Gujarati News
Utility
Cheap Air Cleaner Made From Cardboard Will Reduce Virus Particles By 47%, Learn Research In America And How To Make It

ઘરની અંદર કોરોનાથી રક્ષણ:કાર્ડબોર્ડથી તૈયાર સસ્તાં એર ક્લીનર વાઈરસવાળા 47% કણો ઓછાં કરશે, જાણો અમેરિકામાં થયેલું રિસર્ચ અને તેને બનાવવાની રીત

એક વર્ષ પહેલા

કૉપી લિંક

કોરોનાની બીજી લહેરમાં હવે આખો પરિવાર સંક્રમિત થઈ રહ્યો છે. સ્વાસ્થ્ય મંત્રાલયે તો લોકોનો ઘરમાં પણ માસ્ક પહેરવાની સલાહ આપી છે. WHOનું માનવું છે કે, બંધિયાર જગ્યાએ કોરોનાવાઈરસ હવાથી પણ ફેલાઈ શકે છે. તેથી સ્પષ્ટ કહી શકાય કે ઓછાં વેન્ટિલેશનવાળી જગ્યાએ કોરોના ફેલાવાની મોટી સમસ્યા છે.

અમેરિકન ઈન્સ્ટિટ્યુટ ઓફ ફિઝિક્સના જર્નલ ફિઝિક્સ ઓફ ફ્લૂઈડ્સમાં પબ્લિશ થયેલાં રિસર્ચમાં એક રાહતના સમાચાર સામે આવ્યા છે. તેમાં વૈજ્ઞાનિકોએ સાબિત કર્યું કે ઓછી કિંમતમાં કાર્ડબોર્ડથી તૈયાર એર ક્લીનર ક્લાસરુમ જેવી બંધ જગ્યાએ 47% એરોસોલ તરીકે હવામાં રહેલા કોરોના વાઈરસને અલગ કરી શકે છે.

તેનાથી સંક્રમિત જો ક્લાસરૂમમાં હોય તો વિદ્યાર્થીઓને કોરોનાનું જોખમ ઘટે છે. આ ક્લીનરનો ઉપયોગ આપણે ઘરમાં પણ કરી શકીએ છીએ.

જાણો તેને બનાવવાની રીત
આ એર ક્લીનર સરળતાથી કાર્ડબોર્ડના ફ્રેમ ઉપર એર ક્લીનર અને બોક્સ ફેનને ફિટ કરી બનાવી શકાય છે. કાર્ડબોર્ડની આ ફ્રેમમાં બોક્સ ફેનને ફિલ્ટરની નીચે એવી રીતે અટેચ કરવામાં આવે છે જેથી પંખાની હવા ફિલ્ટરમાંથી પસાર થાય અને નીચે શુદ્ધ હવા નીકળતી રહે.

બોક્સ ફેનની સાઈઝ
0.5m X 0.5m

એર ફિલ્ટર
0.5m X 0.5m X 0.1m,જેની MERV અર્થાત મિનિમમ એફિશિયન્સી રિપોર્ટિંગ વેલ્યૂ 13 હોય.
જે ફિલ્ટરની MERV વધારે તે એટલું સારું.

MERV 13 ફિલ્ટરનું મહત્વ
એવું ફિલ્ટર જે 0.3μm (માઈક્રોમીટરર) થી 1.0μm આકારના 84% પાર્ટિકલ્સને અને 1.0μmથી 3.0μm આકારના 90% પાર્ટિકલ્સને પાસ ન થવા દે.

5μmથી નાનાં હોય છે એરોસોલ

વૈજ્ઞાનિકોનું કહેવું છે કે કોઈ પણ વ્યક્તિ જ્યારે છીંકે છે કે ઉધરસ કરે છે અથવા બોલે છે કે ગીત ગાય છે ત્યારે તે નાક અથવા મોંથી અલગ અલગ સાઈઝના ટીપાંઓ બહાર કાઢે છે.
જો તેની સાઈઝ 5μm અથવા ઓછી હોય તો તેને એરોસોલ મનાય છે. તે હવામાં લાંબાં અંતર સુધી ફેલાય છે.
1μm એક મીટરના 10 લાખ ભાગના બરાબર હોય છે.
તેથી MERV 13 ફિલ્ટરથી એરોસોલ તરીકે રહેલા વાઈરસ ફિલ્ટર પાર કરી શકતા નથી.

શિક્ષકને સંક્રમિત માનીને 24 મોડેલ તૈયાર કરાયા

આ એક્સપેરિમેન્ટ 2 અલગ અલગ લેબોરેટરીમાં કરવામાં આવ્યા. તેમાં વૈજ્ઞાનિકોએ કોરોનાવાઈરસના એરોસોલને બદલે તમાકુના ધુમાડાનો ઉપયોગ કર્યો.
શિક્ષકને સંક્રમિત માનતા તેમને 2 જગ્યાએ ઊભા રહીને લેક્ચર આપવાનું સિમ્યુલેશન કરવામાં આવ્યું. પ્રથમ કેસમાં ક્લાસરુમમાં એક ખૂણામાં બ્લેક બોર્ડના સામે ઊભા રાખવામાં આવ્યા અને બીજા કેસમાં ક્લાસરુમની વચ્ચે રાખી લેક્ચર અપાયું.
આ સિવાય ફિલ્ટરને શિક્ષક પાસે, ક્લાસરુમમાં લાગેલાં વેન્ટિલેટર પાસે અને ક્લાસરુમમાં પાછળ રાખવામાં આવ્યું.
એક્સપેરિમેન્ટમાં શિક્ષકના ઊભા રહેવાની જગ્યા, એર ક્લીનરની જગ્યા, હવાની દિશા અને રુમનો આકાર અને તાપમાન પ્રમાણે 24 અલગ સ્થિતિ ઊભી કરવામાં આવી.
લેક્ચરને 50 મિનિટનો માની દરેક વખતે 50 મિનિટ સુધી એરોસોલના નેચરની સ્ટડી કરવામાં આવી.

વેન્ટિલેટરવાળા ક્લાસરુમનું મોડેલ બનાવવામાં આવ્યું
અમેરિકાના મોટા ભાગની પબ્લિક સ્કૂલમાં ક્લાસરૂમમાં એક હોરિઝોન્ટલ યુનિટ વેન્ટિલેટર હોય છે. તેમનો એર ચેન્જ પર અવર કેલક્યુલેશન 2 હોય છે. અર્થાત દર એક કલાકે રૂમની હવા 2 વાર બદલાય છે. તેથી એક્સપેરિમેન્ટમાં આવાં જ વેન્ટિલેટરનો ઉપયોગ કરવામાં આવ્યો.

એક્સપેરિમેન્ટમાં ક્લાસરૂમની સાઈઝ
10 મીટર લાંબો, 5 મીટર પહોળો અને 3 મીટર ઊંચો અર્થાત 32.8 ફૂટ X 16.4 ફૂટ X 9.8 ફૂટનો રૂમ.

રિસર્ચર્સે 24 વિવિધ પરિસ્થિતિઓમાં ફિલ્ટરની અસર તપાસી, અમે તેમાંની 6 સ્થિતિઓનું પરિણામ જાણીએ...
1. જ્યારે સંક્રમિત શિક્ષક ક્લાસરૂમમાં બ્લેકબોર્ડ સામે હતા અને એક ક્લીનર નહોતું

વેન્ટિલેટર દ્વારા 5% એરોસોલ બહાર નીકળ્યાં.
15% એરોસોલ ક્લાસરૂમની અંદર જ હવામાં રહ્યા.
80% એરોસોલ દિવાલ અને ફ્લોર પર ચોંટેલા રહ્યા.

2. જ્યારે સંક્રમિત શિક્ષક ક્લાસરૂમમાં હતા અને એર ક્લીનર નહોતું

8% એરોસોલ વેન્ટિલેટર (HUV)માંથી બહાર નીકળી ગયા.
13% એરોસોલ ક્લાસરૂમની અંદર જ હવામાં રહ્યા.
79% એરોસોલ દિવાલ અને ફ્લોર પર ચોંટેલા રહ્યા.

3. જ્યારે સંક્રમિત શિક્ષક બ્લેકબોર્ડ સામે હતા અને તેમની નજીક એર ક્લીનર રાખ્યું હતું

43% એરોસોલ એર ક્લીનરે હવાથી અલગ કરી નાખ્યા.
3% એરોસોલ વેન્ટિલેટર (HUV)માંથી બહાર નીકળી ગયા.
3% એરોસોલ ક્લાસરૂમની અંદર હવામાં રહ્યા.
51% એરોસોલ ક્લાસરૂમની દિવાલ અને ફ્લોર પર ચોંટેલા રહ્યા.

4. જ્યારે સંક્રમિત શિક્ષક બ્લેકબોર્ડ સામે હતા અને એર ક્લીનર વેન્ટિલેટર પાસે મૂક્યું હતું

41% એરોસોલ એર ક્લીનરે હવાથી જુદા પાડી દીધા.
4% એરોસોલ વેન્ટિલેટર (HUV)માંથી બહાર નીકળી ગયા.
7% એરોસોલ ક્લાસરૂમની અંદર હવામાં રહ્યા.
48% એરોસોલ ક્લાસરૂમની દિવાલ અને ફ્લોર પર ચોંટેલા રહ્યા.

5. જ્યારે સંક્રમિત શિક્ષક બ્લેકબોર્ડ સામે હતા અને એર ક્લીનર વેન્ટિલેટરથી દૂર મૂક્યું હતું

19% એરોસોલ એર ક્લીનરે હવાથી અલગ કરી દીધા.
6% એરોસોલ વેન્ટિલેટર (HUV)માંથી બહાર નીકળી ગયા.
9% એરોસોલ ક્લાસરૂમની અંદર હવામાં રહ્યા.
66% એરોસોલ ક્લાસરૂમની દિવાલ અને ફ્લોર પર ચોંટેલા રહ્યા.

6. જ્યારે સંક્રમિત શિક્ષક બ્લેકબોર્ડ સામે હતા અને એર ક્લીનર ક્લાસરૂમમાં પાછળ મૂક્યું હતું

14% એરોસોલ એર ક્લીનરે હવાથી જુદા પાડી દીધા.
5% એરોસોલ વેન્ટિલેટર (HUV)માંથી બહાર નીકળી ગયા.
12% એરોસોલ ક્લાસરૂમની અંદર હવામાં રહ્યા.
69% એરોસોલ ક્લાસરૂમની દિવાલ અને ફ્લોર પર ચોંટેલા રહ્યા.

અન્ય સમાચારો પણ છે...

એપ ખોલો

વીડિયોવધુ જુઓ

Our Divisions

This website follows the DNPA Code of Ethics.

ફીડબેક આપો