સરકારી નોકરી:CCIએ Sપ્રેન્ટિસની 482 પોસ્ટ પર ભરતી માટે અરજીઓ માગી, ઉમેદવારો 21 ફેબ્રુઆરી સુધી અપ્લાય કરી શકશે

કોટન કોર્પોરેશન ઓફ ઇન્ડિયા લિમિટેડ (CCI)એ 482 એપ્રેન્ટિસ પોસ્ટ માટે યોગ્ય ઉમેદવારો પાસેથી અરજીઓ માગી છે. આ પોસ્ટ્સ માટે ઉમેદવારો 10 અને 12 ધોરણ પાસ ઉમેદવારો અરજી કરી શકે છે. એપ્રેન્ટિસની પોસ્ટ્સ પર અરજીઓ શરૂ થઈ ચૂકી છે અને આ માટે અપ્લાય કરવાની છેલ્લી તારીખ 21 ફેબ્રુઆરી નક્કી કરવામાં આવી છે.

ઉમેદવારો ઓફિશિયલ વેબસાઇટ apprenticeshipindia.org પર જઇને અરજી કરી શકે છે. આ રિક્રૂટમેન્ટ ડ્રાઇવ હેઠળ મિકેનિક, વેલ્ડર, મેડિકલ લેબોરેટરી ટેક્નિશિયન, પમ્પ ઓપરેટર, સર્વેયર વગેરેની 48 પોસ્ટ ભરવામાં આવશે.

પોસ્ટની સંખ્યા - 482

એલિજિબિલિટી
CCIની આ પોસ્ટ્સ પર અરજી કરનારા ઉમેદવારો કોઇપણ માન્યતા મેળવેલા બોર્ડમાંથી 10મું અને 12મું ધોરણ પાસ હોવું જોઇએ. જો ઉમેદવારો PCM ગ્રૂપ (ફિઝિક્સ, કેમેસ્ટ્રી અને મેથ્સ)ના હોય તો શ્રેષ્ઠ છે.

વય મર્યાદા
આ પોસ્ટ્સ માટે ઉમેદવારની ઉંમર 18થી 21 વર્ષ વચ્ચે હોવી જોઇએ.

સેલરી
સિલેક્શન થવા પર ઉમેદવારને દર મહિને 6,000 રૂપિયા સેલરી મળશે. વધુ માહિતી જાણવા ઓફિશિયલ વેબસાઇટ પર વિઝિટ કરી શકાશે.