સરકારી નોકરી:BSFએ સ્પોર્ટ્સ ક્વોટા હેઠળ કોન્સ્ટેબલની 269 જગ્યા પર ભરતી જાહેર કરી, ધોરણ 10 પાસ ઉમેદવાર 22 સપ્ટેમ્બર પહેલાં અપ્લાય કરો

બોર્ડર સિક્યોરિટી ફોર્સ (BSF)એ સ્પોર્ટ્સ ક્વોટા હેઠળ કોન્સ્ટેબલની 269 જગ્યા પર ભરતી માટે અરજી માગી છે. આ જગ્યા માટે એપ્લિકેશન પ્રોસેસ 9 ઓગસ્ટ એટલે કે સોમવારથી શરુ થઈ ગઈ છે. ઈચ્છુક કેન્ડિડેટ્સ આ જગ્યા માટે ઓફિશિયલ વેબસાઈટ bsf.gov.in પર ઓનલાઈન અપ્લાય કરી શકે છે. અપ્લાય પ્રોસેસ 22 સપ્ટેમ્બર સુધી ચાલુ રહેશે.

જગ્યાની સંખ્યા: 269

લાયકાત
આ જગ્યા પર અરજી કરનારા કેન્ડિડેટ્સ મેટ્રિક અથવા તો સમકક્ષ પરીક્ષા પાસ હોવા જોઈએ. આ ઉપરાંત આંતરરાષ્ટ્રીય ઓલિમ્પિક સંઘ કે ભારતીય ઓલિમ્પિક સંઘ દ્વારા માન્ય પ્રતિયોગીતામાં ભાગ લેનારા અને મેડલ જીતનારા ખેલાડીઓ અરજી કરી શકશે.

ઉંમર
અરજી કરનારા ઉમેદવારની ઉંમર 1 ઓગસ્ટ, 2021 સુધી 18 વર્ષથી 23 વર્ષ હોવી જોઈએ. જો કે, રિઝર્વ કેટેગરીને નિયમ પ્રમાણે છૂટ આપવામાં આવશે.

મહત્ત્વની તારીખો:
અપ્લાય પ્રોસેસ શરુ થયાની તારીખ: 9 ઓગસ્ટ
અપ્લાય કરવાની છેલ્લી તારીખ: 22 સપ્ટેમ્બર

સિલેક્શન પ્રોસેસ
આ જગ્યા પર અપ્લાય કરનારા કેન્ડિડેટ્સનું સિલેક્શન ડોક્યુમેન્ટ વેરિફિકેશન, ફિઝિકલ ટેસ્ટ, મેડિકલ ટેસ્ટને આધારે કરવામાં આવશે. કેન્ડિડેટ્સે કોઈ લેખિત પરીક્ષા આપવાની નથી.

સેલરી
સિલેક્ટ થયેલા કેન્ડિડેટ્સને દર મહીને 21,700 - 69,100 રૂપિયાનો પગાર અને અન્ય અલાઉન્સ આપવામાં આવશે.

એપ્લિકેશન ફી
જનરલ/OBC-100 રૂપિયા
SC/ST/મહિલા-કોઈ ફી નથી

આ રીતે અપ્લાય કરો
ઈચ્છુક અને યોગ્ય કેન્ડિડેટ્સ આ જગ્યા માટે 22 સપ્ટેમ્બર ઓફિશિયલ વેબસાઈટ bsf.gov.in પર ઓનલાઈન અપ્લાય કરી શકે છે. વધારે જાણકારી માટે ઓફિશિયલ નોટિફિકેશન જુઓ: