સ્કૂલે જતા પહેલા જરૂરી સાવધાની:બાળકોએ માસ્ક પહેરીને રાખવું, કોઈની પાસેથી કંઈ લેવું નહીં, તબિયત ખરાબ હોય તો ઘરે જ રહેવું; પેરેન્ટ્સ-ટીચર્સ માટે પણ જરૂરી સૂચના

દેશણાં કોરોનાની બીજી લહેર હવે ધીમી પડી ગઈ છે. પરિસ્થિતિ સામાન્ય થતી જોઈને ઘણા રાજ્યોએ સ્કૂલોને ખોલવાનો નિર્ણય કર્યો છે. કોવિડની વર્તમાન સ્થિતિની વાત કરીએ તો અત્યારે દરરોજ 40 હજારની આસપાસ કેસ આવી રહ્યા છે. પંજાબ અને છત્તીસગઢે સ્કૂલો ખોલી દીધી છે, તેમજ ઉત્તર પ્રદેશ અને આંધ્ર પ્રદેશ 16 ઓગસ્ટથી સ્કૂલો ફરીથી ખોલવાની તૈયારીમાં છે. કોરોનાની ત્રીજી લહેરની આશંકની વચ્ચે આ નિર્ણય કેટલો યોગ્ય અને પડકારજનક હોઈ શકે છે, તેને લઈને ચર્ચા ચાલુ છે. આ બધાની વચ્ચે પેરેન્ટ્સ માટે બાળકોની સુરક્ષા અને શિક્ષણ બંને ચિંતાનો વિષય છે.

ભારત જ નહીં, અમેરિકા અને UKએ પણ લાંબા સમયથી બંધ સ્કૂલોને ફરીથી ખોલવાનો નિર્ણય કર્યો છે. આવી સ્થિતમાં અમેરિકાની સેન્ટર ફોર ડિસીઝ કંટ્રોલ એન્ડ પ્રિવેન્શન, ઈન્ડિયન ઈન્સ્ટિટ્યૂટ ઓફ મેડિકલ રિસર્ચ, અને ડિરેક્ટોરેટ ઓફ એજ્યુકેશનની તરફથી બાળકોને સ્કૂલે મોકલવા, સ્કૂલમાં અભ્યાસ અને સ્કૂલેથી પરત ફર્યા બાદ સંક્રમણથી બચાવવા માટે કેટલાક જરૂરી નિયમો જણાવ્યા છે.

જાણો બાળકોને સ્કૂલે મોકલવાથી લઈને તેઓ ઘરે પાછા આવવા સુધીની ગાઈડલાઈન...

બસમાં કોઈપણ પ્રકારની સપાટીને સ્પર્શ કરવો નહીં, જો સ્પર્શ કરો તો તરત હાથ સેનિટાઈઝ કરો