તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Utility
  • Black Fungus In Covid 19 Patients And Post Covid People In India All You Want To Know, Explained

જીવલેણ ફંગલ ઈન્ફેક્શન:કોરોના દર્દીઓ અને તેને માત આપી ચૂકેલા લોકો પર બ્લેક ફંગસનો હુમલો, આંખ અથવા જડબાને કાઢવા માટે ડૉક્ટર મજબૂર; જાણો તેના લક્ષણ અને તેનાથી બચવાની રીત

2 મહિનો પહેલા
  • કૉપી લિંક

ઈન્દોરની એમવાય હોસ્પિટલમાં સોમવારે બે લોકોની એક-એક આંખ કાઢવી પડી. એક દર્દીની ઉંમર 50 વર્ષની છે અને બીજા દર્દીની ઉંમર 65 વર્ષ. તેમનો જીવ બચાવવા માટે ડૉક્ટરોની સામે આ એક જ રસ્તો બચ્યો હતો.

હકીકતમાં, કોરોનાને માત આપી ચૂકેલા આ બંને લોકોની આંખો પર જોખમકારક ફંગસ મ્યુકર એટલે કે બ્લેક ફંગસે હુમલો કરી દીધો હતો. આવું તેમનું સુગર લેવલ એકદમ વધી જવાને કારણે થયું. આશ્ચર્યજનક વાત એ છે કે, આ બંને દર્દીઓને પહેલા સુગરની કોઈ સમસ્યા નહોતી.

ઈન્દોરની આ બે કહાનીઓ અલગ નથી. સમગ્ર દેશમાં કોરોનાના દર્દીઓ અને તેને માત આપી ચૂકેલા લોકોમાં મ્યુકરમાઈકોસિસ એટલે કે બ્લેક ફંગસના કેસ ઝડપથી સામે આવી રહ્યા છે. આ એક દુર્લભ અને જીવલેણ ફંગલ ઈન્ફેક્શન છે. જો તેની યોગ્ય સમયે સારવાર કરવામાં ન આવે તો આંખોની રોશની જવાની સાથે મૃત્યુ પણ થઈ શકે છે. સાઇનસ દ્વારા આંખોને પોતાની ઝપેટમાં લેનાર આ ફંગલ ઈન્ફેક્શનને શરીરમાં ફેલાતો અટકાવવા માટે શરીરમાં ડૉક્ટરને સર્જરી કરીને ઈન્ફેક્ટેડ આંખ અથવા જડબાનો ઉપરનો ભાગ કાઢવો પડે છે.

સાઈનસ સિવાય આંખ, મગજ, ફેફસાં અથવા ત્વચા પર પણ હુમલો

  • મ્યુકરમાઈકોસિસ દર્દીના સાઈનસની સાથે આંખ, મગજ, ફેફસાં અથવા ત્વચા પર પણ હુમલો કરી શકે છે.
  • આ બીમારીના કારણે દર્દીઓને આંખોની રોશની ગુમાવી પડી શકે છે.
  • સમયસર તેને નિયંત્રિત ન કરવામાં આવે તો તે જીવલેણ પણ હોઈ શકે છે.

મજબૂત ઈમ્યુનિટીવાળાને વધારે જોખમ નથી

  • બ્લેક ફંગસ એવા લોકો પર ખાસ કરીને અસર કરે છે, જેમની બીમારીઓ સામે લડવાની ક્ષમતા એટલે કે ઈમ્યુનિટી કમજોર હોય છે.
  • જેમ કે, કોઈ કમજોર ઈમ્યુનિટીવાળી વ્યક્તિ તેના સંપર્કમાં આવે છે તો ફંગસ તેને પોતાની ઝપેટમાં લઈ લે છે.
  • મજબૂત ઈમ્યુનિટીવાળા લોકો માટે સામાન્ય રીતે બ્લેક ફંગસનું કોઈ જોખમ નથી.

હોસ્પિટલમાં વધારે દિવસ અને વધારે સ્ટેરોઈડ એટલે બ્લેક ફંગસનું વધારે જોખમ

  • કોવિડ ટાસ્ક ફોર્સના અનુસાર, કોરોના દરમિયાન બ્લેક ફંગસનું ઈન્ફેક્શન થવા પર દર્દીના જીવનું જોખમ વધી જાય છે.
  • જે દર્દી લાંબા સમય સુધી હોસ્પિટલમાં રહેશે અને જેટલી વધારે સ્ટેરોઈડ દવાઓ લેતો રહેશે, તેને તેનું વધારે જોખમ રહે છે.

હવાથી નાક અને ફેફસાંમાં અને ત્યાંથી મગજ સુધી પહોંચી શકે છે ઈન્ફેક્શન

  • બ્લેક ફંગસ પહેલાથી જ હવા અને માટીમાં હાજર હોય છે.
  • હવામાં હાજર બ્લેક ફંગસના કણ નાક દ્વારા પ્રવેશે છે. ત્યાંથી ફેફસાંમાં અને ત્યારબાદ લોહીની સાથે મગજ સુધી પહોંચી જાય છે.
  • નાક દ્વારા બ્લેક ફંગસનું ઈન્ફેક્શન સાઈનસ અને આંખો સુધી પહોંચે છે.
  • લક્ષણ દેખાવા પર દર્દીના છાતી અથવા માથાના એક્સ-રે અથવા સીટી સ્કેનમાં ઈન્ફેક્શનની કાળાશ સ્પષ્ટ રીતે દેખાય છે.

બ્લેક ફંગસ નવું ઈન્ફેક્શન નથી, કોરોનાનાં કારણે અચાનક કેસ વધવા લાગ્યા છે

  • સામાન્ય રીતે મ્યુકરમાઈકોસિસ એટલે કે બ્લેક ફંગસ કોઈ નવું ઈન્ફેક્શન નથી.
  • તે માઇક્રોમાસાયટ્સ નામના ફંગસના કારણે થાય છે અને તે શરીરમાં ઝડપથી ફેલાવવા માટે જાણીતું છે.
  • અગાઉ તેને ઝાયગોમિકોસિસ નામથી ઓળખવમાં આવતું હતું.
  • આ દિવસોમાં કોવિડ અથવા પોસ્ટ કોવિડ દર્દીઓમાં બ્લેક ફંગસના કેસ સામે આવી રહ્યા છે.

એન્ટિફંગલ દવાઓથી સારવાર, ઈન્ફેક્ટેડ હિસ્સાને કાઢવા માટે સર્જરી પણ કરવી પડી શકે છે

બ્લેક ફંગસની સારવાર એન્ટિફંગલ દવાઓથી થાય છે. સર્જરી કરાવી પડી શકે છે. ડૉક્ટરના અનુસાર, તેમાં ડાયાબિટીસ કંટ્રોલ કરવો જરૂરી છે. દર્દીને સ્ટેરોઇડ દવાઓ ઘટાડવી પડશે અને ઇમ્યુનોમોડ્યુલેટિંગ દવાઓ બંધ કરવી પડશે.​​​​​​​

કોવિડ ટાસ્ક ફોર્સની સલાહના અનુસાર, સર્જરી પહેલા શરીરમાં પાણીનું યોગ્ય પ્રમાણ જાળવી રાખવા માટે ચાર-છ સપ્તાહ IV સેલાઈન વોટર ચઢાવવું પડશે. તે પહેલા એન્ટિ ફંગલ થેરપી આપવી પડશે. તેમાં એમ્ફોટેરિસિન B નામનું એન્ટિફંગલ ઈન્જેક્શન પણ સામેલ છે. ​​​​​​​

સારવાર કરાવવામાં આ ડૉક્ટરોની જરૂર પડે છે

  • માઈક્રોબાયોલોજિસ્ટ
  • ઈન્ટરનલ મેડિસિન સ્પેશ્યાલિસ્ટ
  • ઇન્ટેન્સિવિસ્ટ
  • ન્યૂરોલોજિસ્ટ
  • ENT સ્પેશ્યાલિસ્ટ
  • આંખોના સ્પેશ્યાલિસ્ટ
  • ડેન્ટિસ્ટ
  • પ્લાસ્ટિક સર્જન
  • બાયોકેમિસ્ટ