DU એકેડમિક કેલેન્ડર:યુનિવર્સિટીએ પાંચમા, છઠ્ઠા, સાતમા અને આઠમા સેમેસ્ટર માટે કેલેન્ડર જાહેર કર્યું, 5 અને 7મા સેમેસ્ટરની એક્ઝામ 20 જુલાઈથી શરુ થશે

દિલ્હી યુનિવર્સિટીએ (DU) પાંચમા, છઠ્ઠા, સાતમા અને આઠમા સેમેસ્ટરનાં વિદ્યાર્થીઓ માટે એકેડમિક કેલેન્ડર જાહેર કર્યું છે. આ કેલેન્ડર પ્રમાણે, 5 અને 7મા સેમેસ્ટરના ક્લાસ 20 જુલાઈથી શરુ થશે. છઠ્ઠા અને આઠમા સેમેસ્ટરના ક્લાસ 1 જાન્યુઆરી, 2022થી શરુ થશે.

10થી 17 ઓક્ટોબર સુધી મિડ સેમેસ્ટર બ્રેક મળશે
પાંચમા અને સાતમા સેમેસ્ટરના વિદ્યાર્થીઓને 10થી 17 ઓક્ટોબર દરમિયાન મિડ સેમેસ્ટર બ્રેક મળશે. 16 નવેમ્બરથી પ્રેક્ટિકલ એક્ઝામની તૈયારી કરવા રજા મળશે. 30 નવેમ્બરથી સેમેસ્ટર પાંચ અને સાતના વિદ્યાર્થીઓના પેપર ચાલુ થશે. થિઅરી પેપર પૂરા થયા પછી 17 ડિસેમ્બરથી 31 ડિસેમ્બર સુધુ બ્રેક મળશે.

11 મેથી 6 અને 8મા સેમેસ્ટરની પરીક્ષાઓ શરુ થશે
દિલ્હી યુનિવર્સિટી તરફથી જાહેર કરેલા કેલેન્ડર પ્રમાણે, છઠ્ઠા અને આઠમા સેમેસ્ટરના વિદ્યાર્થીઓ માટે મિડ સેમેસ્ટર બ્રેક 13 માર્ચથી 20 માર્ચ સુધી રહેશે.પ્રેક્ટિકલ પરીક્ષા અને તૈયારી માટે 28 જૂનથી વેકેશન શરુ થશે. આ ઉપરાંત 11 મેથી થિઅરી પેપર શરુ થશે. એ પછી સમર વેકેશન 26 મેથી શરુ થશે અને 19 જુલાઈ સુધી ચાલુ રહેશે.

ફર્સ્ટ યર માટે કેલેન્ડર જાહેર થઈ ગયું છે
આની પહેલાં યુનિવર્સિટીએ પ્રથમ વર્ષના ગ્રેજ્યુએટ અને ગ્રેજ્યુએટ કોર્સ માટે કેલેન્ડર જાહેર કર્યું હતું. તેમની પ્રેક્ટિકલ પરીક્ષા 3થી 11 ઓગસ્ટ દરમિયાન લેવામાં આવશે. થિઅરી એક્ઝામ 12થી 24 ઓગસ્ટ સુધી લેવામાં આવશે. એ પછી 25થી 30 ઓગસ્ટ સુધી 6 દિવસ માટે સેમેસ્ટર બ્રેક મળશે.