સ રિટર્ન ફાઈલ નથી કર્યું, તેના પર ટેક્સ કલેક્શન એટ સોર્સ (TCS) પણ વધારે લાગશે. નવા નિયમોના અનુસાર, 1 જુલાઈ 2021થી પીનલ TDS અને TCL દર 10-20% હશે જે સામાન્ય રીતે 5-10% હોય છે.​​​​​​​

7. કારમાં ડ્યુલ એરબેગ હોવી જરૂરી
આવતા મહિને 1 એપ્રિલથી પેસેન્જર કારમાં સેફ્ટી ધોરણો બદલાઈ રહ્યા છે. હવે ડ્રાઈવરની સાથે સાથે બાજુની સીટ માટે પણ એરબેગ લગાવવું ફરજિયાત કરવામાં આવ્યું છે.

8. 45થી વધુ ઉંમરના લોકોને કોરોનાની વેક્સીન મળશે
એક એપ્રિલથી 45 વર્ષ અને તેનાથી ઉપરના તમામ લોકો કોરોના રસીકરણના કાર્યક્ષેત્ર હેઠળ આવશે. તેમને માત્ર કોવિન પોર્ટલ પર પોતાનું રજિસ્ટ્રેશન કરાવવું પડશે. ત્યારબાદ તેઓ સરકારી અથવા પ્રાઈવેટ સેન્ટરમાં જઈને રસી લઈ શકશે.

9. ઓરિએન્ટલ અને યુનાઈટેડ બેંકની ચેકબુક અને IFSC બદલાઈ જશે
પંજાબ નેશનલ બેંકના જણાવ્યા પ્રમાણે, ઓરિએન્ટલ બેંક ઓફ કોર્સ અને યુનાઈડેટ બેંક ઓફ ઈન્ડિયાની જૂની ચેકબુક અને IFSC/MICR કોડ માત્ર 31 માર્ચ સુધી જ કામ કરશે. ત્યારબાદ તમારે બેંકમાંથી નવો કોડ અને ચેકબુક લેવી પડશે. ગ્રાહકો વધુ જાણકારી માટે ટોલ ફ્રી નંબર 18001802222/18001032222 પર ફોન પણ કરી શકે છે. 1 એપ્રિલ 2020ના રોજ સરકારે પંજાબ નેશનલ બેંક, ઓરિએન્ટલ બેંક ઓફ કોર્સ અને યુનાઈટેડ બેંક ઓફ ઈન્ડિયાનું મર્જર કરવામાં આવ્યું હતું.

10. નોન- સેલરીડ ક્લાસને આપવો પડશે વધારે TDS
1 એપ્રિલથી નોન-સેલરીડ ક્લાસ લોકો જેમ કે ફ્રીલાન્સર્સ, ટેક્નિકલ સપોર્ટર્સ વગેરેના ખિસ્સા પર વધારા ટેક્સનો માર પડવાનો છે. અત્યારે આવા લોકોને પોતાની આવકમાંથી 7.5% TDS તરીકે ચૂકવવો પડતો હતો પરંતુ હવે તેમને 10% TDS આપવો પડશે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આર્થિક સ્થિતિમાં સુધાર લાવવા માટે તમે તમારી કોશિશમાં થોડો પરિવર્તન લાવશો અને તેમાં તમને સફળતા પણ મળશે. થોડો સમય ઘરના બગીચામાં તથા બાળકો સાથે પસાર કરવાથી માનસિક સુકૂન મળી શકશે. કોઇ મિત્ર સાથે...

વધુ વાંચો