• Gujarati News
  • Utility
  • Chronic Kidney Disease (CKD); What Patients Need To Know? Here's Latest Updates From Johns Hopkins Medicine Researchers

નવી સ્ટડીમાં દાવો:ડાયાલિસિસ કરાવી રહેલા દર્દીઓને કોરોનાનું જોખમ વધારે, CDCએ કહ્યું, કોઈ પણ સ્ટેજની ક્રોનિક કિડની બીમારીમાં જોખમ હોઈ શકે છે

એક વર્ષ પહેલા
  • કૉપી લિંક

ક્રોનિક કિડની બીમારીનો સામનો કરી રહેલા દર્દીઓ માટે ખરાબ સમાચાર. જ્હોન્સ હોપ્કિંસ મેડિસિનનાં સંશોધકો દ્વારા કરવામાં આવેલા નવા રિસર્ચના જણાવ્યા પ્રમાણે, ક્રોનિક કિડની બીમારી માટે હિમોડાયાલિસિસ લઈ રહેલા નર્સિંગ હોમમાં દાખલ દર્દીઓને SARS-CoV-2ચેપ લાગવાનું વધુ જોખમ હોઈ શકે છે. મોર્બિલિટી એન્ડ મોર્ટેલિટી વીકલી રિપોર્ટમાં આપવામાં આવેલી રિસર્ચની જાણકારીઓને અમેરિકાની સેન્ટર ફોર ડિસીઝ એન્ડ કંટ્રોલ પ્રિવેન્શન (CDC)માં પ્રકાશિત કરવામાં આવી હતી.

ડાયાલિસિસ લઈ રહેલા 47 ટકા દર્દી પોઝિટિવ મળ્યા
રિસર્ચ માટે સંશોધકોએ એપ્રિલમાં 200 બેડવાળી મેરીલેન્ડ નર્સિંગ હોમમાં કોરોનાના કેસની તપાસ કરવામાં આવી. અહીં કુલ 170 દર્દી દાખલ હતા, જેમાંથી 32ને 16થી 30 એપ્રિલની વચ્ચે ડાયાલિસિસ ટ્રીટમેન્ટ આપવામાં આવી હતી. રિસર્ચ પૂરું ન થાય ત્યાં સુધી દર્દીઓ પર SARS-CoV-2ના સંપર્કની સંભાવનાની તપાસ કરવામાં આવી હતી.

સંશોધકોને જાણવા મળ્યું કે, ડાયાલિસિસ લઈ રહેલા 32માંથી 15 (47%) દર્દી કોરોના પોઝિટવ મળ્યા. જ્યારે બીજા 138 દર્દીઓમાં આ આંકડો માત્ર 22 (16%) રહ્યો. જ્હોન્સ હોપકિન્સ યુનિવર્સિટી સ્કૂલ ઓફ મેડિસિનમાં ફોર્થ યરના મેડિકલ વિદ્યાર્થી અને રિસર્ચના મુખ્ય લેખક બેન્જામિન બિગ્લોના જણાવ્યા પ્રમાણે, પરિણામના આધાર પર અમે માનીએ છીએ કે નર્સિંગ હોમમાં દાખલ થયા પછી ડાયાલિસિસ લઈ રહેલા દર્દીઓ SARS-CoV-2ના સંપર્કમાં વાંરવાર અને વધારે સમય સુધી રહેવાની સંભાવના બીજા દર્દીઓ કરતાં વધારે છે.

ડાયાલિસિસ લઈ રહેલા દર્દીઓનું હેલ્થ મોનિટર કરવાની જરૂર છે
જોહન્સ હોપકિન્સ યુનિવર્સિટી સ્કૂલ ઓફ મેડિસિનમાં મેડિસિનના આસિસ્ટન્ટ પ્રોફેસર મોર્ગન કાડ્ઝના જણાવ્યા પ્રમાણે, અમારું રિસર્ચ દર્શાવે છે કે, કોવિડ-19ના કેસને અટકાવવા માટે નર્સિંગ હોમ અને ડાયાલિસિસ સેન્ટરના દર્દીને ડાયાલિસિસ માટે લઈ જતા સમયે અને ડાયાલિસિસની પ્રક્રિયા દરમિયાન સલામતીના પગલામાં સુધારો લાવવા માટે સ્વચ્છ અને સતત વાત કરવી પડશે.

મોર્ગનના જણાવ્યા પ્રમાણે, ડાયાલિસિસમાંથી પસાર થઈ રહેલા દર્દીઓનું મોનિટર કરવું જોઈએ અને SARS-CoV-2ના સંપર્કમાં આવવાની સંભાવનાવાળા કોઈપણ ડાયાલિસિસ સ્ટાફના કોન્ટેક્ટમાં આવવા પર ટેસ્ટિંગને પ્રાથમિકતા આપવી પડશે. તેમના જણાવ્યા પ્રમાણે, સંક્રમણના અટકાવવા માટે અને બચાવાના ગંભીર ઉપાયોની સાથે શરૂઆતના કેસની ઓળખ નર્સિંગ હોમમાં દાખલ ક્રોનિક બીમારીના દર્દીઓને બચાવવા માટે જરૂરી છે. મહામારી દરમિયાન આ દર્દીઓને સૌથી વધારે જોખમમાં રહે છે.

ક્રોનિક કિડની બીમારીના દરેક સ્ટેજ જોખમકારક
CDCના જણાવ્યા પ્રમાણે, કોઈપણ તબક્કે ક્રોનિક કિડની બીમારી કોવિડ-19ના કારણે ગંભીર બીમારીનું જોખમ વધારે છે. આવી સ્થિતિમાં સ્વાસ્થ્યનું ધ્યાન રાખવું જરૂરી છે. કિડનીમાં થઈ રહેલા ફેરફાર અથવા નુકસાનના કારણે કિડની ફેઈલ પણ થઈ શકે છે. જો તમારી કિડની ફેલ થઈ ગઈ છે તો તમારે બ્લડને સપ્તાહમાં ઘણી વખત ફિલ્ટર (ડાયાલિસિસ ટ્રીટમેન્ટ) કરાવવું પડે છે. આવી સ્થિતિમાં થઈ શકે છે, તમારે કિડની ટ્રાન્સપ્લાન્ટ પણ કરાવી પડે છે.

કિડનીની સમસ્યાને કેવી રીતે ઓળખવી
જો તમને કોઈપણ પ્રકારની સમસ્યાનો અનુભવ થઈ રહ્યો છે તો ડોક્ટરની પાસે બ્લડ અને યુરિનની તપાસ કરાવવો. જો યુરિનમાં પ્રોટીન જોવા મળે છે તો તે ડાયાબિટીસના કારણે કિડનીની બીમારી શરૂ થવાનો સંકેત છે. દર વર્ષે તપાસ કરાવવી અને જો યુરિનમાં પ્રોટીન મળી રહ્યું છે અથવા તમારી કિડની સામાન્ય રીતે કામ નથી કરી રહી તો વધારે વખત ટેસ્ટ કરાવવો.

કિડનીને સ્વસ્થ કેવી રીતે રાખવી અને ફેલ થવાથી કેવી રીતે બચાવવી?

  • CDC પ્રમાણે, તમારા બ્લડ પ્રેશરને 140/90થી ઓછું રાખો અથવા ડોક્ટરની સલાહ લઈને બ્લડ પ્રેશરનું ટાર્ગેટ જાણી લો. ઓછા મીઠાવાળું ભોજન લો, ફળ અને શાકભાજી ખાઓ. આ ઉપરાંત એક્ટિવ રહો અને તમારી કોલેસ્ટેરોલની રેન્જ નક્કી કરો. સાથે જ ડોક્ટરની સલાહ લઇને દવાઓ લેતા રહો.
  • જો તમારી કિડની ફેલ થઈ જાય છે તો તમારે ડાયલિસિસ ટ્રીટમેન્ટની જરૂર પડે છે. તેવામાં કિડનીને સ્વસ્થ રાખવી અને ફેલ થવાથી બચાવવી ઘણી જરૂરી છે. CDC પ્રમાણે, તમને ડાયાબિટીઝ હોય તો યુરિન અને બ્લડ ટેસ્ટ કરાવો અને બ્લડ શુગર રેન્જમાં હોવું જોઈએ. એક જગ્યા પર બેસવાની આદત છોડી દો, એક્ટિવ બનો.
  • વધારે વજનને લીધે તકલીફ થઇ શકે છે. જો તમારું વજન વધારે છે તો તમે ઓછું કરો અને સ્મોકિંગની આદત છોડી દો. કિડનીને સ્વસ્થ રાખવા માટે ફૂડ પ્લાન કરો.

કિડનીનું ધ્યાન રાખો અને કોઈ ટ્રીટમેન્ટ ન છોડો
હેલ્થ કેર ટીમ સાથે સંપર્કમાં રહો, ખાસ કરીને બીમારીના લક્ષણ ખરાબ થવા લાગે. જો તમારી પાસે ભોજન કે દવા નથી તો તેમને આ વાતની જાણકારી આપો. તમારી સાથે જમવાની ચોઈસ રાખો જે તમારા કિડની ડાયેટને ફોલો કરવામાં મદદ કરશે. જો તમે ડાયાલિસિસ પર છો તો ક્લિનિકનો સંપર્ક કરો અને તમારી કોઈ પણ ટ્રીટમેન્ટ ન છોડો.

જો તમે કોઈ પણ પ્રકારની બીમારી સામે લડી રહ્યા છો તો આ બે વાતનું ધ્યાન રાખો
દવાઓ ચાલુ રાખો: જો તમે કોઈ બીમારી સામે લડી રહ્યા છો તો તમારી દવાઓને લઈને જાગૃત રહો અને ટ્રીટમેન્ટ ચાલુ રાખો. આ ઉપરાંત જો તબિયત ખરાબ થાય તો ડોક્ટરનો સંપર્ક કરો. આ દરમિયાન ઘણા હેલ્થ એક્સપર્ટ ઓનલાઈન કન્સલ્ટન્ટન્સી આપી રહ્યા છે.

ઓછામાં ઓછા 30 દિવસની દવા સાથે રાખો: આ દરમિયાન ઘરેથી નીકળવું સુરક્ષિત નથી કારણકે તમે જાણતા નથી કે ઘરેથી નીકળ્યા પછી તમે કેટલા લોકોના સંપર્કમાં આવશો. તેવામાં ઓછામાં ઓછી 30 દવાઓનો સ્ટોક તમારી સાથે રાખો.

અન્ય સમાચારો પણ છે...