તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Utility
  • Breast Milk Can Save Babies From Corona, Researched In US Antibodies Reach Babies From Vaccinated Breast Milk

કામની વાત:માતાનું દૂધ બાળકોને કોરોનાથી બચાવી શકે છે, અમેરિકામાં રિસર્ચ થયું- વેક્સિન લીધેલી માતાના દૂધમાંથી બાળકોમાં એન્ટિબોડી પહોંચી

2 મહિનો પહેલા
  • કૉપી લિંક

જ્યારે વિશ્વમાં કોરોના ફેલાયો ત્યારે સૌથી મોટો પ્રશ્ન એ ઊભો થયો કે- શું માતાના દૂધથી બાળકોમાં કોરોના ફેલાઈ શકે છે?હવે લગભગ એક વર્ષ બાદ જ્યારે વેક્સિનેશન શરૂ થયું તો હવે સવાલ એ ઉભા થયો કે શું વેક્સિનથી બનતી એન્ટિબોડી માતાના દૂધથી બાળકોમાં જઈ શકે છે? શું એન્ટિબોડીવાળું માતાનું આ દૂધ નવજાતોને કોરોનાથી બચાવી શકે છે?

સંશોધનકારોના ઘણા સમૂહોએ માતાના દૂધની તપાસ કરી, પરંતુ તેમને વાઈરસના કોઈ નિશાન નથી મળ્યા. માત્ર એન્ટિબોડી મળી.

અમેરિકામાં ઓછામાં ઓછા 6 સંશોધકોના વિવિધ રિસર્ચમાં સાબિત થયું કે કોરોના વેક્સિન લેનારી મહિલાઓના શરીરમાં બનેલી એન્ટિબોડી સ્તનપાન દ્વારા તેમના બાળકો સુધી પહોંચી ગઈ. તેનાથી સ્પષ્ટ થઈ ગયું કે માતાનું દૂધ બાળકોને ઈન્ફેક્શનથી બચાવી શકે છે.

જાણો સંશોધકોના સામે શું સવાલો હતા અને કેવી રીતે તેમને સાબિત કર્યું કે વેક્સિન લેનારી માતાનું દૂધ તમારા બાળકોને કોરોનાથી કેવી રીતે બચાવવામાં મદદ કરી શકે છે...

સવાલ 1ઃ શું વેક્સિન લેનારી માતાના દૂધમાં એન્ટિબોડી હોય છે?
જવાબઃ હા, એક પછી એક થઈ રહેલા અધ્યન દર્શાવે છે કે વેક્સિન લેનારી માતાના દૂધમાં એન્ટિબોડી છે. જો કે, અત્યાર સુધી સ્પષ્ટ નથી થયું કે આ એન્ટિબોડી બાળકોને કોરોનાથી કેવી રીતે બચાવશે.

સંશોધનકારો સમક્ષ મોટો સવાલ એ હતો કે શું કોરોના વેક્સિનથી બનતી એન્ટિબોડી પણ માતાના દૂધથી બાળકો સુધી પહોંચી શકે છે? કેમ કે, દુનિયાના કોઈપણ વેક્સિન ટ્રાયલમાં ગર્ભવતી અથવા દૂધ પીવડાવતી માતાને સામેલ કરવામાં નથી આવી, તેથી સંશોધકોને સૌથી પહેલા દૂધ પીવડાવતી એવી મહિલાઓ શોધવાની હતી, જેમને વેક્સિન આપી શકાય.

ન્યૂયોર્કના મેનહટનના માઉન્ટ સિનાઈમાં ઈકોન સ્કૂલ ઓફ મેડિસિને એક માનવ દૂધ રોગ નિષ્ણાત રેબેકા પૉવેલે એક સોશિયલ મીડિયા ગ્રુપ દ્વારા સેકન્ડો ડૉક્ટરો અને નસોએ પોતાનું દૂધ આપવા માટે તૈયાર કરી.

રેબેકાએ 10 મહિલાઓના દૂધનું વિશ્લેષણ કર્યું, જેમને વેક્સિનનો બીજો ડોઝ લીધાના 14 દિવસ થઈ ગયા હતા. તેમાંથી 6 મહિલાઓએ ફાઈઝર-બાયોએનટેક વેક્સિન લીધી હતી અને ચારે મોડર્ના વેક્સિન. રિસર્ચમાં જાણવા મળ્યું કે, આ તમામ મહિલાઓના દૂધમાં IgG નામની એન્ટિબોડી મોટી સંખ્યામાં મળી હતી. તેવી જ રીતે બીજા સંશોધકોને પણ આવા જ પરિણામ મળ્યા.

નિષ્ણાતો પરિણામોને લઈને ઉત્સાહિત છે
આવી જ રીતે રિસર્ચ કરનારી બોસ્ટનની વિમેન્સ હોસ્પિટલમાં માતૃ ભ્રૂણ રોગ નિષ્ણાત ડૉ. કેથરીન ગ્રેના જણાવ્યા પ્રમાણે, તેમાં ઉત્સાહિત થવાના કારણો છે, અમારું માનવું છે કે તે બાળકોને થોડી સુરક્ષા આપી શકે છે.

પરંતુ સવાલ એ થાય છે કે, આપણે આ વિશે કેવી રીતે સુનિશ્ચિત થઈ શકીએ છીએ? તેના માટે નાના બાળકોને કોરોનાવાઈરસથી સંક્રમિત કરવા અનૈતિક રહેશે. તેની જગ્યાએ કેટલાક સંશોધનકારોએ આ સવાલના જવાબ માટે એન્ટિબોડીનો અભ્યાસ કર્યો.

તો શું આ એન્ટિબોડી કોરોનાવાઈરસને માનવ કોષોને સંક્રમિત કરવાથી અટકાવી શકશે? તેલ અવીવ યુનિવર્સિટીના એક ઈમ્યુનોલોજિસ્ટ યારિવ વાઈનના જણાવ્યા પ્રમાણે, માતાના દૂધમાં વાઈરસને ફેલાવવાથી રોકવા અને વાઈરસમાં હાજર કોષોને સંક્રમિત કરવાની ક્ષમતાને બ્લોક કરવાની ક્ષમતા હોય છે.

નિષ્ણાતો પણ સાવધાન છે
આવી જ રીતે સંશોધન કરનાર રોચેસ્ટર મેડિકલ સેન્ટર યુનિવર્સિટીમાં પીડિયાટ્રિક એલર્જી એન્ડ ઈમ્યુનોલોજીના ચીફ ડૉ. કિરસી જર્વિનન સેપ્પોના જણાવ્યા પ્રમાણે, આ રિસર્ચ અત્યારે શરૂઆતના તબક્કામાં છે. આવી સ્થિતિમાં, એવું ન કહી શકાય કે આ નવજાત બાળકોને કોરોના નહી થાય જે વેક્સિન લીધેલી માતાનું દૂધ પી રહ્યા છે. આ વાતનો કોઈ સીધો પુરાવો નથી કે માતાના દૂધમાં સામેલ કોરોના એન્ટિબોડી તેમની રક્ષા કરી રહી છે. હા, ઘણા ટૂકડામાં પુરાવા છે જે દર્શાવે છે કે આવું થઈ શકે છે.

સવાલ 2ઃ માતાનું દૂધ કેટલા સમય સુધી સુરક્ષા આપશે?
જવાબઃ જ્યાં સુધી બાળક એન્ટિબોડીવાળું માતાનું દૂધ પીશે.

સંશોધકોનું કહેવું છે કે, ક્યારેક ક્યારેક માતાનું દૂધ પીવાની જગ્યાએ આખો દિવસ માતાનું દૂધ પીતા બાળકો કોરોનાવાઈરસથી વધારે સુરક્ષિત છે.

તેમનું કહેવું છે કે, કોરોનાની સામે માતાનું દૂધ મહિનાઓ સુધી કામ કરતી એક વેક્સિનની જગ્યાએ તે ગોળીની જેમ છે જે તમારે દરરોજ લેવાની છે.

સવાલ 3ઃ શું વેક્સિન લઈ લીધેલી માતાનું દૂધ સુરક્ષિત છે?
જવાબઃ મોટાભાગના નિષ્ણાતો આ વાત પર સહમત છે કે કોરોના વેક્સિન લીધેલી માતાનું દૂધ સુરક્ષિત છે.

સેન ડિએગોમાં કેલિફોર્નિયા યુનિવર્સિટીના સેન્ટર ફોર બેટર બિગિનિંગ્સના કો-ડાયરેક્ટર ક્રિસ્ટીના ચેમ્બર્સ કહે છે, એવું વિચારનું કોઈ કારણ નથી કે વેક્સિન વિશે કંઈપણ એવું હોય છે જે નુકસાનકારક હશે. તે વિશ્વાસ કરવાનું કારણ છે કે વેક્સિન ફાયદાકારક હશે.

તેમજ બોસ્ટન મહિલા હોસ્પિટલમાં મેટર્નલ ફિટલ મેડિસિન સ્પેશ્યાલિસ્ટ ડૉ. કેથરીન ગ્રેના જણાવ્યા પ્રમાણે, પ્રેગ્નન્સી દરમિયાન કેટલીક સેદ્ધાંતિક સુરક્ષાને લઈને ચિંતાઓ છે, પરંતુ બ્રેસ્ટ ફીડિંગ અને વેક્સિનેશનને લઈને આવી કોઈ ચિંતા નથી.

રોચેસ્ટર મેડિકલ સેન્ટર યુનિવર્સિટીમાં પીડિયાટ્રિક એલર્જી એન્ડ ઈમ્યુનોલોજીના ચીફ ડૉ. કિરસી જર્વિનન સેપ્પોના જણાવ્યા પ્રમાણે, mRNA અણુનું આયુષ્ય ટૂંકું હોય છે. આવી સ્થિતિમાં તે કોઈ પણ પ્રકારે માતાના દૂધમાં પ્રવેશ કરી શકતો નથી. તેથી તે સુરક્ષિત છે. મોડર્ના અને ફાઈઝર-બાયોએનટેકની વેક્સિન mRNA આધારિત જ છે.