Gujarati News
Utility
Common Law Admission Test Date Announced, Registration Process For The Exam To Be Held On May 9 Will Start From January 1

CLAT 2021:કોમન લો એડમિશન ટેસ્ટની તારીખ જાહેર થઈ, 9 મેના રોજ યોજાનારી પરીક્ષા માટે 1 જાન્યુઆરીથી રજિસ્ટ્રેશન પ્રોસેસ શરૂ થઈ જશે

2 વર્ષ પહેલા

કૉપી લિંક

કન્સોર્ટિયમ ઓફ નેશનલ લો યુનિવર્સિટીઝે કોમન લો એડમિશન ટેસ્ટ (CLAT) 2021ની તારીખ જાહેર કરી દીધી છે. કન્સોર્ટિયમ દ્વારા બહાર પાડવામાં આવેલાં નોટિફિકેશનમાં જણાવ્યા મુજબ, લોની એન્ટ્રન્સ એક્ઝામ આવતા વર્ષે 9 મે, 2021ના રોજ લેવામાં આવશે. પરીક્ષા ઓફલાઇન એટલે કે પેન-પેપર ફોર્મેટમાં સાંજના સ્લોટમાં એટલે કે સાંજે ત્રણથી પાંચ વાગ્યા દરમિયાન લેવામાં આવશે. તેમજ, પરીક્ષા માટેની ઓનલાઇન એપ્લિકેશન 01 જાન્યુઆરી, 2021થી શરૂ થશે. ઉમેદવારો કન્સોર્ટિયમ ઓફ નેશનલ લો યુનિવર્સિટીની ઓફિશિયલ વેબસાઇટ consortiumofnlus.ac.in પર જઇને 31 માર્ચ 2021 સુધી અરજી કરી શકે છે.

કોણ અપ્લાય કરી શકશે?

એક્ઝામ ઓથોરિટીએ એડમિટ કાર્ડ રિલીઝ થવા અંગે કોઈ માહિતી શેર કરી નથી. આવી સ્થિતિમાં, ઉમેદવારોને સમયાંતરે ઓફિશિયલ વેબસાઇટ પર જઇને ચેક કરવાની સલાહ આપવામાં આવે છે. કન્સોર્ટિયમ દ્વારા બહાર પાડવામાં આવેલા નોટિફિકેશન મુજબ, આ એન્ટ્રન્સ એક્ઝામ માટે કોઇપણ માન્ય બોર્ડમાંથી 10 + 2 પેટર્નથી ઓછામાં ઓછા 45% સાથે 12મું ધોરણ પાસ કરેલા ઉમેદવારો અરજી કરી શકે છે.
આ વર્ષે 12મા ધોરણની પરીક્ષા આપનારા ઉમેદવારો પણ રજિસ્ટ્રેશન કરાવી શકે છે. એ જ રીતે PG કોર્સિસ માટે એવા ઉમેદવારો અપ્લાય કરી શકે છે જેમણે ઓછામાં ઓછા 50% સાથે LLB ડિગ્રી મેળવી હોય.

મહત્ત્વપૂર્ણ તારીખો

નોટિફિકેશન બહાર પડ્યાની તારીખ	27 ડિસેમ્બર, 2020
ઓનલાઇન રજિસ્ટ્રેશન શરૂ થવાની તારીખ	01 જાન્યુઆરી, 2021
અરજી કરવાની છેલ્લી તારીખ	31 માર્ચ 2021
એડમિટ કાર્ડ બહાર પડવાની તારીખ	હજી જાહેર નથી થઈ
પરીક્ષાની તારીખ	09 મે, 2021

અન્ય સમાચારો પણ છે...